سويت امس عصيدة حق فطورنا .. وجبتها اشارككم فيه واحط طريقتها هنا تستفيدون منها .. جاي العيد الله يبلغنا اياه بصحة وسلامه بذنوب مغفوره وعتق من النار
وكل عام وانتم بخير مقدمًا ..
راح تحتاجون الى :
كاسين ونص طحين بر انا احب اتعامل مع طحين فوم .. كاس دبس التمر .. كاسين ونص ماي .. اخلطيهم بخلاط الكيك او بأي الة خلط عندك انا حطيتهم في هذي الاله .. صبي بس كاسين ماي بالخلاط وخلي نص الكاس الباقي لبعدين
اخلطيهم لمن يمتزجون زين بعدين صبي الخليط بقدر وحطي نص الكاس الماي الباقي ورشي عليهم ملعقة فلفل اسود ..
غطي القدر .. ودخليه داخل الفرن لمدة ساعة الى ساعة ونص وحركية بين الحين والاخر لمن تشوفين لونها اغمق وصارت فيها فقاعات ..
اغرفيها بصحن التقديم وزينيها بالدهن العداني ..
عوااافي
الفرن من فوق ولا تحت
يصلح الفرن الكهربائي