جبتلكم صورة الكونتراكتوبكس اللي ينباع بالسعودية

كيفكم ياحلوات

هذي صورة الكونتراكتوبكس شريته من صيدلية الدواء الكبيرة اللي بالدمام اللي كنها سوبر ماركت من كبرها.. اموت فيها هذي الصيدلية القى فيها اكثر الاشياء اللي احتاجها.. حتى ولدي الكتكوت عمره 6 شهور اي شي يحتاجه القاه عندهم..
المهم ادري هذرتي كثيرة..الجل سعره 11،65 طبعا انا استغربت لما فتحته افتكرته كريم بس طلع جل
هو بخلاصة البصل وريحته مو حلوة ابدا وصناعته المانية وانا اثق بالصناعة الالمانية..
بس المشكلة اني لما احطه ماحس بحكة ابدا ولاكني حاطة شي مو مثل ماقالوا الاخوات وحتى مع التدليك احسه يتقشر ويطلع بيدي.. وهذا يوم رابع وانا استخدمه حق الخطوط الحمرا تبع الحمل
وان شاء الله يجيب نتيجة
انا للحين ماحسيت بفرق بس سألت الصيدلي ينفع للخطوط قال ايوه ينفع والله يسهل
حتى صورته اللي حطوها الاخوات غير عن هذا اللي شريته مدري ليه
انا احطه مرتين باليوم لما اصحى وقبل مانام وان شاء الله اشوف نتيجة
وللأمانة يابنات انا ماشريته الا لما سمعت المدح الكثير عنه هنا وانا الصراحة اموت في هالمنتدى واثق فيه لاني استفدت منه كثير وعندي امل كبير فيكم..


تصدقون عاد وانا بالصيدلية مع زوجي كان الوقت متأخر الساعة وحدة بالليل طبعا الحلو بالصيدلية انا تفتح 24 ساعة المهم وانا اقلب بالاغراض شفت بنتين باين عليهم من عمري وجالسين يدورون على احسن نوع للاسكينول وكل وحدة تقول للثانية لا هذا احسن انا قريت عنه بالمنتدى فلقفت نفسي يوم شفتهم محتاسين وقلتلهم احسن شي بالليمون طبعا على كلام الاخوات بالمنتدى فقالوا لي اكيد تتصفحين عالم حواء قلتلهم ايييييه اتاريهم طلعوا مثلي يحليلهم وانا كل ماقريت شي بالمنتدى ركض عالصيدلية حتى الاسواق عفتها مصروفي كله طاير عالصيدلية حتى زوجي يقول هالمنتدى بيجننك وانا اقوله مو مهم المهم اطلع حلوة مثل بنات حواء ولا شرايكم:)