جبت لكم شي عجيب ........يللا ......ورايا

انا مشاركاتي قليله بهالقسم خبركم :angry:بس لما لقيت هالشي قلت اقولكم عليه لاني ادري فيكم تموتوووووووووووون على هالاشياء:love:
السالفه ياطويلات العمر قبل العيد رحت اشتري لي كحل وماسكارا وكنت ادور على بودرة خدود بلون السينمون لاني جربتها من فيكتوريا سيكرت ومخلصة عندي لانها عجيبه للصبح حطي طبقة خفيفه تعطيج توريد طبيعي وللمسا مع الميك اب تزيد الوجه نضاره
المهم .............اخلصي
عندنا بالكويت بالجمعيات التعاونيه الشركات كلها في مكان واحد فكنت ادور من ماركه لماركه على اللون اللي ابيه لحد ما وصلت لماركه انا صراحه اول مره اسمع فيها وهي EVA GARDEN وهي ماركة ايطاليه شافتني المندوبه ماخده كحل سائل ماكس فاكتور فقالت لي جربي قلت لها مااحب اجرب اشياء مااعرفها لاني متعوده على كحل وماسكرا لانكوم بس كنت مستغليتهم ماكان فيه سيوله :22:المهم سالت تحتاجين شي ثاني فقلت لها عن بودرة الخدود فقالت تعالي اوريج البودره اللي عندنا وهي بنفس الوقت شادو...........واحمر شفايف ....انا:confused- طبعا
وفعلا جابته علبه صغيرة مكتوب عليها MOUSSE BLUSHER باللون اللي ابيه وقالت يسمونه موس لانه الملمس نفس الشوكليت موس وفعلا لما جربته كريم على بودره
انا طبعا شريت لونين السينمون والوردي وجربته ومن يومها وانا:bkh:
الطريقة تحطينه نقط عالخدود وباصابعج تفردينه وحسب اللي تحبين خفيف او ثقيل ونفس الشي للشدو طبعا ينحط على كامل الجفن كطبقه تحت الشدو الاساسي او ممكن تخلينه تحت الحاجب وتحطين فوقه خط جليتر باللون اللؤلؤي .............و للشفايف بعود القطن وزعيه على الشفايف تحبينه مات خليه ؟.....ولو تبينه يلمع حطي فوقه قلوس شفاف................اتمنى ماكون صجيتكم بس والله حبيت افيدكم