أتمنى إنكم بخير و عافية
اليوم سويت جبنية معتمدتها عندي من سنوات لأن
أغراضها سهلة و طعمها لذيذ
الطريقة أخذتها من أهل زوجي الله يجزاهم خير
ونبدأ بالمقادير وهي عبارة عن :::
3 جبنة بيضاء حجم صغير (أنا حطيت 1صغير و1 كبير عادي)
3 بيضات
ملعقة صغيرة ونص خميرة
3 ملعقة صغيرة بيكنج باودر
فانيليا
دقيق
(المقدار هذا كثير يعني إلي تبي مقدار يكفي شخصين
تحط 1 جبنة بيضاء صغيرة+بيضة +ملعقة بيكنج باودر+نص
ملعقة خميرة +فانيليا +دقيق)
أول شئ نخلط جميع المقادير بالخلاط ما عدا الدقيق
وتصبح سائلة بالشكل هذا
ثم نضيف الدقيق(الدقيق ماله مقدار معين أنتي تعرفينه
لاتصير خفيفة ولا ثقيلة) و نعجنها ونحاول نضربها بقوة أثناء
العجن ونتركها ساعة في مكان دافئ حتى تخمر ( أنا أولع
الفرن حتى يسخن بعدين أطفيه و ألّف البلاستيك إلي فيه
العجينة بفوطة وأدخلها الفرن ساعة)
وهذا شكلها بعد ما خمرت
إذا خمرت نفردها ونقصصها بهالشكل
بعدين نقليها على نار متوسطة ولازم الزيت يكون حار
وهذي هي جاهزة
(مـــا شــــاء الله تـــــبارك الله )
طبعا" نكون مجهزين الشيرة و هي عبارة عن كاس مويه +
كاسين سكر + شوي زعفران ونتركها تطبخ ...
و أتمنى تعجبكم وتجربونها وماراح تندمون لأنها
لذيذذذذذذذذذة جدددددددا"
وبالعافية عليكم :39:...