ضاعت أحلامي :

انا كنت ادرس صف ثاني واشوف زميلاتي بالصف يتفقون انهم يعطون مدرسه الرياضيات ورده وصار كل وحده من البنات تجيب للابله ورده بس كانت تعجني ورودهم وكانوا يحبون الابله لان شعرها ناعم وقصير علشان كذا ماتوا عليها البنات خخخخخخخخخخ فجيت انا عند امي اقولها يمه ابي ورده قالت ليه قلت الابله طلبت منا نجيب لها ورد<<<كذبه قويه :hahaha: قالت ماعندنا احد يجيب لك ورد قلت بروح عند جيرانا وبطلب منهم ورد يعطوني من حوشهم قالت روحي ورحت دقيت على الجيران وفتح الباب ابوهم وقال وش تبين قلت ابي ورد وكانت معاي الضحكه :27:قال شنوو قلت الابله طلبت ورده قال وانا وش دخلني قلت انتم عندكم ورد عطوني قال روحي عند ماما وقفل الباب بوجهي وانا زعلت وبكيت :icon33:وجلست ادق جرسهم وبابهم وهم موراضين يفتحون بس يصرخون عليه من وراء الباب يقولون روحي بيتكم <<< وانا غصب يعطوني ورده من حوشهم :mad:واليوم الثاني الصبح طلعت استنى الباص يجي ياخذني قلت في نفسي بروح ادق عليهم واقولهم عطوني ورده رحت دقيت الباب طلع ابوهم وهاوشني قال ماعندنا ورد وانا ابكي واقول الا عندكم ورحت المدرسه زعلانه واشوف البنات يعطون المدرسه ورد ويوم رجعت البيت الا ابوي مستنيني عند باب البيت يقول وش سويتي مع جيرانا قلت وش سويت <<<مسويه نفسي بريئه قال ازعجتيهم الجيران يشتكون منك قلت كذابين مابي شي منهم من زينهم :44:واليوم اللي بعده جالسه عند الباب استنى الباص الا اشوف جنب بيتنا ورد الاصفر الصغير اللي يجي مع الربيع واقوم اجمع منه في كيس واحط معاه ريحان:hahaha: كان بحوشنا واركب الباص ويقولون البنات وش هذا قلت هديه الابله هههههههههههههههههههههههه وماصدقت اطب بالمدرسه الاعلى طول اروح عند ابله الرياضيات وهي توها جايه من البيت مالها خلق توها مفسخه العبايه الا وانا جنبها قلت لها ابله قالت نعم قلت هذي هديتك واكب الكيس كله على طاولتها انكب الورد الاصفر والرمل والريحان وهي وجهها الوان استحت من المدرسات الثانيات قامت هاوشتني وقالت شيلي هذا شنو هذا وبكيت قلت هديتك قالت ماطلبت منك هديه اشلون تعطيني رمل :mad: المشكله كل بنات الباص اللي سئلوني جوا معايه عندها وجلست ابكي وانا متفشله ليش تحرجني قدامهم وليومكم هذا وانا حاقده عليها:35:

انا كنت ادرس صف ثاني واشوف زميلاتي بالصف يتفقون انهم يعطون مدرسه الرياضيات ورده وصار كل وحده من...