طبق خفيف لطيف ,, سريع ,, ويصلح لجلسات الشاي واذا جا شهر رمضان الله يبلغنا وياكم اياه بالخير يصلح طبق فطور ,,
والكمية تكفي لشخصين او ثلاثة واذا بتقطعونها صغار تكفي لستة كل مشروك مبروك بس مسوية صينيه صغيرة عشان عدد اللي بياكل منها ,,
اول شي اخذي اربع قطع توست وقطعيهم في زبدية واضيفي بيضة واحدة وملعقة شاي ملح وملعقتين شاي بيكنج بودر و3 ملاعق شاي سكر ورشة فلفل اسود ,,
بعدين اعجنيهم ببعض لمن تصير كرة معاك هالشكل
بعدين اضيفي حبتين ولا 3 من الخبز الصامولي وصبي فوقه نص علبة حليب بوني و3 مرعق الطعام زيت
بعدين اعجنيهم كلهم مع بعض الصامولي مع الكرة اللي تشكلت معاك بالتوست
بعدين افردي الكرة بيدك في صينية فرن بايركس بعد ما تدهنينها بالزيت
ومسحيها بالكاتشاب ونثري عليها بصل وفليفله مقطعين تقطيع ناااااعم جداً
بعدين حطي شرائح طماطم وزيتون اخضر واسود وجبن شيدر اللي علبته زرقاء معدنيه دائريه
بعدين سوي خلطة ,, ملعقتين قشطة ملعقتين جبن سائل وملعقة مايونيز اخلطيهم ببعض
وصبيها ع الوجه
ورشي زعتر فوقها
واخيرا رشيها بجبن موزريلا
دخليها الفرن نص ساعة من تحت وبعدين شغلي فوق تتحمر
بعدين خليها تبرد شوي بس عشان يجمد الجبن شوي وبعدين قطعيها وقدميها مع كوب الشاي
وهذا شكلها من قرب بعد التقطيع
وهذا جهزت كاس الشاي معاها
وبالعافيه علينا وعليكم