http://forum.hawaaworld.com/showthread.php?t=1304742
السلام عليكم ور حمة الله
سبحان الله وبحمدة سبحان الله العظيم
جبت لكم ريوقنا وغدانا مره وحده وعازمتكم بعد تفضلوووووا
ولاتقولون ماعزمتكم ترا بزعل
المهم الريوق اليوم كان جباتي ،، براتا،،وان شاء الله تتعلمون الطريقه وتطبقونها بالبر والبيت
جبتها لكم بالتفصيل الممل اللي محد فصله وملله من قبل عشان ماتقولون اخت مبارك ماصورت لنا ولاطبقت
ماشاء الله تبارك الرحمن
نبتدي
هذي صورة الكيس حق الطحين اللي نستعمله للجباتي وينباع بسوبر ماركت ميغا مارت واذا ماتواجد عندكم استخدموا طحين رقم 2 اللي يجي شوي اسمر
وبالسعوديه يسمونه دقيق البر واحسن شي نصيحه مني تستعملون هالطحين او طحين البر لان الدقيق الابيض يخلي الجباتي يصير يابس واساسا الجباتي مايعملونه الا بهالدقيق الاسمر
ننخل الطحين ماهو ظروري ننخله هو منخول وجاهز ونظيف مره بس اللي يحب ينخله براحته
نعجنه بالماء وشوي ملح وبعد مانعجنه نعمل حفر صغيره هالشكل بالاصابع ونرشها قليل جدا من الماء عشان يتخمر نص ساعه بسسسسسسس
بعد مايخمر نعجن العجينه مره اخرى باليد وعقب نقسمها هالشكل
ناخذ قطعه من هالقطع ونرقها بالنشابه وبعدين نضيف ملعقة زيت ونمسحها بالزيت
بعدين نلفها هالشكل
نقطعها هالشكل
ونرق العجينات الباقيات بالصينيه ونقطعهم ونسويهم كذا عشان نجهزهم للرق
بعد الرق
نحط وحده بالتاو اولشي نسخن التاوه زين وبعدين نخليها تستوي على الجهه الاولى
يتبع >>
احين ناخذ ملعقة خشبيه كبيره او ملاس ونضغط على الجباتي بعد ماشبه يستوي عشان ينتفخ
هالشكل وممن استخدام قماشه نضيفه نكورها نعملها مثل وساه صغيره تكون احسن واسهل بعد
احين بعد مايحمر شوي الجباتي نحط الزيت هالشكل
شوفوا النفخه كيف
وووووووووه خلصنااااااااااااااا مابغينا بـــــــــــــل وهذا شكل الجباتي بعد مانخلص منه وصورته لكم صوره بدون فلاش
صورة بالفلاششش
تفضلوووووووووا مع جبنة ابو الولد فديتها مال اول وقلاص شاي كررررررررك
طبعا الجباتي والكرك من يد الوالده ربي يسلمها ويحفظها وان شاء الله عجبكم الاكشن والاخراج واتمنى كلشي كان واضح وصريح
الموضوع منقول ..!!