جبروت عمتي وظلم ضرتي (قصة حياتي )

مساء الخير اخباركم
انامتابعتكم دائم لكن من خلف الكواليس
واليوم سجلت في هذا الصرح العظيم ابي اقول لكم قصة حياتي يمكن افرغ شي من المكبوت
في صدري وبعد تأخذون العظة من قصتي عن فضل الصبر وأخبر سبحانه أن الصبر خير لأهله مؤكداً باليمن فقال تعالى : ( ولئن صبرتم لهو خير للصابرين ) .
تزوجت وعمري 16سنه وزوجي كان يدرس في الجامعة
وانا ماكملت دراستي اخذت اول متوسط وقفت وسكنت عند اهله وكان هو يدرس بعيد ويجي خميس وجمعة
عشت عند عمة الله لايوريكم ذوقتني نجوم النهار في عز القايله ومع ذلك كنت اسكت وماتكلم وزوجي شخصيته
مرة قوية علية لكن عند امة مرة ضعيف وكانت معي حماتي الكبيرة ونفس شي لكن انا يمكن اكثر يمكن
بسبب طيبتي الزايدة وكنت دايم لما اشكي لامي كانت تقولي اصبري والحريم لازم يصبرن عند حمولتهن ومن هذا الكلام
اليوم الي يكون علي الطبخ طبعا الفطور والغداء والعشاء وغير قهوة الرجال يكون على حماتي البيت من قسم الرجال وتنظيفة
وغير الذبايح الي نطبخها في البيت وطبعا زوجي يجي خميس وجمعة لكن اناوهو مافي توافق بينا كان دايم يستهزأ فيا وغير المشاكل الي تسببها امه
حملت في بنتي الاولىونفس الحال وعلى طول حملت في بنتي الثانية وكانت امة واخوة يقولون هذي طالعة على امها بس تجيب البنات لان امي جايبة سبع
بنات وولد واحد وكنت ماطلع ولاروح الابشور عمتي ولما اقول لزوجي كان يقولي استئذني امي حتى عند اهلي اروح لهم ساعة وجي ويمكن بس النفاس اروح عند اهلي
مع انابيت اهلي قريب عندهم ولمايجي زوجي ماكنت استقبله ولااعرف الحركات ولاكنت اعرف البس ولا شي حتى السوق كانت حارمتنا منه وكان لمايجي اكون خلاص مهدودة من
الشغل والطبخ وانفخ وامي ماكنت تعرف شي من حريم قبل وعندها الحموله اهم شي اويمكن جهلها في هذي الامور وكنت طبعا انا الكبيره استخدمت مانع حمل لمدة ثلاث سنوات
وكانت عمتي تحن فوق راس ولدها انه يتزوج كانت عنده بنت عمه تقريبا اصغر مني وكنت انا اسمع واسكت لان مابيدي شي كنت اسمع كلام كثير وانجرح تخرج زوجي من الجامعه
وهو حاط في باله الزواج من بنت عمه وراح يكمل الماجستر في مدينه ثانية وطبعا انا جلسة عند عمتي كأني خادمة مو زوجة في فترة دراسة زوجي من الماجستير كنت ابغى اكمل
دراستي رفض وقال البنات من يجلس عندهن سكت انا يمكن مغلوب على امري وغصب علي اويمكن لوحاولة بزوجي بس ماكنت اعرف اسلوب الاقناع وكنت اخاف منه مع انه متعلم وفاهم لكن عندي انا غير حتى بناتي
ماكنت احس انه يحبهن او يشتاق لهن يمكن شخصية امه هي الي فرضت كذا وانا وبناتي كنا الضحية خلص زوجي من الماجستر واتوظف وظيفه مرة حلوة ودخلها كان جيد لكان في مدينه بعيدة مرة وكان لازم يخذني
معه رفضت عمتي بالبداية لكن بعدين وافقت سافرت معه انا وبناتي تعرفون الطير المحبوس في قفص وطلع
كنت انا مثله سافرت وشفت دنيا ثانية بعيد عن تسلط عمتي وجبروتها لكن كان في حاجز بيني انا وزوجي وكان مرة كبير يمكن من جهلي وعدم معرفتي بالحياة الزوجية كنت احسب الحياة طبخ وتنظيف البيت وأجيب عيال
ماكنت البس ولااحط مكياج ولااعرف العطورات ولاشي حتى ملابس النوم ماعرفها
بتعد زوجي عني وانا انشغلت في بناتي وحملي كنت ادعي ربي ان يرزقني بولد واستجاب ربي لدعائي وجاء سعود لهذي الدنيا وزين اجمل ايام عمري اتعلق زوجي بسعود وبديت اتقرب منه وطبعا وقفت عن دراستي وسبحان الله وحملت وسعود ماكمل خمس شهور
وكنا لما روح عند اهله في الاجازات كانت عمتي واخوة الكبير يدخلون فكرة الزواج من بنت عمه الي خلصت الثانوي ودخلت الكليه ............
ولدت وجبت ولد يالله كانت فرحتي ماتوصف كنت اتوقع زوجي ماراح يتزوج علشان جبت له الولد لكن كانت
هذي افكاري ........
مع ان زوجي ماكان مقصر معي انا وعيالي لكن معتبر جهلي هو عائق له كان يقولي ابغى وحده متعلمه ماهو مثلك يمكن بيئتي الي تربيت فيها هي الي كونت شخصيتي يمكن تقولون اني اعرف اقرا واكتب لكن كان زوجي يبغى وحدة تفهمه وانا كنت بنسبه له ام عياله ويمكن هذا اكبر غلطة في حياتي لاني ماعرفت اتعامل معه انشغلت وبتعدت عنه وصار حاجز كبير بيني وبينه .......
وطبعا بنت عمه اتخرجت من الكلية ولا انخطبت وكانوا الناس يقولون هذي لفلان يقصدون زوجي
وبدت هي تقدم علشان تتوظف لكن الله مارد انها تتوظف في مدينتها وحاولت لكن الله ماكتب لها
ومرة دخلت على زوجي في مكتبته وكان معه ملف وفجأة من شافني وهو يدخل بسرعه في الدرج
ولما طلع رحت وشفته لقيت شهادتها حقت الكلية وشهادة حسن السيرة واوراق كثيرة
وعرفت بعد مدة ان يقدم لها في مدينتنا
تقريبا جلست اربع سنوات وزوجي ماخطبها
وهي تحاول من مدينه الى مدينه اخرى علشان تقدم....
حملت وجبت توأم بنات وصار عندي أربع بنات وولدين وما كملت دراستي....
انشغل زوجي في شغله وكان يفكر ياخذ الدكتوراه لكن فكرة الزواج من بنت عمه موجودة
وعمتي كانت ولازالت تبث سمومها علي اما انا كنت أحاول دائم اني ارضيها ويمكن خوف منها
وهي شافتني ضعيفة وتسلطت عليا
حملت على طول لما صار عمر بناتي التوام سنه وجبت بنت مع ذلك مافكرت اني اكمل دراستي
نشغلت في بناتي ودراستهن وفي البيت
سافر مرة زوجي يحضر زواج لاحد اقاربه وانا كنت عند اهلي انا وعيالي بعدين جاء زوجي يأخذني
ورجعنا لكن حست زوجي مرة متغير علي صار حنون ويداري على خاطري
وكلمتني مرة اختي وقالت انا سمعت ان زوجك ملك على بنت عمه انا كذبتها وقلت مستحيل بس قالت لي
تأكدي وسئلي قلت لها خلاص سكرت منها مدري مع اني كانت عارفة راح يجي اليوم هذا بس زوجي تغير شوي
يمكن بسبب بعده عن امه واخوه اويمكن قربه معي انا وعيالي دائم
رحت لمكتبته وفتشت ولقيت دفتر اخضر صغير مكتوب عقد النكاح فتحته ولقيت اسم زوجي واسم بنت عمه
كانت مثل الصاعقة الي حطمت قلبي خلاص اربط اسمها مع اسم زوجي للابد وراح تشاركني فيه طول ماهو عايش في هذي الدنيا ........
ومنها بدت حياتي تتغير تغيرا جذريا .............................
يتبع