جبروت تكشف لكم اسرارها ..

بسم الله الرح ـمن الرح ـيم ..

السلام ع ـليكم ورح ـمة الله وبركاتهـ ..

صباح ـكم / مساكم .. اوركيد ..

كيفكم ح ـبيباتي ؟؟

هذا اول موضوع ليا ..

وان شاء الله اني افيدكم فيهـ ..

هيا ع ـبارهـ ع ـن اشياء انا اسويها لبشرتي والـ ح ـمد لله الاقي لها مفـ ع ـول فقولت اتشاركها مـ ع ـاكم ..

راح ابدأ من اع ـلى الـ ج ـسم لاسفلو ..


بداية الوج ـهـ ..


انا كونت استخدم تبع النشا وموية الورد بس ما استمر عليها دايما يعني ممكن كول شهرين مرهـ بس انها حلوهـ تخلي الوجهـ باارد واحسو مشدود واملس ..

.....

طبعا جاتني حبوب مزعجهـ .. كانت اختفت .. ورجعت من جديد وانا فيا عادهـ مو كويسهـ اللي هيا فقعها او اخراج اللي فيها ..

فصار مكانها قشرهـ لونها داكن حبتين ..

....

دورت في النت فلقيت انو العسل مفيد ..

صرت احوطو لوحدو على وجهي وانتظر ساعهـ وبعدين اغسلو .. حسيت انو بدأ الاشراق يرجع لوجهي ..

...

وكالعادهـ ما استمريت لانو بيني وبينكم انا ما احب هالاشياء ولا احب اضيع وقتي عليها ..

...

قبل فترهـ كونت انا ووحدهـ من صحباتي نتكلم وهيا عروسهـ وزواجها قريب ربي يتمملها بخير فجالسهـ تعمل خلطات .. قالتلي على خلطهـ روووعهـ وتنظف البشرهـ ..

....

ادهني وجهك بعسل ..

وخليهـ قد ماتبغي ساعه .. ساعهـ ونوص ..

واذا جيتي تغسلي ..

هنا السر ..

لا تغسلي بالمويهـ ..

جيبي الدقيق وحوطيهـ على العسل وفركي ..

ممكن يوجع على خفيف بس اتحملي وافركي كول وجهك وبعدين اغسليه بمويها ..

وشوفي كيف يصير وجهك .. راح تلاحظي من ناحية التفتيح والنظافهـ ..

....

الخلطهـ الثالثهـ برضو فيها عسل ..

بس مع خميرهـ .

اخذتها من خالتي ربييسعدها لانها كوافيرهـ فتعرف لهالشغلات ..

اقولكم تجربتي مع هذي الخلطهـ ..

جبت عسل وحطيت عليها خميره بمقدار عشوائي ..

وخلطتهم مع بعض ..

وادهن وجهي بفرشة الرسم المقاس الكبير :) عشان اضمن انو كول الزوايا يصولها خاصة اللي جنب الانف ..

وبعد مدهـ فركت وجهي الاول بما انو الخميرهـ تخلي كانو عجين عالوجهـ فتصير بدل الدقيق اللي في الخلطهـ السابقهـ .

وصرت كول يوم استخدم الخلطهـ ..

اول الايام صارت الحبوب حمرا وقولت اوما بدل ماتعالجها كثرتها وكبرتها ..

لكني استمريت ..

تعرفوا ايش طلعت النتيجهـ ؟؟

انو الخليط ينظف البشرهـ ويخرج الحبوب اللي كانت هتطلع وتعدملك وجهك زيادهـ وتشيل الدهون اللي تسببها .. ومرهـ في مرهـ راح يصير وجهك صافي ان شاء الله ..

انا ما استمريت بس الحمد لله الاماكن اللي كانت داكنهـ بسبب الحبوب مايلاحظها الا اللي يقرب مني مرهـ مو زي اول تشوفيها على بعد متر ..

والحبوب تخليها تنشف وتتكون عليها طبقهـ ميتهـ تروح مع الغسل والاستخدام الدائم للخلطهـ ..

وانا عاملهـ كميهـ ومخليتها في الثلاجهـ لانو مفعولها يجي احسن وكول مرهـ اخلوطيها لاني لاحظت انو الخميرهـ تنفصل عن العسل ..

...


بالنسبهـ للشعر الزايد على الوجهـ .. سواء من شنب او غيرو ..

الوجهـ ابدا ابدا ابدا ما انصح انو احد يستخدملو حلاوهـ او شمع ..

لانها تسبب ترهل واحسها قاسيهـ على الوجهـ ..

انا انصح تستخدموا الفتلهـ .. ممكن تسب احمرار بسيط مع الكريم يروح ..

......

بالنسبهـ للحواجب ..

طبعا النمص حرام ..

وما انصح احد يشقر ..

لاني اشوف كول اللي عملوا تشقير يكثف الشعر زيادهـ وكول مرهـ يصير الحاجب بشع ..

فخليها على طبيعتها احلى ..

....


بالنسبهـ للابط ..

تبغي نظافهـ وريحهـ حلوهـ وعدم اسمرار ؟؟

شوفوا انا ايش استخدم ..

طبعا الشعر الزايد بالحلاوهـ .. والرسول صلى الله عليهـ وسلم قال نتف الابط ..

وانا استغربت جدا من اعلان لواحد من المستحضرات واللي كانت تعلن جالسهـ تحلقو ..

والله يا اخ ـواتي بيني وبينكم ابدا ما انصح في الامواس ولا ينقالك بينعموا اللفظ قالوا شفرات ..

الشبهـ جدا جدا روع ـهـ ..

الليمون ..

وفي بودرهـ مرهـ ماميتو شرتها وربي روووووووووعهـ انا اتفاجأت من نتايجها ..

وما اتوقعتها ممكن تعمل كذا ..

كانت بودرهـ بالياسمين ..

تخلي الابط وجلدك لون واحد .. لا خضار ولا سمار ماشاء الله ..

وما استخدم كول هذا مرهـ وحدهـ ..

لا مرهـ كذا ومرهـ كذا ..

وكيف استخدمها ؟

اتروشت واتليفت وخلصت وجيت البس ملابسي ..

امسك شويا وطبعا يكون الابط في بلل من الترويش وافركو .. سواء بالشبهـ او الليمون او بودرة الياسمين ...

وشوفي كيف النتيجهـ ..

...

لريحة جلدك وجسمك ..

انا اذا مريت من عند احد يقولي الله ايش هالريحهـ ..

مو عطر .. لسى ماجا وقت العطر ..

السر في البخور ..

يب البخور ..

انا وحدهـ اعشق البخوووووور خاصة اللي يجيكي تبع الافراح ..

احنا نجيب الناعم ..

فانا امسكو واحوطو مع مويهـ في علبة بخ للجسم ..

اتروشت وخلصت وقبل ما البس ملابسي ابوخ على جسمي وبعدين البس ..

واحيانا احوطو كبودرهـ بين ملابسي واغراضي وفي جسمي ومع العطور او العود الله بس قسم تصير ريحتك تدوخ ..

....

بالنسبهـ لنزع الشعر ..

من الذراعين او الساق ..

طبعا بالحلاوهـ ..

وكثير يشتكوا من مشكلة الشعر الزغنون اللي لسى ماخرج مدري ايش يسموهـ والله ..

الحل ..

نويتي تشيلي اليوم ؟؟

حلو ..

جيبي سوكر وملح وليمون وزيت زيتون وافروكي بيدك لانك بكذا تسوي صنفرهـ + تخرجي الشعر اللي تحت الجلد ..

وبعدها غسلي ونشفي وامسحي اذا حابهـ ..

وبكذا تحصلي على نعومهـ + نظافهـ + ولمعهـ تدول على الحيويهـ والصفا + مافي حاجات زغنونهـ تقلقك ...


هذي بعض اسراري :)

اتمنى اني افدتكم ..

دمتم بـ خ ـير ..