جتني الدوره مرتين بشهر

يعني تركتِ كل التوقعات الممكنه وماجا ببالك غير توقع سلبي؟؟؟
ماجاء ببالك غير ان الدوره تقطع ؟؟
ليش السلبية كذا يا أختي ؟ ليش ماتكونين متفاءلة وتقولين خير لأجل يقوله الله .
قولي خير الله يقوله لك . فالانسان على حسن ظنونه يلقى جوابه .. الله بيعطيك على ظنك فأحسن الظن بالله ..
الدورة تخربط مع المرأة بمراحل حياتها إما من النفسية أو من التوتر والقلق والخوف والصدمة أو من الهرمونات أو من الأدويه أو من تكيسات أو من سماكة الرحم أو أي سبب ثاني ، فياكثر الأسباب اللي تخلي الدوره تتقدم وتتأخر .
البعض تتأخر الدوره عنهم شهور والبعض تجيهم بالشهر اكثر من مرة والبعض تجيهم مثل النزيف والبعض تجيهم حيل خفيفة لأنه احنا مو طبق الأصل من بعض فكل وحدة غير الثانية بطبيعتها ..احنا الحريم كذا لنا سوالف ومشاكل غير بعض بالدوره والحمد لله أغلب المشاكل لها حلول ان شاءالله والأدوية سهله ومتوافرة بأغلب الصيدليات .
واضح من حكيك انك متشاءمة وقلقانه وهذا كفيل بلخبطة هرموناتك ..
تفاءلي خير ويارب عن قريب تفرحين بحمل.
و لو دورتك ماضبطت وصار معك دم زيادة روحي للمسستشفى يشوفون السبب ويعطونك علاج وترتاحين .وبلاش تتشاءمين الله يهديك .
وبعدين دام عندك ولد واحد معناته انت قادرة عالحمل مرة ثانية بادن الله لكن مشكلة هاليومين هي مشكلة عند كثير انه يصير قطع انجاب مفاجىء ولهالسبب تلاقين كثير جابوا ولدين ووقفوا وثم عقب سنين يحملون الحمد لله ..
خلك معنا وبشرينا قريب ان شاءالله بحملك وانتظام الدوره ..

.
على فكرة حريم اول يقولون لخبطة الدوره تبي الحمل