بائعة المسك :

لاحول ولا قوة الا بالله انتي تدورين النكد والتعاسه والنفور الحين حاسبينك عاقله ورزينه طلعتي زي باقي الحاريم على بالنا اذا اخذتي منه شكرتيه واسكتي لا تقومين تزعلين وترجعين الغرض وترجعينه للبيت ياخاي خوذي الغرض منه وشكريه وقولي كثر الله خير يابو فلان الذهب وبيعيه وجيبي على مزاجك الملابس اللي جابهم اهديهم خواتك وقوليله يابو فلان تكفى لاتهديني ملابس دولابي مليان لو بغيت اخذت منك فلوس وشربت كثر الله خيرك وزاد الله نعيمك اطلبي منه فلوس واشري اللي تبين الذهب لاتقولين له شي بيعيه ياشيخه خليه يتعلق فيك مو ينفر منك بعدها والله ماتشوفين هديه لك ولا لها وقعدي قوليله ليش ماتهديني ياناس زوجي ماصار يهديني وانا متاكده انه ماكان يهدي زوجته قبل يتزوجك بس يوم تزوجك صار لازم يهديها من باب العدل وهو صادق الملابس قلتلك تعذريله باسلوب حلو قوليله تكفى انا اشريهم بنفسي بس عطني المبلغ وهو راح يعطي زوجته نفس المبلغ كذا اريح كل وحده تشري اللي يعجبها لان العدل صار مبلغ بيديكن واذا جاب طاريها قدامك هي على ذمته بالحلال وانتي سمحتي لنفسك تاخذين زوجها تللي يسمعك يقول مطلقها ويطريها هو مايبيك تطرين طليقك لانه مايحل لك الحين صار واحد اجنبي عنك بس هذي زوجته تحل له ولا هي اجنبيه عشان مايجيب سيرتها لو جايب سيرة اخته ماغرتي بس هي لا غير تلقين سيرتك هناك دايم بذانها وهي ماتقول شي ماتبي تنفر زوجها منها لذا يااختي لاتنفرررررينه لا تخلينه يندم انه تزوج الثانيه اذا جاب سيرة زوجته ميخالف اسكتي وبلعبها ولا تحسيينه بشي يوم قال انتي عيني ذي وذيك عيني ذي قالتي له الله يخليك لنا يابوفلان وش هالكلمه ترقيه للسماء ويزيد حبك بقلبه بس قال انتي عين وهي عين قمتي تحققين معه وشوله تطريها وشوله ماوشواه ويتغير ملامح وجهك وتقلب سحنتك لييييش عودي نفسك يابنت الحلال انتي مع ضره مو لحالك عودي نفسك ان الغيره تبعد عنك اخذتي واحد معدد وانتي جايه فوقها لازم تعينينه على العدل مو تنكدين عليه عشان ناااااس يشوفون علي نفس الملابس منتي مجبوره تلبسين الملابس اللي جابهن عند اهله البسيهن عن اهلك بس ماهي معادله صعبه اهله البسي لهم اللي انتي تشرينهم بنفسك مو هو يجيبهنحتى لو طلع معك للسوق لايدخل المحل معك يوقف عند الباب خوذي اللي تبين وطلعي وهو يعطي زوجته نفس القيمه اللي عطاك اياها يطلع معها زيك ويعطيها نفس القيمه اللي شريتيها بهن الاغراض سهلي على زوجك حياته تسهل حياتك انتي توك ماكملتي شهرين صح

لاحول ولا قوة الا بالله انتي تدورين النكد والتعاسه والنفور الحين حاسبينك عاقله ورزينه طلعتي...

عاقلتها ومتوكلة :

واذا شافوكم بنفس الأشياء عادي مافيها شي انتي الحين تبرري لنا ولا تبرري لنفسك ؟؟؟؟!!!! زوووووجك وبس انتهى ونقطة عالسطر هو مابيفهمها كذا الشيطان شاطر بينكم وبيلعب عليه بيفهمها انك غايرة وبس وَذَا الواضح حتى تبريرك ماله داااااعي تسوين نكد وانتو طالعين تتعشو وتسمين بدنه بكلام غلط في لحظات حميمة وتجحدين هداياه وعذرك أقبح من ذنب ... اعتذر منك لو كنت قاسية بس انتي ماتفكرين زين ولاتحسبين حساب لتصرفاتك ... راجعي تصرفاتك تراك تهدمين جسور بينك وبين زوجك وانتي في حاجةً لاتك تبنين نفسك وتثبتين عمرك خذي لفة على المنتديات وشوفي كيف الزوجات الثانيات يشتكون ومظلومات وأغلبهم حتى يكونون نزوة وينتهون والفأل مو لك يااختي انا أتابعك من وقت مانخطبتي وكنت سعيدة عشانك ودعيت لك من كل قلبي وانصحك من باب الحرص تغاااضي ومشي امورك

واذا شافوكم بنفس الأشياء عادي مافيها شي انتي الحين تبرري لنا ولا تبرري لنفسك ؟؟؟؟!!!! زوووووجك...