جبت لكم الخبر اليقين بعد زيارة **مستشفى الحبيب بالرياااان**

السلام عليكم ورحمة الله وبركاته

كيف الكروش ؟؟:09:.. الله يهون علي وعليكم

رحت اليوم لمستشفى الحبيب بالريان على طريق خريص وسألت الإستقبال عن سعر الولاده

قالت 7000 ريال تشمل كل شي حتى الدكتوره والغرفه الخاصه .. قلت لها طيب لو أبي الدكتوره سنيه تولدني قالت لازم أسأل الدكتوره .. راحت شوي يوم رجعت قالت إيه تولدك بس لازم تصير شايفتك لو مره وحده قبل الولاده يعني ماتجين طوارئ وتولدين .. قلت حلووو طيب أقدر أشوف الغرف .. قالت أرقي فوق ..

المهم رقيت فوق طلبت منهم يوروني ..

الغرفه الخاصه : هي اللي تجي ضمن الولاده كبيره وشرحه بس فااااضيه مافيها إلا كرسيين قلت ماتحطون زياده قالت إلا بس هذي مابعد كملت يوم فتحت الحمام ولاه مابعد خلص :09:
حجمها أكبر من غرف دله والتأمينات الخاصه بس أثاثهم مهب مررره ورتني الكنب اللي بينحط محطوط مثله في الإستقبال مافيه نعومه تحسينه ينفع للإنتظار بس مايحط في الغرفه:)

غرفه يقالها أكبر شوي بألف وشوي طبعا هذي تدفعين لها فوق 7000 .. أثاثها نفس الأوله ولا أحس فيها ميزه

غرفه أكبر بألفين وشوي .. هذي فيها كنب عنابي خخخ أكشخ من الأولات وأكبر بشي بسيط

السويت ب6000:09: : عباره عن مدخل ومطبخ بعدين يجي على يمينك غرفه فيها طقم كنب عنابي نفس اللي في الغرفه فوق:biggrin2: هالغرفه لا تتسكر ولا تشوف الوالده يعني أحس مالها داعي :confused:
وبعدين تدخلين للغرفه كبيييييييييييره وفيها كنب طبعا بس تحسين أنها مصلعه مافيها ديكورات :lick1:

طبعا 6000 زياده على 7000 يطلع ب13000 ألف :boom:

طبعا كل الغرف فيها شاشه .. المطبخ بس في السويت أبو 6000 أما باقي الغرف مافيها شي حتى لو أوفيس خدمه ماكو :(

الخلاصه بالنسبه للغرف مافيه في الفخامه مثل الحمادي بس الغرفه الخاصه أحس حجمها حلو بس لو يعدلون الأثاث شوي:humm:

أدعولي أن الله يهون علي ولادتي ويخرجه بيسر وسهوله ويقر عيني بشوفة وليدي سليما معافا ياحي ياقيوم