السلام عليكم.. كلبوكم فردة فردة..
كان ياماكان في سالف العصر والاوان زور بن زرزور الي ذبح بــــقــه وترس سبعه قدور وخلى الصواني تدور...
والا ذيك الدبدوبة الي كلها ملح وقبلة ما عندكم املح منها وهي تدربى في سيب المستشفى رايحة لدكتورها..
ودخلت على الدكتورة بمساعدة رفسة من الممرضة لاني شقصت في الباب..
المهم قالت الدكتورة ياحلوووووه<==حطو عليها خطين حمر
ياغدغودة وشبلا تسن صدرتس ضايق..
قلت آآآآآآآآآآآه<===تنهيدة قويه
الدكتورة طارت ماردها الا انها تمسكت في المكتب والا جزمتها الله يخلف طارت مع الشباك..
قلت وش احكي بس
.. انا عقب مندبيت يادكتورة وانا جاني احبطاط نفساني وتكة مشاعرية وتقوقع داخلي..
قالت يؤيؤيؤيؤيؤ مهوب صدتز<==حشى داقاتها صداقه الاخت مع الدكتورة يبعون في بسطه وحدة
قالت طيب ورى ما تسوين رجيم قلت يدي على كتفتس<==ناويه تخرعين كتف الحرمة
=============>اجل لزقه جونسن وشئ له
المووووووهيم
ولالكم طولة سيرة<==يعني كل هذا ولاهيب طولة سيرة
قلت وشو قالت بقولك رجيم تسوينه ولو بتلتي عليه عمرك كلة بتكونين رشيقة ولا فيه حرمان قلت ايتبيه<==كلمة من الصميم النجدي وتعني جيبيه بالي هوبه
قالت لانك اذا سويتي رجيم قاسي بتفكينه وهمين ترجعين تسمنين يالكمخة
قلت صوووح
قالت انتي ودك تتعبين ثمن يروح تعبك خسارة
قلت لااااااااااااااااااااااع
قالت شوفي الطريقة:
كاس سكر وكاس طحين وخميرة وعلبه قشطه اعجينهم واتركيهم الين يجي رمضان ثمن سويها لقيمات خخخخخخخ ياخف دمي
قالت من جد الصبح لا تفطرين ووجع خبز ولا اي شئ من مشتقات القمح
كلي بيض مسلوق او عيون من غير زيت وكلي فواكة وخضروات زي ماتحبين ولتس اربع كاسات سؤال
تشربينها يا عصير بدون سكر يا حليب او لبن قليل الدسم ياقهوة محلاة بمحليات الدايت زي كندريال
الين تجي الساعه اربع او خمس العصر ثمن جيبي غداكم العادي كلي من كل نوع شوي حتى لو فيه كبة او
سنبوسه مقلية كلي حبة اهم شئ انك ماتكثرين وابداءي بالسلطة وشربه الخضار بالاول علشان ماتجين
مشفوحة وتاكلين الاخضر واليابس
وعقب الغداء
ماتاكلين اي شئ الا كان تفاحه خيارة علبة زبادي قليله الدسم وتكون عشاء وان متي جوع كلي شابورة كيس واحد وهالطريقة تنقص بالشهر اربعه كيلو اقل شئ وكل ما انتظمتي وزودتي الرياضة كل ما زاد عدد الكيلوات المفقودة
نجي للموهيييييييييم <===حتسيتس اليوم مهيم في موهيم ايه يالخطيرة يابن لادن
اهم شئ في الرجيم عطتني دواء طبيعي كلة الياف تقول كلية بعد الاكل مباشرة <==وجبة الغداء يعني
وش يسوي هالدواء ...
اول شئ واهم شئ يعمل ملين للامعاء يعني ما يصير فيه امساك مع الرجيم
ثاني شئ يمتص الدهون الي بوجبتك ويخرجها مع الفضلات
ثالث شئ يسد نفسك عن الاكل وتحسينك شبعانه
رابع شئ ان طعمه حلو
خامس شئ سعره رخيص ب13 ريال بس
سادس شئ تقدرين تاكلينه مررتين في اليوم لانه طبيعي 100%
سابع شئ ادعو لي دعوات حلوة لاني جبته لكم
ثامن شي ادري بتقولون دكتورتس
دريناااااااااااااااااااااااتاسع شئ بغيت انسى اكتب اسمة normacol plus
وبعدين مع هالنظام حلو قوبل بس اهم شئ ان الواحد يمشي نص ساعه او يلعب دراجة نص ساعة او يرقص او يكسر عودان <====مدري عنكم عاد اهم شئ ان الواحد يخترش له نص ساعه كل يوم
ياكذا
او كذا
اوكذيتا
بس لو انعزمتيوودتس تهجمين وتمسحين الصحون
..لا مشكلةفهوناك طريقتون حلوة روحي ودبي واملي كريشتس واذا جيتي اقعدي اخترشي نص ساعة زي ما قلنا مفهووووووووووووم..<=====الله من الملح عاد تراكضين عقب العزيمه وباقي تالي الروج خخخخخخخخخخخ توحفة.... وياسلام لو حلق كبار شئ وياحلاوة بالكعب انواع الاصابات
وبعدين قالت لي اذا حسيتي جسمك بدا يخف نزول وزنك تعالي بكتب لك على دواء ثاني ينزل الوزن بدون رجيم وهو ما يستخدم لتنحيف لكنه ينحف اهم شئ ما يكون عند الشخص الي يستخدمة سكر وهو في نفس الوقت يقوي المبايض اذا رحت لها بعدين بقولكم وش اسمه
عاااااااااااااااااااد اقولكم ادعو لي دعاء من قلوبكم.. ان الله يحل كل مشاكلي وينحفني بالعافية.. ويسخر لي ابو الشباب قادر ياكريم وكل مسلمة يارب
