ما تشوفى شر يا جبل عندك الرز الابيض لما يطبخ لمدة عشر دقائق خوذى الماء وشربية الطفل وبااشفا والعافية

شوفي حبيبتي ... السنة الماضية حصل لولدي وعمره سنتين نفس حالة ولدك وتنوم في المستشفى شهرين والأطباء ما اعرفوا شنو فيه عملوا له كل أنواع التحاليل وأرسلوها ألمانيا وطلع سليم والحمد لله واحتاروا فيه لأن الاسهال والاستفراغ كاد يقضي عليه لدرجة انهم قالولي خلاص ولدك بيموت والعياذ بالله وأنا ما خليت شي مااستخدمته معاه بس مانفع :icon33: ولله الحمد أرسل الله لي ناس دلوني على حرمة(امرأة ) تعالج بالطب الشعبي ورحت لها ولما شافت الولد قالت لي ولدك فيه مرض ما يعرفه الأطباء وهو اسمه (الريح) وعطتني سعوط للولد وبعد كوته على بطنه ومن يومها والولد بخير وعافيه حتى الدكتور قال لنا انتو شنو سويتوا دلونا على هذه المرأة والفضل أولا وأخيرا لله فله الحمد والشكر حمدا يليق بجلاله وعظمته ....

السلام عليكم
انا شكلي متاخرة بس والله بنصحك بدوا للكبار والصغار انا عن نفسي اذا جاني خاطر تعرفيه اخذه
غبار القطن عن العطارين تلقينه
لبن زبادي
تحطي ملعة طعام غبار القطن وملعتين لبن زبادي وتعطينه للي عنده استفراغ واسهال كرمتي
والله بمجرد ماياكلها يخف وعطيه مرتين باليوم
وادعلي

مرحبا اختي حابه أضيف لهذا الموضوع لأن بسم الله على عيالكم ولدي تصيبه هذي الحاله من وقت للثاني فصرت خبيره.

أول ما تبتدي الحاله وتحسين ان ولدج مرهق واستفرغ أكثر من مره لا تحاولين تغصبينه على أكل شي ممكن يشرب مشروب اسمه بوكاري مثل السفن اب بس بدون سكر يعوض السوائل ويعادل البوتاسيوم في جسم الطفل لأنه ممكن يزيد الإستفراغ المطلوب تودينه سيده المستشفى حتى لو في الليل لأن ممكن تزيد عنده الحاله لأنها ماتتطلب إهمال أبدا من فتره كنت في المستشفى وخبرتني الممرضه ان اليوم اللي قبله مات عندهم طفل عمره سبع سنين يابوه اهله بعد يومين من الإسهال والترجيع معتقدين ان بيخف تلقائيا لكن الطفل المسكين مات لتعرضه للجفاف الحاد.

ثانيا من توصلين المستشفى وبعد فحصه من الطبيب اطلبي منه يعطيه ابرة تمنع الترجيع ويحطله جلوكوز ضروري لأن في بعض الدكاتره اللي شفتهم همهم يعطون الطفل شوية دواء والجلوكوز البودره اللي ما يتقبله الطفل ويللا على البيت وفي البيت تسوء الحاله فإذا كان في الإمكان تروح الأم مستشفى افضل من العياده علشان ما تتقيدون بوقت دوامهم في حال احتاج الطفل المبيت.

في الختام حابه اوصفلكم عشب عجيب نستخدمها احنا في الإمارات لمقاومة هذي الحالات وهي الخيله (تشبه المره بس ريحتها فطيسه) لكن فظيعة الفوائد حتى دود البطن تقضي عليه.


تسلمون .......................ولا تنسون ادعولي

عليك بالسوائل خاصة الماء ومحلول الجفاف كل شوي عطيه وانتبهي لاتعطينه اي شي دسم عشان مايطول فترة سخونته وحالته تضعف وينهد جسمه

انا اول ماكنت اهتم بها الناحيه وعشان كذا كانت تبطي بنتي ماتطيب والحين من يوم احس انها تعبانه وانا على طول سوائل مثل عصيرات وزبادي وشوربه لان الطفل تكون معدته تعبانه وماتتحمل اي شي دسم
والله يشفيه ويعافيه وجميع مرضى المسلمينون