بداية ٢٠١٩

الحمدلله بفضل الله شخصيتي تغيرت للأحسن هذا التغير اراحني كثير صرت ما اهتم لكلام الناس واقلل الاحتكاك بالناس الغير جيدين
واصادق الطيبين الي صداقتهم غنيمة

التغير بالزمن وليس بالتاريخ

انا على مر السنوات افكاري ووعيي في حالة تطور وتحسن مستمر
لكن التغيير اللي عمل لي نقله قويه وكأني انولدت من جديد كان بداية سنة 2019
صار لي شي دخلني في حالة مناجاة مع الخالق قلت كلام مليان غضب وتسليم او استسلام ماودي اتعمق بالتفاصيل لكن بعده وكأني انولدت من جديد وكأني لما كنت استفرغ الله يعزكم وكأني استفرغت روحي استغفر الله وانولد بدالها روح جديده او كأن روحي تطهرت من كل شي لدرجة ان اجبال واطنان البلاء والهم اللي كنت فيه صغر وشبه اختفى كل مصايبي صارت ولا شي سبحان الله وصرت خفيفه مثل الريشه
واستمر مسلسل التغيير والتطوير بدون لا اخطط له في اشياء هي تجي بطريقي وتفتح مداركي وتهدم وتبني افكار ووجهات نظر ومعتقدات وبرمجات قديمه وتبدلها بجديد مختلف جذرياً
والحمدلله على كل حال

ما أعرف بالضببببط أي سنة تغيرت شخصيتي
بس هي مواقف وتجارب تغير شخصية الإنسان هي سلسلة من الأحداث والمواقف
بس تقدرين تقولين ان بعد وفاة أمي رحمة الله عليها صرت اشوف الدنيا تافهة ومالها معنى وصار عندي دخول اي انسان لحياتي وخروجه منها عادي بالعكس لو بغى يخرج اشوته بسرعة مافرقت معاي اللي يجي حياه واللي يروح الباب يفوت جمل بس لازلت نفس البنت اللي تحب الفكاهة وروح الدعابة والله يختم لنا ولكم ولجميع المسلمين بالصالحات