جتنا الأمطار وطلعات البرية ...

امممممممم موضوع حلو
احنا لانا بدو فدايما بالعطلات نروح البر وننام اسبوع او 3 ايام على حسب ونروح جماعات
الملابس:
هدوم داخليه
و 4 دراعات قطن
و بيجامتين
و بنطلونين جنز و الشورت ما استغني عنه
و 2 فوطه وحده للوجه والثانيه للجسم
و دسوس و دلاقات عدد 6 بس دايما خلي الدلاقات متينه وخامتها يابسه عشان تقدرين تمشين حافيه وما تتطرين تبدلين اكثر من مرتين باليوم
كبابيس
جوتي و شحاطه عدد 2

ادوات العنايه
صابونة سيباميد الطبيه مالت الاطفال دايما استخدمها لانها ما تجفف البشره وتنعمها
فازلين
كريم مرطب للجسم من بودي شوب
مرطب شفايف بزبدة الكاكاو
شامبو + كريم للشعر

ادوات الزينه:
بيني وبينكم احنا بالبر اذا بنام ما نجيب معانا مكياج واجد وانا اخذ:
بودر مشمشي
و حمره وردي على لحمي طبيعي
كحل لداخل العيون اخذ اسود وابيض
و المشط

و طبعا انا عصاقيل بس حلو جسمي واذا و لون بشرتي بيضه بس اذا ما اكلت سلطه كل يوم او اذا اهملت الفواكه يصير لوني ابيض ذهبي اصير صفره و انا لازم اخذ معاي بعض الاكلات المهمه عندي مثل:
اذا كنا راح ننام اسبوع اخذ 7 معلبات سلطة فواكه و 3 انناس
و لازم اخذ معلبات ذره و كياس النفيش الجاهز مكيس و اخذ شعر بنات المكيس و اخذ فاصوليا حمره و كم كيس شوربه عشان البرد

ادوات طبيه:
ما استغني عن البلاستر
كريم لحساسية الجلد
غسول العين
بنادول و فيتامينات ومضاد حيوي
مطهر
غيارات ((للدوره الشهريه))
حبوب مسكن لالم البطن

الحين نجي للعنايه:
ابدي يومي طبيعي مع السوالف والهرج واللعب بالبقيات و المسابقات ونشب الفحم ونغني اغاني البدو ونسوي صفين ونستانس اخر وناسه و قت النوم بليل نشغل الدفايات و نفرش الفرش والاسفنجات
طبعا قبل لا انام اغسل وجهي و رجولي بالصابون الطبي والبس دلاقااتي الجديده
و امشط شعري واربطه و ابدل لبسي واقرى المعوذات وانام وطبعا احنا ما انام الا بعد الساعه 4 الفجر يعني نصلي الفجر وننام و طبعا يكونون الجهال نايمين من الساعه 11 عشان احنا البنات والحريم نستانس بروحنه و نقول قصص وسوالف للعلم انا ضمن البنات ما عندي جهال و مو متزوجه
و اول ما اقعد من النوم اروح الحمام والحمام عندنا يكون غرفه ضغير من خشب ما فيها الا حمام عربي تكرمون و بره الحمام تنكر كبير كله ماي نغسل منه و نشرب ونتسبح بعد و اغسل وجهي وابدل ملابسي الداخليه تكرمون و اكل الريوق ((جبن مكعبات وخبزر رقاق او خبز لبناني العادي و شاي و حليب كرنيشن و خيار وطماط و خفايف ومعلبات))
و نقعد نمشي بالبر ونسولف ونشغل المسجل ونسمع الدروس ونحط الزوليه و ننسدح وكل وحده تقول سالف وشاي وحب و لما تصير الساعه 10 ونص احنا البنات والحريم بالمطبخ نسوي الغداء وطبعا الوقت يطول لان المطبخ عباره عن شولتين (( سخانين نار )) فراح يطول الاكل على ما يخلص و نقعد الساعه 12 نتغدى و نسولف و بعد الغدى نسترخي لمدة ساعتين اللي يبي ينام ينام واللي ما يبي كيفه

وبس يصير العصر نشتغل عاد اللي يجيب السيكل والبقي و احنا البنات معاهم نركب البقيات ونتعلم سواقة السياره بالبر ونروح بعيد عن الخيمه ونضيع وبعدين نتدق على اهلنا عشان يرجعونا المخيم ههههه جهال

و لمن يصير الليل يجتمعون الحريم و يسولفون سوالف كبار يعني سوالف حريم افهموها

ونعد احنا البنات من 14 سنه الى 19 )) نسولف عن الماكياج والهدوم والخلطات وووووو المبيضات والمنعمات وسوالف مراهقات هههه

ولمن تصير الساعه 2 بليل نبدا احنا البنات بتجهيز الشنطه الصغيره احنا نسميها شنطة المغامرات نحط فيها بلاسترات وبطول ماي ومعلبات وحلويات وليتات اليدويه المصابيح اليدويه و نطلع من مخيمنا ونسوي فيها مغامرات نطلع نرووووووووح بعيد وتاخذنا السوالف و نحط بسطتنا و ناكل لين نشبع ونكمل الطريق واحنا عندنا جبل مرتفع حيل فلازم كل يوم بليل نروح بعيد عن المخيم ونصعد الجبل
ولو بكلمكم عن المغامرات ما راح اخلص وادري اني قرقه بس قلت لازم اقول كل شي واتمنى اني ما قصر

تشااااااااااااااااااااااو

اهلين عود مبخر نكشت بالشمال