واثناء حوستي لقيت هذي
يوووه.. تذكرت الزوبعه الي صارت وهرجة الناس عن هالمملوحه القابعه بمستودع امي للحين ومارضت تبيع ذكرياتها معها
حطيت يدي عليها
ورجع لي صوتها (تك تك تك تك)
تذكرت فستان العيد متى يخلص .. ومريول المدرسه وكشختنا فيه
امي (الله يمدها بالعافيه) تتفنن لنا بالموديلات
ونتباهى عند صديقاتنا انو امي الي خاطته
تذكرت انو رغم عددنا الكبير الا انو لكل واحد منا نصيب من وقت امي علشان تخيط له
الخياط ماعرفناه الا متأخر .. لاننا مانثق انو ثوبنا يتفصل بيدين رجال
رجع لي صوتها (تك تك تك تك)
تذكرت كلام زوجي يوم يقول لي
هالمزيونه طلّعت رجال يشار لهم بالبنان
رغم الفقر واليتم
قدرت امي تبعدنا عن مدة اليد والحاجه للناس
بخياطتها على هالمزيونه
يووووم يازمن
حطيت يدي عليها مسحت باقي غبار عنها
وقلت بنفسي
والله انك تسوين وزنك ذهب
وابشركم لقيت عند امي هذي
طاحونة بهارات يدويه
نفخت عنها الغبار
وقلت لها
جايك الدور ياحلوووه
غادة الرياض