جايبتلكم احلى وافخم والذ توفيه

السلام عليكم ورحمة الله وبركاته
كيف حالكم يابنات حواء
انا عضوه جديده معاكم :27:
وياليت ترحبون في بينكم
اليوم جايبتلكم طريقة التوفيه صراحه كتبتها للاخت نور المستقبل وماطلع عندهم حليب بالمانيا وياليت تجربونها وتصورونها وتنزلونها واول وحده تضبطها لها جائزه
لاني صارتلي مشكله في تثبيت البلوتوث في الجهاز وماقدر انزلكم الصور:44:
المهم الى المقادير والطريقه
2كاس حليب بودره محموس ولازم الحمسه تكون غامقه مو فاتحه ولا (( محروقه )) حلو المصطلح (الكاس كاس جبنة المراعي الطويل)
3بيضات
نصف كاس سكر
اصبع زبدة المراعي الطويل
ملعقه صغيره فانيلا
نصف ملعقه صغيره بكنج بودر
بسكوت شاي (اولكر او اي نوع مشابه له )
لعمل التوفي:
نصف كاس سكر
علبة قشطه
الطريقه:
ضعي في الخلاط البيض والسكر والفانيلا واخلطيه مع بعض وهو يخلط ذوبي على النار اصبع الزبده وضعيه على الخليط وضعي عليه البيكنج بودر
ضعي الحليب المحموس في اناء وضعي عليه الخليط اخلطيه بالمضرب اليدوي وضعي عليه نصف فنجال الشاي ماءواخلطي
ادهني الصينيه وضعي عليها نصف الخلطه ورصي بسكوت الشاي فوقها وضعي النصف الثاني ودخليها الفرن من تحت يدووب من 10الى 15دقيقه بعدين ولعي عليها من فوق الى ان تحمر شوي وقفلي النار وخليها تبرد دخليها الثلاجه لازم لما ينحط عليها التوفي تكون بارده
اعملي التوفي : ذوبي السكر على النار الى ان يصير كراميل غامق مو فاتح وضعي عليه القشطه وقلبيه بسرعه وضعيه على الصينيه اللى سويتيها ودخليها الثلاجه الى ان يبرد التوفي وقطعيها مربعات صغيره
وبالهنا والعافيه وياريت تستفيدون منها ترى طعم وشكل ولا في الخيال وقوليلي رايكم