ثمرتين بطاطس حجمهم متوسط, هنقطعهم صوابع زي الفارم فريتس و نسقعمهم فشوية ماية متلجين و نقليهم كام دقيقة كده و ياخدوا لفة فالزيت يتحمروا نص تحميرة
و بعدين هنضيف عليهم الخلطة و نسيب البطاطس تتبل عشان طعمها يحلو كده و تبقي جاهزة للقرمشة
بهدلنا الدنيا دقيق و بهارات زي العيال الصغيرة و علي المسخرة اللي شافتها البطاطس عشان تبقي فريسكاس مقلكوش
المهم, زيت مغلي علي نار متوسطة عشان ماتتلسعش و كل بطاطساية تنزل منفردة فالزيت عشان مايلزقوش فبعض
خمس دقايق و هيبقي عندكوا أحلي بطاطس فريسكاس مقرشة في الشرق الاوسط و شمال افريقيا
أتفرجوا علي الفيديو عشان تعرفوا تفاصيل التفاصيل و ياريت تقولولي رأيكم
انا واخدة بالي من فترة ان 90% من المشاهدات للبوستات بتاعتي محدش بيشوف الفيديو خالص !!
لو في حاجة انا بعملها غلط ياريت تفيدوني :(
و شكرًا ليكم علي كل حال