جاوبوني غيره ولا وش اسميها

كل عام وانتو بخير

خواتي انا امي تحطمني انتي تفشلين وانتي اخيس الناس لازعلت علي ودار كلام بيني انا واختي تقولي انتي حلوه قلت غصب عليك حلوه قالت انا احلى منك قلت من يقوله قالت كل الناس تقوله قلت بعينك وانا اشوف نفسي فتنه امي تسمعنا تطقطق تقول بالله صوريها متحجببه بشيلتي ورافعه نقابي بالسياره ويطقطقن علي اختي مع امي على طول بحق ولا باطل تخاف من دعوات امي انا لا اذا امي على باطل وعلى ضلم تضلم احد يعني ولا تغتاب احد اجادلها لاني مارضى الضلم وهي دايم تثبت انها الصح وانها ماتخطي على شان كذا انا وامي على نقطه اختلاف ولاتقدر علي تصير مواقف تضلم وحده وانا ادافع عنها بالحق فماتقدر تجادلني واختي تسكتني قلت ترضين الضلم انتي قالت لا مارضاه بس اسكتي وطنشي لذالك امي تحب اختي الصغيره اكثر مني وتفضلها علي انا مابي حبها بس اهم شي ماتكون زعلانه علي عادي نتناقش ونرجع نسولف بس مانتفق مع بعض عكس اختي اللي معها على حق وباطل وامي مدح لها واختك احسن منك وانتي بك وبك وان سيرت عليها مافي جلسه قهوه هي واختي الا يتريقون على عيالي عيالك نحيفين سمران يفشلون لاتاخذينهم معك لارحتي لاحد مايشرفون وليله العيد اختي تقول روشيهم لهم ريحه قلت اصلا حنا مانتروش الا من عيد لعيد وابوي يسمعها يطق طق علي اختي تروش بنتها ماعندها غيرها كل صبح تقول سوي زي وتمدح نفسها عند اهلي وانا اسكت ماني فاضيه لهم مو واحد عندي زيها اكرس كل وقتي له وماخذه وقتها بتصوير لنفسها وتنونس نفسها انا زين القا وقت لنفسي اكشخ
انا جميله وطويله وجسمي حلو بس لما يسبوني هي وامي ويعذربون بديت افقد ثقتي بنفسي اقول غيره مني ولا ايش حتى ابتسامه للناس بالعيد احس غصب تطلع من التحطيم واقعد اعدد بقلبي طيب انا اجمل من اللي حاضرات اشوف بنفسي وبعيني اقول هن ليش يسبني ام واختي بديت اسال اختي اللي بسادس انا حلوه ولا لا شعري زين عند الحريم لبسي
واللي لشكالهن ياربي لك الحمد الضحكه شاقتهن ومستانسات وانا العكس لو اسولف معهم واضحك وارقص دخلي احس محطم مادخل مع الحريم ماني اجتماعيه مره
وفوقها اول يعيد زوجي يقول لو تدري وش سويت غير تحبين راسي شايف نفسه علي هو بعد القاها من امي ولا من اختي ولا منه
قلت عساه خير قال واحد عارض علي الزواج من بناته يقول طب وتخير جاوبته برود اول احترق وانفعل قلت ليه ماوافقت قال قلت له والله ماعندي نيه قلت اي واحد يعرض بنات بايره عند اهلها قال لاموضفات وجامعيات قلت ليه ودك تاخذ جامعيه قال لا بس لو باخذ جامعيه اخذت قلت انت اللي حرمتني الدراسه يعني تزوجت وجبت عيالي ورا بعض مافي وقت قلت خذ لك موضفه وتهاوش انت وياها عالراتب
شوي قلت انا ودي تعرس قال ودك *****الله احققها لك قلت بس قبل كل شي تطلقني وتشوف الحريم اللي ماتلقى وحده مثلي وبعدها تندم ويوم تبيني ماتلقاني ساكت
اذا امي اكسرتني القا زوجي يجبر كسري بمدح وغيره بس مو دايم ولا ابي ابين له اني محطمه او فاقده الثقه بنفسي
اختي حلوه والقصه مغيرتها بس اشوف نفسي انا احلا منها مع ذالك ثقتها بنفسها عاليه وتعرف ترد وصوتها عالي انا هاديه الله خلقني كذا صوتي ماصارخ ولا حاد ابوي يقولي انتي بارده قدام اختي تقل ميته قلت هاذي نعومه ماتدري انت عكس امي صوت عالي وصراخ يعني انا الحين طلعت ميته وامي دايم تسبني عند ابوي مو بشغلي لاني قرما ماتقدر لا بشكلي نحيفه تقل جن تفشلين لاتلبسين عاري تطلعين يديك تراك تفشلين قلت يعني انتي اللي تطلعين يديك قالت ايوالله انا مدبدبه وحلوه ومزيونه قلت مره واثقه من نفسه الله يرزقني بثقتك بنفسك ابي احاول اهز ثقه امي بنفسها ماتحرك عاد امي عاديه وسمينه اقول امي تغار وهي فعلا تغار لانها دايم تسبني قدام ابوي لاجلست واعيف الجلسه واقوم ويقولون ليه ماتقعد معنا مره قلت لها انتي ليه تسبيني قدام ابوي والله لرسل له صور مزز تضحك قالت عشان يشوفني بالعلالي
انا تعبت نفسيا كلها تراكم علي بوقت واحد وبيوم واحد امس زوجي دخل عمي بيتي وغرفتي حوسه الفين طايح والملابس وقمصاني عالشماعه احترقت ومر من عندي ماقال بدخله الغرفه يشوفها قال عمك بيسلم عليك رجعت انا وعمي ويناديه تعال عادي
ارسلت له ليه كذا ولا رد بوقتها
وكنت بسير قال ماني موديك روحي مع السواق قلت ليش قال لاتزعجيني روحي مع لاحرمك الروحه قلت عمي ليش تدخله ماقلت لي قال خلي عمك الحين تبين تروحين ولا لا كل عيد الا تنكد ماتصبر شرايكم من المخطي انا ولا هو ولا ان تكلمت خطا منه ولا من اختي ولا من امي قلبي مليان حتى ماقدر اطالع نفسي بالمرايه واضحك ماحس اني بعيد
مايبي يناقشني لانه غلطان ويدري انه يزعلني هالتصرف ماتناقشنا قمت مشوين مريت ماسلمت قال وعليكم السلام مارديت شوي جيته سلمت قال هالحوسه ذي ليه ماتشيلينها قلت عادي ال عادي قلت اللي شافها عمي وهي حوسه كذا عادي قال عمك من نضفه اتركي الخرابيط عني اذا مايبي يعتذر قالخرابيط وصغر الموقف وذا مشتهي الزعل علي اي موقف مني كبره هذا وش معناه عناد لي ولا يدور اللي يغثني ولا مالي كلمه ولا ماهو معتبرني شي شسميه