كعب نمله مكسور :

السلام عليكم ورحمة الله وبركاته اختي ام سعود اثابكي الله ونصرك على من عاداكي اختي دائما رددي هذا الدعاء اللهم اثرني على من ظلمني ولا تشمت بي الاعداء ولا تجعلني مع القوم الظالمين اختي احنا عملنا باصلنا وعاملناهم مثل الاخوات وربي شاهد على ذلك لكن هم كافئونا غير ذلك ناشبونا العداء والغيره مع ان المفروض اللي يغار هو احنا وازواجنا تغيروا للاحسن بشهاده كل وحده تزوج عليها زوجها وانتي من ضمنهم بكلامك عن زوجك انا تزوج مرتين الاولى مثل حكايتك وطلقها لانه عاقل وعرف انها ما تصلح تكون زوجه وام والثانيه اختارها عاقله ومتدينه ونعم الاخت لكن ما سويت زي الاولى هذي ما بيني وبينها علاقه الا في المناسبات فقط وسلام وبس علشان ما اتندم زي الاولى وانتي ماشاء الله عليكي ما كملتي تعليمك وهذا اسلوبك مع زوجك وزوجته كانك معك شهادات الدنيا كلها لكن يا وخيتي الادب والعقل فضلوه على العلم لكن اللي ابغى اقوله لك ونصيحه من مجربه لان الاختلاط مع بعض يسوي مشاكل كثيره وانا الحين لي سنه متزوج بالثانيه مرتاحه ولله الحمد والمنه والغيره راحت مع عدل الزوج وعقل ورزانه جارتي اللي هي اختي في الله انتي سكري الباب ووقت جيت زوجك اقفلي الباب وحرصي بناتك ما يفتحون الباب وعيشي يومك لحالك انتي وبناتك معه واطلعوا لحالكم ولا عاد تجيبين سيرتها ابد عنده والبسي واكشخي بحدود يعني خليك بسيطه وناعمه والبسي كل شي يخطر على بالك علشان نفسك ودلعي عمرك من قصير وبرمودا وشورتات مو لازم جلابيه فخمه والا تيور والا فستان لا اشياء بسيطه وماتكلف تلقينها عند مبارك او الهرم خاصه الفساتين القصيره والعاريه وتكون استرتش تلقينها عند الهزازي اختي الحين انا احس براحه لاني اسوي كل هذا لنفسي مو علشانه ولا تاخذين رايه خليه هو ينتبه واذا جاء يومك عطيه بما يرضي الله وقومي بحقوقه كامله وفهميه ان يومي ما ابغى بناتك عندي خليك قويه ترى انا مثلك ما كنت اتجرا واتكلم قدامه الحين اقوله الكلمه وانا قويه وغصب عليه واقول هذا بيتي وانا حره فيه انت تزوجت علي وسكت عطني حريتي في اداره بيتي ومملكتي هي خذت زوجي وتقاسمته معي لكن بيتي الله يعافيك وكانك تغليني وتقدرني خل لي كرامه وقدر عند زوجتك وفهمها ان ما لها اي دخل في بيتي وعيالي في الاخير الله يسخر لك زوجك ويرده لك ويحنن قلبه عليك ويربط على قلبك اختي قبل ما انسى وانتي تقصين قصه زواجك وتقولين اللي جربت تحس بالمعاناة اه اه اه ما يحس فيها اللي الا جربها اخواتي الزوجااات الثانيات والله ما فيكم قصور ولا نقص النقص في اللي عقلها سقيم وجاهله وانتم نعم الاخوات والله وانا اقولها بالفم العريض زواج زوجي علي نعمه من الله وليست نقمه وفي التعدد فوائد كثيره لكن الله المستعان هي جرح لكن ما ندري وش الخيره تراني ابتصفق وانطرد ترى عاد لا تروحون تقولون لازواجكم تزوجوا لكن اللي كاتبه ربي علينا بنشوفه غصب لانه مقدر ومكتوب الله المستعان ما كني اخذت الموضوع من اختي ام سعود لكن والله من حرتي وتجربتي مرتين حبيت اني افيد ام سعود وافيدكم من خلال تجربتي سلاااااااااااااااااااااااااااااام واعذروني

السلام عليكم ورحمة الله وبركاته اختي ام سعود اثابكي الله ونصرك على من عاداكي اختي دائما رددي هذا...