الي مبردين قلبي دايم بالردوود الحلوه وجابرين خاطري الله لا يحرمني من تواجدكم
وعشان تستاهلو كل خير بقلكم على طبخه من زمان وانا اسويها وصدقوني انا لمن اكتبلكم اكله اختار الاكله المميزه الي الكل يسألني على طريقتها لانكم مميزات وتستاهلو كل شي مميز
حبيت انبهكم لشي قبل لا ابدأ وهوا ان اسمي لوتس لوتس مو الgتس بس عشان لا اهضم حقهاا لاني لاحضت كثير يلخبطو بيننا
اكلتي اليوم سريعه ولزيزه مرررره
وهيا كفته بالصويا او تقدرو تقولو كفتة اللوتس لانها من خنفشاريات
وهذي صوره لعيونكم الحلوه
المقادير
لحمه مفرومه
بصله مفرومه
عصير طماطم وجزره وحده - ثوم وزنجبيل اخضر مفروم ناعم -فلفل رومي مقطح شرائح -
2ملعقه صويا صووص -ملعقه صلصة الستيك جاهزه -نص ملعقه خردل - ملعقه عسل -كمون وكزبره ناشفه ناعمه ملح فلفل اسود -بودرة جوز الهند
تشكلي اللحمه المفرومه على شكل اقراص صغيره وتسخني الطاوه على النار وتحطي شوي زيت وتحمري اللحمه الين يتغير لونها وتتما سك
بعدين تحطي البصل وتقلبي وبعده الفلفل الرومي ا
لمن يتغير لون البصل اضيفي لها الثوم والزنجبيل وقلبي شوي بعدين حطي عصير الطماطم والجزر وقلبي اول ما تبدأ تغلي اضيفي الباقي من بهار وصوص وقلبيها شوي
وسيبيها تتسبك لمن تنقص موية الطماطم
حطي لها كوب مويه وخليها تقريبا ربع ساعه وبعدين دويبي بودرة جوز الهند في شوي مويه واسكبيها على الادام وسيبها لحد ما يصير صووص ثقيل شوي
طفي النار وزينيها بالبقدونس المفروم مع رز بالشعيريه او بالخضار اممممممم بس لا تاكلي صوابعك وراها وبالعافيه على قلوبكم
يسلمو ايديك