صباح الخير للجميع
من الموضوع عندي اسئله وابيكم تجاوبوني
1-موعد الولاده اللي تحدده الدكتوره اكيد الوحده تولد فيه حتى لو بقبله بيوم اوبعدها
2-اللي تحس مره بثقل مو طبيعي وتعب بعد اقل مجهود وش وضعها هذه يعني ماراح تطول وتولد
3-واللي تحس بمغص والالام بالرجول تجي وتروح يعني ايش هذا انها ماراح تطول وتولد
4- اللي يفتح عندها الرحم 10 سم ليه يخيطوها ويشقونها من الاصل
5-الوحده اذا شقوها من تحت امممممم كيف بعدها تروح الحمام وانتم بكرامه
6- صحيح ان الوحده بعد الولاده ماتقدر تجلس على الارض
واخيرا اتمنى من كل وحده تعرف تجاوب ان الله يسهلها امرها ويسعدها
نوف الحرمان @nof_alhrman
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
-موعد الولاده اللي تحدده الدكتوره اكيد الوحده تولد فيه حتى لو بقبله بيوم اوبعدها
لا مو لازم نفس موعد الدكتورة ... ممكن يتقدم وممكن يتأخر... بس سبحان الله انا اغلب ولادتي على نهاية الشهر التاسع بالضبط وطبعا انتي تعرفي انه حساب اسابيع الحمل غير يعني الشهر مو اربع اسابيع اكثر اذا ماكنت غلطانة فترة الحمل كلها اثنين واربعين اسبوع واذا كنت غلطانة اتمنى احد يصحح لي المعلومة ...واتوقع الاغلبية كذا ...
-اللي تحس مره بثقل مو طبيعي وتعب بعد اقل مجهود وش وضعها هذه يعني ماراح تطول وتولد
3-واللي تحس بمغص والالام بالرجول تجي وتروح يعني ايش هذا انها ماراح تطول وتولد
كمان لا مو شرط ...كل هذا الثقل والتعب من ضغط الجنين على الاعصاب اسفل الحوض استعدادا للولادة ...
- اللي يفتح عندها الرحم 10 سم ليه يخيطوها ويشقونها من الاصل
5-الوحده اذا شقوها من تحت امممممم كيف بعدها تروح الحمام وانتم بكرامه
6- صحيح ان الوحده بعد الولاده ماتقدر تجلس على الارض
الصراحة ماادري ليش صاروا لازم يشقوا بس انا اتوقع تسهيل اكثر لخروج الطفل ...بس اعرف جارتي ماشا الله ماقد شقوا لها وخيطوها ماشاء الله ..
بالنسبة للحمام لازم تستخدمي الحمام الافرنجي يعني المرتفع اللي على شكل كرسي اذا مو في في حمامك فاشتري من الصيدلية تلقيه بحول ال150 عند النهدي..لاتجلسي على الارض وتتربعين عشان خياطتك ياعسل تلتئم وماتتفك ...
اخيرا اتمنى لك ولادة سهلة وميسرة ...والله يقومك بالسلامة وصدقيني الموضوع اسهل مماتتوقعي ...خليكي على سريرك دايمن ممدة ظهرك بنص جلسة على المخدة الين تلتئم خياطتك وريحي ظهرك ولمي رجلك واسمعي كلام دكتورتك اذا نصحتك تتشطفي بملح او مر...
موفقة ياقمر