جبت العيد مع زوجه صديق زوجي/ استوفى الرد

السلام عليكم

اخباركم يالمزايين ان شاء الله تمام

بنات من امس وانا مانبني ضميري واحس اني سببت مشكله مع رجال وحرمته...بقولكم السالفه وقولو انا غلطانه والا لا؟؟؟

امس مع الامطار والجو الزين قررنا انا وزوجي نطلع للبر وفرشنا وفرشتنا ونزلنا عفشنا وقاعدين نتقهوى..وشووي تمر سياره من عندنا الا خوي زوجي قام زوجي دق عليه وقعد يسلم ويقوله تمر من عندي ولاكنك تشوف عاد هذاك انحرج وجاء عندنا ونزلت زوجته ومعها بنت وولد

ملاحظه الشخص ذا قبل فتره قال انه تزوج وحده ثانيه وخذا اجازه من الدوام وكذا عاد زوجي معلمني بالسالفه قال هذا اللي اعرس على حرمته وخذا بنتها وخلاها مع الجديده..اتمنى فهمتو السالفه) ..

المهم نزلت الحرمه وقعدنا نتقهوى عاد انا تحمست بالسوالف وجت البنوته تحوس بالفناجيل قامت تهاوشها عاد انا عورني قلبي عالبنت..عاد سالت الحرمه قلت البنت ماتروح لامها؟

قالت وشلون؟؟ طبعا انصدمت هي من سوالي..قلت ام البنت ضرتك ماتشوف بنتها؟ قالت من قال ان عندي ضره هذي بنتي...انا طاح وجهي وربي اني افتشلت مره قلت يوه زوجي شكله فهم غلط وكذا وقالت والله ان تقولين وش السالفه وعاد انا المطيوره رحت اعلمها .. البنت طنقرت قالت حسبي الله عليه وشيستفيد ......








ااااه يابنات احس بتانيب ضمير لساني ذا متبري مني بس ماكنت ادري ان ذا بيصير ...من امس موجعني قلبي انا غلطت؟؟ والا الكذب حبله قصير وربي اراد يفضح زوجها على يدي؟










ملاحظه /// زوجي يوم علمته قال اجل شكله كان يهايط انه اعرس وطلق الاولى وخذا بنتها يعنني قدام اخوياه