جايه تخطب .. و رمت علي كلمة تسم البدن

السلام عليكم
شهر 7 اللي فات
جت امي قالت صديقتي ب تجي و معها وحده بتخطب
انا لا اعرف صديقتها ولا اللي معها
من قعدت مع امي وحققت معها فهمت شغلتين امي متكمه علي فيهم علشان بس تبغا تزوجني و تفتك
اولها مو قبيلي وبالاصح من عرق اسمر بس ابيض لان امه سوريه .... ثانيا كيف عرفوني وشافوني طلعت توصية من امي يعني اول مره بيشوفوني وانا مااحب نظام الحراج هذا
من اول ما جو اليوم الثاني .. من دخلوا وشفتهم جاني نفور ... طلعت الواسطه ( شبهه ) و فعلا زي ما حسيت

قعدت معهم دقيقه او اقل من خمس دقايق ... كرهت نفسي جتني ضيقه و قمت .. تركت الجو لاختي اللي ماتت عليهم جتها حالة ثرثرة مو طبيعيه ...
و اكثر شي نرفزني يوم الواسطه تسأل من الحلوه اللي سوت الفطاير ..... ( ضحكت بقلبي وبان على وجهي اني استحقرتها ... الاخت جايه تخطب ولا تقدم على شغاله )
قمت بعد ذي الكلمه ................
بعدين جلست لحالي ................ يوم راحت ام عريس الخيبه ... رحت ألم الفناجيل يبغوا يتقهوو امي والواسطه حقتها ... صارت تستضرف وانا والله يا بنات جتني حالة نرفزة و نفور منها مو طبيعي حسيت انها انسانه صاحبة اخلاق سيئه و شبهه .. رمت كلمه سخيفه مره ثانيه و انا كشرت انغثيت .......
المهم قالت لامي بنتك على ايش شايفه نفسها
المهم : راحت تعبي علي راس ام عريس الخيبه .... رجعت ام العريس علشان تدقني بكلمه و تمشي


جت مره ثانيه و جايبه معها بنتها صغيره عمرها 16 سنه و جلسنا لحال ..........ز وهي مسويه كل هالزحمه علشان تقول لامي بنتك ما عجبتني قصيرة ودبه ههههههههههههه
و بعدين قامت بتروح و تجي عندنا توقف بنتها تقول لامي شوفي بنتي قد ايش طويله ؟؟؟؟؟؟؟؟
اسخف من كذا لو سمحتي


و قعدت اتحسب عليها شهر كامل
بالاخير طلعت الواسطه و ام العريس كل وحده اقذر من الثانيه
الواسطه اللي ما بلعتها ... طلعت تبيع اشياء قذره مثل وجهها .. اللي هي مثيرات للمتزوجين و اعضاء ..... و كانت تشتغل بسوق و انمسكت في قضية توصيل حبوب مخدره بين الشباب
و الثانيه _ قالت ان ولدها مطلق مرتين وان كل زوجاته بنات بدون اخلاق وانها انغشت فيهم .....
بالاخير كلووووووو كذب ... طلعت اخر بنت ما طلقها هي رافعه عليه قضايا خلع و ما يحضر الجلسات
................... سكتت شهر -- شهرين -- ثلاث ..
ما جاني صبر من انتي تقولي عني قصيره و دبه .............و هي اكبر من حجم الباب والله قادره احلف ان وزنها اقل شي 130
وهي لو فيها خير ما دخلت بيوت ناس ما تعرفهم علشان تدور من تلم عيالها ............ و داخله علينا بالكذب كمان ( حسبالها العالم عندها لعبه )
و اروح القاها صدفه عندها برنامج تلقرام
والله ما تركت كلمه بقلبي ما قلتها
اذا هي ترمي كلام تافهه حسبالها اني بموت تتريق على خلقة ربي انا اعرف انتقدها انتقاد يهزززز نفسها الف مره




حسبي الله عليها تعقدت من كلمة قصيره ..........لدرجة حسيته سبب تعطيل نصيبي
طولي 151 و وزني 60
و من لما التزمت الدعاء شهرين اكتشفت ان عندي تقوس اخذ من طولي 5 سم و انزلاق غضروفي 3 سم
و الحمد لله اني لقيت تمارين تعدل ذا الشي و لعل وعسى اطول


من الاخر : كلمتها هزت نفسيتي لدرجة ما عمري تأثرت من كلام كثره