كل عام وانتم بخير جميعا
بادخل بالتفاصيل على طول ادري بكره عيد ولاانتم فاضين لفلسفتي
هذا الله يسلمكم توني داخله بيتي وجايبه لكم حلاوه العيد بس مش اي حلاوه
حلاوه طعمها بيختلف
ادري تقولون عطينا الي عندك ولا اطلعي
الموهيم اليوم قابلت وحده من صديقاتي انقطعت عنها العام الماضي لان شريحتي احترقت وراح الرقم
وسالتني عن اخباري الي طبعا ماتغيرت والحمدلله على كل حال حزنت لحالتي لاني ماحملت
فقالت لي اسمعي ياريم الغياب باقول لك على قصة اختي وشلون تزوجت مع ان امورها كلها معقده
على فكره
ترى هاذي اهي عيديتي لكم
هالقصه
طبعا بارويها على لسانها علشان تعيشون القصه معي زي ماحكت لي
تقول ضاقت فيني الدنيا كل الي بعمر اختي تزوجوا وصارعندهم اطفال واهي مكانك سر ماحدخطبها والعمر قاعد يسرقها اغلى لحظات حياتهاوكان اكثر شي يحرق قلبي لما اشوفها واهي متضايقه ولما اسالها تقولي ولاشي
وانا ادري انها تعبانها نفسيتها وخاصه لمايكون عندنا مناسبه فالبيت ويجون الحريم بنظراتهم الي تقهر واشوفها تطالع فالي بعمرها معاهم عيالهم لاهين فيهم واهي مالها الاتنهيده تحرق صدرها وتكويه
ووفي يوم من الايام كنت قاعده اتابع قناة بدايه وكان طالع شيخ اعتقداسمه عبدالكريم المشيقح وتكلم عن امراه وزوجها وكيف ربي شفاهم من الايدز خلال عدة ايام لماالتزموابنصيحته بعد ارادة الله وكانت نصيحته لهم البقاء على طهاره طيلة اليوم والصدقه وقول لااله الاانت سبحانك اني كنت من الضالمين والحرص على رضاالله ومدحه سبحانه
لما انهى الشيخ محاضرته مابغيت اقول لاختي تطبق كلامه خفت اجرحها فقمت وطبقت كلام الشيخ انا بنفسي كنت ابقى يومي كله على طهاره دايما واتصدق كل يوم واكثرمن سبحان الله والحمدلله ولااله الاالله والله اكبر وتركت متابعه التلفزيون بالمر ه وتركت شي مهم واهو الغيبه حتى بابسط الامور مااتكلم فاحدواكثرت من الدعاء وخاصه بين الاذان والاقامه
والي كان مريحني ان اختي لها فترة واهي مستمره على الاستغفار والرقيه وكنت كلما دخلت عليها لقيتها جالسه تستغفر
طبعاانا استمريت على كلام الشيخ اسبوع كامل
والله كنت ابكي و ادعي ان الله يسر امورها ويرزقها
:39::39::39:بعداسبوع وشوي تقريبا حصل الشي الي ماكنت متخيلته لاانا ولااختي ولاحتى اي احد والله يابنات الي صارمعجزه من رب العالمين ماكنا نحلم فيها اصلا تخيلو تقدم لختي خاطب كلن كان يتمناه في جماعتنا والله تملكت اختي وتزوجت فنفس الشهر ومشت امورها باسهل مايكون والكل فجماعتنا مستغرب
بس ربي فرجها علينا لما اقبلت انا واختي على ربنا وتركنا معصيته وجاهدنا انفسنا على طاعته ربي رزقنا بالفرج وفرحت بزواج اختي فلله الحمد من قبل ومن بعد
هااااااااااااااااااااااذي قصة زواج اخت صديقتي نقلتها لكم زي ماروتهالي اهي بنفسها
هااااااااااااااااااااه وش رايكم بعيديتي عساها اعجبتكم ان شاءالله
اذا اعجبتكم مابي غيردعوه منكم ان ربي يفرحني بيبي صغنون:04::04::04: يملى علي حياتي
ريم الغياب @rym_alghyab
عضوة جديدة
يلزم عليك تسجيل الدخول أولًا لكتابة تعليق.
شقاوه ودلع&
•
الله يبشرك بالخير
,,
آلله يجزآك آلخير يآقلبي . . .
ويجعل مآذكرتي بــ ميزآن حسنآتك . . .
وتسلمي على أحلى عيدية :$
:26:
آلله يجزآك آلخير يآقلبي . . .
ويجعل مآذكرتي بــ ميزآن حسنآتك . . .
وتسلمي على أحلى عيدية :$
:26:
الصفحة الأخيرة