جايتكم افضفض اللي في خاطري احس اني بنفجر من الزعل

السلا م عليكم


اخواتي انا اكتب لكم ابي اقول اللي في خاطري ماابي اقول لقرايبي ماابي احد منهم يعرف اللي يصير بيني وبين زوجي :arb: قلت مافيه غير حبيباتي بنات حواء خاصة انه تحت معرفات يعني مااحد يعرف الثانيه

مالكم في الطويله 0000انا زوجي زيه زي اغلب الرجال اللي يشتكون منهم زوجاتهم وقريت كثير هنا زي حال زوجي اولا هو صحيح يحبني يموت فيني مايحب يزعلني وهذا شيء حلو وشجعني اني اواجهه في كل غلط يسويه واكتشفه 0000بس مدري احس انه طفش من كل مره اجيه واقوله انت ليش تسوي كذا وكذا

زي مثلا مره اكتشفت انه يشوف افلام اباحيه ووااجهته وتهاوشنا ووعدني ماعاد يشوفها وبعد 5 شهور تقريبالقيتها في المحفوظات وجاء في خاطري وبان على وجهي الزعل وحلفني اقوله ايش السبب وقلتله

وحلف لي انه زميله وعديتها على طول وحسسته اني صدقته وانا طبعا متأكده انه هو

وعشنا حياه حلووووووه بدون اي شي وبعدها طاااح في لعبه القيمزر وهات يادردشه مع البنات ولعب وخذت وقته عنا بالمره

صار مدمن عليها وهذا الشئ ضايقني وكل مره ازعل وبدا يخفف الى ان تركها ورجع علينا صفو حياتنا الحمدالله

ورحت اشتريت له جوال ان 8 هديه لان جوال قديم وما يقدر يتصفح النت من خلاله قلت ماابي اضغط عليه من كل جهه

المهم حملت له برنامج الواتس اب وادردش اغلب الوقت انا وهو اذا صار في العمل وماعنده الا عاشخاص معروفين اعتقد 7 اشخاص


ونجي سبب مشكلتنا اليوم انه لقيت في اخر الصفحات تصفح في النت فاتح على اليوتيوب وكاتب رقص بنات ورقص دقني
ويوم شفتها انصدمت وخاصه انه ماعمره طلب مني ارقص قدامه وربي لويطلب لوفره له وخاصه اني مهتمه

بكل شي يحبه من قمصان نوم وحركات وكل شي يحبه اوفره له

المهم سكت وتركت جواله ونمت البارح وهو صحى وراح الدوام وكلمني مرتين وعادي اكلمه والمره الثالثه قالي انتي فيك شيء نبره صوتك فيها شيء

قلت لاعادي واصر علي الا اقول اللي فيني قلت توعدني مايصير زعل زي كل مره وتحط اني انا الغلطانه وانت ماسويت شي قال ايه قولي بس

الهم قلت اللي انا شفته عنده وقعد يضحك قال عادي كنت بالدوام طفشان وتفرجت فيها شئ

قلت والله لو كل واحد طفش راح يسوي اللي سويته فما فيه مثل فراغي وطفشي يعني لو ابي الحر اام رخت وشفته ترضى اني اقعد اتفرج على رجال غيرك وهو يصرخ علي قلت شف انا مو خايفه منك انا خايفه من ربي قبلك ومعاهده نفسي اصونك ومااخونك

قال ايييييييييييه وصولتيها للخاينه قلت ايه العين تزني قال طيب شوي وجايكم

وبعد نص ساعه جاء وكان مره معصب وقال شوفي اولا انتي ظلمتيني ومافهمت وش تقصدين الا لماشفت الجوال

ودريت ان خوي امس ماخذ جوالي وداخل على اللي تقولين وهاوشته وهزائته قلت سبحان الله كل شيء في اخوياك قلت طيب واذا اثبت انه انت

قال اتحداك هو طبعا مايعرف يكتب زين وعنده اخطاء بالاملاء وفتحت عللى قوقل وقلت اكبر دليل تبي تكتب دقني كاتب دكني

قال ماهو انا حتى خويي مامعه الاابتدائي موشرط انا

سكت عنه وبدا يهوش وكلمه مني وعشر منه وقال يالله وش الحل قلت الحل بيدك انت المهم رحت وسويت العشاء وتعشى ونام وخلاني

والحين احس اني متوتره لابعد حل مع العلم كنت قبل 7 شهور حامل ومعي سكر حمل ومن بعد الولاده الاقيه عااادي واليوم بعد الهوشه لقيته 244 مرتفع

اه اه والله تعبت مدري وش اسوي ابيه يترك كل الخرابيط بس مو عارفه كيف

ابيكم تخففون عني شوي ودلوني على الصالح لي وله 000000000000000000