جا في خاطري 💔

السلام عليكم ورحمة الله


انا متزوجة قريبي وساكنين جنب اهله طبعا اهله كلهم بنات ماعندهم اولاد
وانا طيبه معهم جدا واقدرهم
حتى اقسم لهم دايم من اكلي واذا اشترينا شئ من برا
وانا وحيده يعتبر ماعندي اخوات واحس بوحده شديده
المهم اكتشفت انهم دايم يحتفلون مع بعض وانا جنبهم الجدار بالجدار 💔
والله كأني غريبه. مو قريبتهم ولا حرمة ولدهم
ولا مره ولا اثنين ولا عشر دايم
يعني تخرج عيالهم او انها انخطبت اختهم يبغون يفرحون لها او سلامة احدهم …الخ
يحتفلون لوحدهم 💔
ولا الي يغبن ولدي يروح لهم انا ارسله يطفش يجي مع عيالهم لبيتنا ووجيههم شكلاته يقولون يا عمه هناك حفله واكلنا كيكه حلوه
تخيلو حتى ماارسلو لي قطعه
الحمدلله الاكل مليان ولاني في حاجتهم لكن التقدير
مررره شئ يغبن
كتبت الموضوع لانه دايم يتكرر وانقهر
اليوم كنت مجهزه ابغى اسوي كيك لاني عرفت انهم مجتعين قلت اجيب شئ معي وازورهم لقيتهم مسوي حفله بدون ادري فجلست لوحدي ولا رحت واحس ابغى ابكي مقهوره💔
حتى اذا انخطب احد منهم مايعلموني كاني غريبه عليهم
ويسوون كل شئ بينهم بين
انا والله من باب افرح معهم او اساعدهم يخوفون
ايش الحل معهم وكيف اتعايش مع ذولا الاشخاص 💔
المشكله اني وحيده تقدرون تقولون اني مقطوعه من شجره

فأحاول اني ادخل فيهم بس الباب مقفل
الي يقهر
تخيلو اذا طلعنا نتمشى او سفر مكه او بحر او حتى خارج المملكة والله اني انا الي اطلب زوجي يخلي امه تجي معنا واذا جت اسولف معها واسوي لها جو بس هي ساحبه علي سيفون هي وبناتها💔

والله حتى ماعاد حمستني ابر فيها حبيت افضفض لكم 💔

والبنات دايم اعزمهم واقدرهم واوجبهم

حتى اذا عزمتنا وحدهم منهم عزيمه بسيطه افاجاء اخواتها جايبين هدايا لها وحلى وفلوس وانا حتى ماخبروني 💔 اجلس اتفرج زي المهبوله بينهم طيب علموني اجيب 💔