السلام عليكم

انا احب اطبخ .. بس ما احب باجي شغل البيت متعب .. بس ما استغنى عن شغالتين ..
وللعلم عندي طباخه بس ادخل وياها المطبخ .. عشان لمساتي ..

ام معضد

انا لي ثلاثين سنة متزوجة وما دخلت عندي شغالة الا مدة سنتين يوم مولدت التوؤمين وبعدين خلاص اخدت اشتغل لوحدي .ا

أنا عندي ثلاث أطفال ومع ذلك ماجبت شغالة ولا أبي أجيب على الأقل كذا بالي مرتاح ما أحاتي تسوي شي فينا ولا في نفسها
حتى مره أهلي سافرو يومين وجابو خدامتهم عندي صحيح اني ارتحت مشغل البيت بس بالمقابل
صرت أتقيد في لبسي وما ألبس خالع لأني ألاحظهم انهم اذا شافو المرأه لابسه خالع يطالعو فيها بنظرات غريبة
وبعدين يابنات انتولازم تنظمو وقتكم وتخلو عيالكم يساعدوكم في شغل البيت لاتربوهم على الإتكالية من وهم صغار أنا بالنسبة لي أخلي بنتي وولدي يرتبو غرفتهم وملابسهم ويكنسون غرفة الجلوس
أما بنتي الصغيرة (5شهور) فموقته نومها وقت الطبخ واذا حصل وماخلتي أنام في الليل أبو الشباب مايقصر ويشتري الأكل منبره أونسوي غداء سريع
وبعدين لازم المره تعود زوجها من أول يوم انه يساعدها ولوبشي بسيط في البيت وما يصير شغل البيت كله متكدس على الزوجة وهذا الشيء ماتقدر الزوجة تسويه اذا عودت بيتها على الخدامة لأن اذا راحت الخدامة مافي أحد في البيت يبي يشتغل لأنهم تعودو على الإتكالية وقلت الشغل

الي كانت كاتبة الموضوع مو ام فيصل 999
ول انا غلطانة

صراحه احسها صعبه...خاصه في هذا العصر... مطالب البيت والاطفال والزوج.. كثيرا جدا... غير عن مطالبي المرأة نفسها.. انا حاليا ماعندي خدامه لكن بييبها ان شاء الله قريب... يعني جربت الحياه من غير خادمه صراحه هلاك في هلاك... الوحده ما عندها وقت تشوف نفسها في المرايه.. صح الحاله النفسيه مرتاحه لكن مب دايما لان وقت الضيوف افكر بالشغل كيف وكيف.. يعني بالمختصر المفيد اللي عاشت من صغرها وعندهم خادمه في البيت ما تقدر تستغني عنها... لانها تعودت على النظام والترتيب
وكل شي جاهز امامها..