جبت لكم تجربتي مع التكميم بعد م سحبت 😂😂 دعواتكم

السلام عليكم :)
اخباركم ي بنات اشتقت لكم حيل ..
الموهم ان جنيني مات ب الشهر الرابع الله يجعله شفيع لكل اللي حابه تطمن واختصر ع الاسئله ف الردود 😂
الموهم بقول لكم عن تجربتي مع التكميم .. وابيكم تستفيدون يعني لاهو كلام منقول >> لاني مقيد ولاني بمفكوك 🤣🤣
اول شي بداية حملي ببنتي حور الله يحفظها كان وزني ٥٨ حملت وقلت طبيعي يزيد الوزن مع الحمل نهاية حملي كان وزني تقريبا ٨٨ مسسستوعبين ولدت يارب لك الحمد ب عملية قيصريه
بعد ولادتي ب شهر رحت المستشفى مراجعه واطلع فوق الميزان وزني ١٠٠ ي لططططططيف بكيت بكيت لين شبعت
انتظرت الشهر اللي بعده وزني ثابت م نزل طبعا م سويت رجيم لاني موب متعوده ع الرجيمات
الشهر الثالث من ولادتي نزل وزني لين ٩٥ شفت ان مافي فايده وشهيتي مع الاكل اصحاب ماشاء الله
كلمتني صديقه لي مسويه تكميم وقالتليً عن تجربتها انا كنت ناويه اسويها ف مصر بس من يوم سمعت ان لازم مراجعات مع الدكتور و كذا قررت اسويها هنا رحت عند نفس دكتور صديقتي وانا خلاص ب حاله لا يرثى لها وزوجي كان مئيدني ع العملية شاف نفسيتي اشلون ..
دخلنا ع الدكتور شرح لنا كيف وايش الفايده و المضار وكككل شي وقال متى تبونها قلتله ابيها بكره ..
طبعا مسويه تحليل وكشف قبل م ادخل عنده عشان اختصر وطلع تحاليلي سليمه قال الدكتور روحي البيت استخيري وتعالي ع الساعة ١٢ صايمه
رحت البيت وجهزت أغراض بنتي وديتها لأهلي ورحت ماك اكلت وجبتي المفضلة 🤣🤣 ومشيت ع المستشفى طبعا بعد ١٢ صوووم
اليوم الثاني الساعه ٣ العصر لبسوني لَبْس العمليات نزلنا غرفة العمليات و زوجي متتتتوتر مررره وانا فالقتني السوالف و الضحك ولا في ذرة خوف ب قلبي ماشاء الله وزوجي يسولف وجا الدكتور ورجع عاد لنا كلامه ويطمني اقصد يطمن زوجي 😂😂 انا فرحانه ان الجسم ب يزين
وهم يسحبوني ب السرير زوجي يقولي شدي حيلك 😃 محسسني داخله العب كوره الموهم وادخل وحاولت اني ما اناظر ب أدوات العملية و اسولف مع وحده حلفتها بربي قد ما تحاول تسترني وقت العملية جا دكتور التخدير واعطاني كمامه حق التخدير وحاولت اخذها وانا م اسولف معاه غمضت عيوني اول شفطه ثاني شفطه ماعاد دريت الا الساعه ٧ يصحوني صحيت وانا جاهزه ب السرير الثاني ونقلوني الغرفه >> هنا تبدا القصه
طبعا اول شي احس ب تخمه ع صدري من البنج لانه بطني كمان مليان غازات ولا زم كل ثلاث ساعات امشي ربع ساعه الموهم كان اهووووع واستفرغ دم عشان العمليه ب المعده ف طبيعي والمعده فاضية طبعا مافي اي احساس ب الجوع ابد تبغين بس مويه لاكن ممنوع لين يسون لك أشعة التسريب بعدها تبدي تشربي مويه الموهم يعطوك حق التنفس عشان الرئه الشهيق تحاولي توصلينه لعدد معين ب الجاهز الموهم ع الساعه ٥ الفجر سوولي أشعة التسريب والحمدلله وضعي كويس والعملية الم محتمل تحسين ب شد خفيف الامانه انا العمليه ماشاء الله تبارك الرحمن م حسيت فيها كثير اول يوم يوم رجعت البيت اقوم وانسدح بنفسي فيه الم خفففففيف حيل حيل لاكن أتعبني اني اهوووع كأني بستفرغ ومافي شي غير دم لمدة ثلاث آيام وانا ع ذا الحال طبعا اول شي سوائل اول اسبوع او اسبوعين م اذكر ب الظبط وبعدها الشوربات الثقيلة و المهروس وبعدين الاكل وكذا كذا لين تدخلي المرحلة الطبيعيه
نجي للوزن اول شهر نزلت ١٢ كيلو بدون رياضه و اي شي ثاني شهر ١٢ كيلو نزلت ثالث شهر بدا النزول بطيئ الحين لي ١٠ شهور نزلت اربعين كيلو تقريبا ووزني ٦٢ وراضضضيه تمام الرضا عن نزولي باقي لي كم كيلو ع المثالي وما انصح اي وحده تسوي تكميم تعلم الناس الا الواثقة من نفسها انا من ثاني شي شهر يوم ما نحفتي ترااا. تكميم موب سحر الموهم انصصصح اي وحده تعاني من السمنه تسويها ددددايركت بدون تردد عند دكتور شاطر وكويس وتتوكل على الله و اي سؤال ماراح اطنش لاكن م ادخل كثير وقد م ادخل بحاول ارد وبس والله ودعواتتكم لبنتي ان الله يشفيها ❤️❤️