جتني بنت الساعه 2 الظهر وبعدها راكبني الخوف وتوتر

صباح الخير


عندي مشكلة مسببه لي خوف وقلق وتوتر خايفه وانا وحده خلق موسوسه لكن قبل اكتب مشكلتي حابه اقول لصاحبات حسابات الاستقرام الي ينقلون مواضيع وينشرونها
موضوع لي تاخذينه وتنزلينه باي برنامج تواصل الله لايحللك ولايبيحك ولايوفقك لادنيا ولا اخره
تاخذي حاجه لي بدون ماسمح لك الله يريني فيك عجايب قدرته ماحللك ولا ابيحك




مشكلتي انه اليوم كنت انظف البيت الظهر ودق جرس الشقه وزوجي نايم في الصاله صحى وراح يشوف من وجاني قال فيه وحده تقول ابغا زوجتك انا وحده اخاف مررره من هالامور توترت وخفت وتذكرت سوالف اللي يطقون الباب ودواعش وحوثيين وكذا بس قال هذي جيراننا اللي فوق ساكنين لهم سمكن ثلاث اربع اسابيع اصلا انا مالي علاقه بالجيران وجيراني مايتزورون وحتى كل وحده في حال سبيلها حتى الرجال المهم زوجي يوم شافني خفت وقمت اخربط بالكلام قال خلاص خلاص اقولها انك مشغوله قلت اصبر البس عيب الحرمه واقفه بس عجزا امشي خشبت انا خوافه يابنات وموسوسه بهالامور لي كم سنه ساكنه هنا مافيه مراه احد قال نادي زوجتك حتى هو جاي وعيونه بجبهته راح هو للحرمه وقالها ان حالياً زوجتي ماتقدر تطلع لك لانها مره مشغوله اش بغيتي انا اقولها قالت هي ابغا سلف وارجعوه لكم قال خلاص اقولها وراحت هي وهو جاء وقالي انا مامعي شي يمكن عشره بوكي بس ماني موضفه ولا حتى زوجي راتبه يالله يكفينا اول الشهر عشان نجمع لاطفالي ولاجار البيت زين نسدد البيت امهم بديت افكر واوسوس ومشكلتي اني وسوست بزوجي وهو اصلا نفسيه كيف عاد انا وسوست فيه قلت الحرمه كبيره ولا كبري قال هو لا لا كبيره ولازحتى كبرك يعني بنت تقريبا -١٧ -١٨
قلت لايكون احد تعبان عندها ومحتاجه فلوس البنت توديه قال ماقالت قلت اروح لهم قال لاااا مهبوله انتي وراح هو يشوف الشارع يقول لقيت البنت تطق على كل الجيران قالها زوجي وين رجالكم وينه قالت مافيه الا انا وعمتي فوق واخوي يروح لاستراحه ويخلينا وعمتي تعبانه قالها كم تبين قالت الي تقدر عليه قال كيف الي اقدر عليه وانتي قلتي سلف كم بضبط السلف يكون شي معين كم مادري كم تبين اساعدك عليه قالت مادري اللي تقدر استغرب وهو دخل الفار بعبه يقول كيف البيت اجاره صعب ١٨الف ولحالهم وتتسلف فلوس من الجيران قال تبين تودين عمتك للمستشفى قالت ايوه قال تبين قيمة مشوار السواق قالت ايوه لانه السواق يقول ماراح اوديكم لانكم تروحون معي ولا تعطوني شي قال تكفيك ١٠٠ قالت ايوه وخذتها يقول دخلت بيتهم بس ماسكرت الباب خلت الباب مفتوح
انا زي ماقلتلكم موسوسه وخوافه وراعية تفكير مرعب افكاري كلها رعب برعب تذكرت السبت شفت حلم وخفت منه
اني بيت اهلي وتعرفون الاسياب اللي خلف البيوت وجوانب البيوت مو حوش لا ممرات ضيقه ايوه دي انا كاني فتحت باب من جوا البيت على السيب الخلفي مافيه كذا بيت اهلي باب يطلع على السيب الخلفي المهم ابطلع ابنزل رجلي برا الا انتبهت يساري ثعبان كوبرا ولونها يابنات زي الاسود المغير يعني كلها غبار مو غبار بس لونها كذا مغبش خفت انا والا قدامي بنتها صغيره كوبرا زيها بس اصغر منها ونفس لونها خفت منهم وهم يطالعوني وواقفين واطلع بشويش بالسيب قدام الثعبانين وامشي ببطى لاخر السيب لحد ماوصل لباب اللي يودي للحوش بس مسكر صعدته مافتحته لا صعدت فوقه وقبل لانزل مع الجهه الثانيه للحوش قلت اشوف الثعبانه وبنتها لحقوني ولا لا الا اشوفها تبعد هي وبنتها يروحون بعيد للجهه الثانيه ورتحت انهم ماجوني


هالحلم من السبت مشغلني وافكر اسال مفسر رويه بس اخاف افسر احلام وحاول اطنشهم
بس بعد سالفة البنت هذي قمت افكر وافكر خايفه لحد الحين اخاف يطلع زوجي للدوام واقعد لحالي وش اللي جاني
انا رحت لاهلي المغرب وقلت لخواتي السالفه قالوا انتبهي لايكون دواعش او حوثيين قلت لا جارتنا اللي فوقنا قالوا يمكن شايفين باب جيرانكم مفتوح تسوي نفسها من اهل البيت انتبهي تعطينها شي ولا تردون عليهم جاء زوجي واخذني للبيت الساعه ١١ ونص لقيت عند بابهم فرشه جديده اللي تقص عرفتوها اللي يفرشونها بس يجون بالمتر جديده وتلمع وشعر فيها لماع اول مره اشوف فرشه تلمع وشعر طويل وناعم قال زوجي شوفي هذي قيمة التعبانين قلت معقوله كانت تتسلف عشان يفرشون غرفتهم وتقول عمتي تعبانه


لكن لحد الحين خايفه من سالفة االحلم كوبرا وامها وجت مع الي فوق لوحدهم تقول انا وعمتي بس ماعندهم رجال واخوهم بالاستراحه الظهر ذا
الحلم مضيق صدري ومخوفني يارب انهم اهل خير يارب اجعلهم من اهل الخير
اخاف يجوني مره ثانيه ويزيد عندي الخوف وتوتر
وزوجي قالي لاتفتحين لهم مره ثانيه ولا تردين عليهم

انا بعد ام جيران اهلي صرت اختف من الحريم الي يطقون البيوت طقت عليها وحده وقالت محتاجه فلوس واكل وكذا تقول جارة اهلي اني اذكر اني واقفه ومدت الحرمه يدها ومسكت يدي وبعدها فتحت عيوني الا انا على الارض وبناتي حولي يصبون علي مويه وديني فاضيه مافيهم بناجري اخذت الحرمه البناجر والاساور اللي بدينها وانا صرت اخاف مابي اصد محتاجه بس بعضهم مو محتاج اخاف يضروني الحين كيف نعرف المحتاج من العدو
والله الدنيا صارت تخوف حسبي الله والنعم الوكيل

كيف اشيل الخوف اللي فيني لحد الحين متوتره من الظهر وانا مخي مشوش