جتني تشكّى ودمعها فـوق الاوجـان
تبيني أرحل عـن عجـوزٍ وشايـب
تقول انا مقدرعلـى العيـش يافـلان
امّك سبب همـي وكـل المصايـب
والعـود نفسـه شينـةٍ دوم زعـلان
ما نيب مكلوفـه ولـو هـم قرايـب
قلت العفو يا حبّ يا نـور الاعيـان
تدرين احبّك وانتـي سيـد الحبايـب
دربك ودربـي مثلهـم دون نقصـان
في يـوم لزمـاً دافعيـن الضرايـب
من قدّم الإحسان يجـزى بالإحسـان
ومن عـقّ شيبانـه يلاقـي التبايـب
يطلـع لـه اولاد يجـازوه حقـران
ولا يسألوا عنـه إذا صـار عايـب
واللي بقلبه لـو قليـلٍ مـن إيمـان
يعـرف حقـوق لوالدينـه وجايـب
الأمر واضح ما عرف فيـه قـولان
أمرٍ من الرحمـن جـزل الوهايـب
ومن يعصي الرحمن لاشك خسـران
دنيـا وديـن وآخــرة باللاهـيـب
من جابنا يـا بنـت بالحمـل تعبـان
ومنهو لاجلنا جاء له المـوت لايـب
ومنهو لاجلنا شايـل الهـم سهـران
ومنهو لاجلنا شرب مـرّ الشوايـب
ومنهو يضحـي لاجلنـا دون اثمـان
ومنهـو لاجلنـا هاجمتـه النوايـب
ومنهو لاجلنا ذلـل النفـس أزمـان
ومنهـو لاجلنـا احتمـل للتـايـب
ومنهو جمعني بك بفرحي والاحزان
ومنهو رقص بالعرس وابدى العجايب
moon1426 @moon1426
محررة ماسية
يلزم عليك تسجيل الدخول أولًا لكتابة تعليق.
@سعوديه@
•
رووووووووووووعه وجعلني يارب من البارين بوالديهم
زائرة
•
ايه الله صدز<<صدق
تسلمين
تسلمين
الصفحة الأخيرة