فتاة املج

فتاة املج @fta_amlg

عضوة فعالة

جاوبوني الله يجزاكم خير

الأسرة والمجتمع

السلام عليكم
انا بخش سيدا بالموضوع
بنات انا زوجي شخ غامض وابيكم انتم طال عمركن تفسرون لي (هل هذا حب ام لا)
بنات انا زوجي لما اجلس معه شهر بالبيت احس انه يمل مني ووده يجلس لحاله وانا افهمها واروح لبيت اهلي واجلس عندهم شهر تقريبا (لان انا بديره واهلي بديره ونبعد عن بعض 600كيلو
المهم لما ارجع يكون مشتاقلي مره ومتلهف ويجلس الشوق يومين ثمن نرجع لحالتنا الطبيعيه كل واحد بحاله
نجي للكلام والعاطفه (هو بخيل علي بالعاطفه والكلام الحلو يعني مايقولي حبيبتي وووالخ من هالكلام الزين ويسمسني امي..يعني يامي جيبي كذا يامي هاتي كذا يعني هالشي يبين اني غاليه لانه انا بمستوى امه (فهمتو)؟
المهم انا فاتحه بالموضوع وقال انا ما اكرهك ولاحبيتك حب مره انتي غاليه علي وعزيزه ولك غلاك وقدرك بقلبي ولا استغني عنك(سالته قلت تحبني؟قال مدري والله عن نفسي اذا انا احبك او لا؟؟؟!!!!!
قلت كيف يعني ماتدري
قال والله مدري انا ماعطيك كلام حلو ولا مشاعر واحاسيس هل هو يمكن ماتالفت معك وماحبيتك او ممكن من ضغوط الحياة(طبعا هو عليه دين وحنا لنا سنتين و3 شهور متزوجين يعني اعتقد تسمى عشره او عالاقل تعودنا على بعض...
بنات انا ابيكم تفهمون اللي مافهمته من كلام زوجي (هل هو فعلا يحبني او ماحبني من الاساس)
مع العلم انه يقول انا احاول اسوي المستحيل لاجل ارضيك واسعدك وهو على قد حاله وانا اقدر ضروفه ولا اطلب منه واحن له وبالعكس لاشفته ضايقه فيه اروح ابيع من ذهبي واعطيه
ويقولي انتي لارحتي عني وابطيتي اشتاق لك واذ1 شفت احد يطالعك اغار مابيه يشوفك واحاول اسوي لك اللي تبين بس الكلام الحلو والرومنسي مدري ليش حارمك منه مدري ليش مايطلع مني هل لاني افكر بهالحياة وتامين المستقبل ..ام انا وانتي ماتالفنا وماحبيتك !!!
بنات انا والله حتى النوم ماذقته قولولي وش فهمتو من كلامه !!!
انا عجزت من التفكير
وانا مابي افرض نفسي واعيش مع شخص ماحبني ومستحي من مواجهتي ويقولي ماحبيتك الله يسهل عليك!!!
ابي افهم الشيطان والله لعب في راسي جاوبوني تكفووووووووووون والله لادعيلكم
هذا حواري انا وياه وقولولي وش فهمتو منه
27
2K

يلزم عليك تسجيل الدخول أولًا لكتابة تعليق.

تسجيل دخول

وتين الحب
وتين الحب
اتوقع انه يحبك بس الدنيا مشغلته عنك الله يعينك كلامه من جد غامض
فتاة املج
فتاة املج
تسلمين ياعمري مشكوره على الرد والله يسمع منك يارب ...لاني مابي اعيش بوهم
قاعده فوق روسهم
يا حبيبة قلبي يشتاق لك
يغار عليك
يسوي المستحيل عشان يرضيك ويسعدك
يسميك ياااااااااااااااااااااااااااااااااااااااااااااامي
وش تبين بعد وش حب اكثر من هالحب وش صفات الحب الي انت راسمته في خيالك
الرجال الحياه خانقته ديون وضغوط وهموم غير انه (سعودي ) يعني كلام الحب والرمانسيه عنده ضعيف بالفطره الى من رحم ربى
وانت الله يهديك شغاله اسئله تحبني وما تحبني عيشي حياتك طبيعيه مادام انه مكرمك وما سوى شي يزعلك وانت ابدي قولي له كلام حلو وخليه يتعلم منك والوحده منى لازم تصبر على زوجها فما بالك بوحده مثلك عارفه ان عنده ظروف متعبته
اسمحيلي ياغاليتي اقول انت ما عندك مشكله ابدا انت حساسه زياده عن اللزوم وفتحتي للشيطان باب
انا احبكم
انا احبكم
انسان جدا عادي انت لاتدققين تحبني؟ ولا ماتحبني؟ مشي امورك والحمدلله دامه طيب وحبيب ويجي ايام انتي وياه حلوة خلاص يعني لازم رومانسية ياليتنا نرقى بتفكيرنا ولا نفتش بأشياء تكون مهي في صالحنا وحاولي دايما تشوفين محاسنه وكبريها عندك والله الدنيا ماتسوى وانا اختك صدقيني واضح انه يحبك بس فيه كثير من الرجال مايعرفون يعبرون او مايبينون لزوجاتهم حبهم بس ياحبيبتي انت حبيه وعوديه بقربك وحنانك وحديثك الهادي واشعريه بالسعادة اذا كنت معه ولا تكبرين الموضوع ترى الموضوع مايستاهل واذكري الله
اطـيـب قـلـب
اطـيـب قـلـب
يا حبيبة قلبي يشتاق لك يغار عليك يسوي المستحيل عشان يرضيك ويسعدك يسميك ياااااااااااااااااااااااااااااااااااااااااااااامي وش تبين بعد وش حب اكثر من هالحب وش صفات الحب الي انت راسمته في خيالك الرجال الحياه خانقته ديون وضغوط وهموم غير انه (سعودي ) يعني كلام الحب والرمانسيه عنده ضعيف بالفطره الى من رحم ربى وانت الله يهديك شغاله اسئله تحبني وما تحبني عيشي حياتك طبيعيه مادام انه مكرمك وما سوى شي يزعلك وانت ابدي قولي له كلام حلو وخليه يتعلم منك والوحده منى لازم تصبر على زوجها فما بالك بوحده مثلك عارفه ان عنده ظروف متعبته اسمحيلي ياغاليتي اقول انت ما عندك مشكله ابدا انت حساسه زياده عن اللزوم وفتحتي للشيطان باب
يا حبيبة قلبي يشتاق لك يغار عليك يسوي المستحيل عشان...
نفس اللي بغيت اقوله