جتني شغاله وشرايكم

السلام عليكم

بنات انا متزوجه وعندي اربع اولاد الله يحفظهم لي ويصلحهم

وبيتي نص دور علوي والباقي سطح بس مساحة البيت تقريبا 800 يعني كبير ماشاالله

والسطح تبعنا يعني فيه بابين تفتح على السطح

وهالسطح فيه سياكل عيالي وسيارتهم يعني عيالي مايستغنون عن السطح ابد

واذّا توسخ السطح يتوسخ البيت على طول

وعيالي الثالث والرابع جبتهم ورا بعض

الثالث عمره 3سنوات والثاني عمره سنتين مابينهم الا 11 شهر ويبهذّلوني شوي بالترتيب وبتنظيفهم

وكان عندي شغاله حبوووووووبه عسل وراقيه جدا جلست عندي 3 سنوات وراحت قبل رمضان بيوم طبعا نيباليه لاني انا مارتحت الا مع هالجنسيه

بعد ماراحت قلت لزوجي ماعاد ابي شغاله بس جب لي غساله توماتيك ومجفف وعندي كواية كبس

والحمدالله والله اموري ماشيه وارتحت راااااااااحه عجيبه واحس ان الشغل اشغلني وصرت ماعاد افكر الا بشغلي وعيالي وزوجي يعني طلعت كل هالعالم من راسي

بس احس اني صرت ماقرا قران كثير زي قبل .. واذّكار بعد الصلاه صرت ماعاد اقولها الا ماندر

وخالتي ام زوجي دايم تقدم على الاندنوسيات ويوم شافت الشغالات اللي جوني ثلاث شغالات نيباليه كل وحده احسن من الثانيه راحت وقدمت على نيباليه

وجتها شغالتها قبل اسبوع عاد هن اول ماتجي الوحده منهن تصير دبوجه وماتفهم الا بالحسره وعلى شوي شوي تفهم الشغل وتصير اسنع منها مافيه

وخالتي متعوده على الشغالات الاندنوسيات على طول يفهمن الشغل فما ارتاحت للهنيباليه
وتقول اللي يبيها يشريها

قال زوجي حنا نشريها

وجابها لي وهي حليوه ماعليها يعني احس انها تبي تتعلم الشغل وطبعا ماتفهم ولا شي انا واياها نسوي الشغل مع بعض عشان تعرف للشغل زين

بس انا مالي رغبه بالشغاله يعني قبل كنت مبسوطه وماشيه اموري ولا عندي نيه اقدم على شغاله حاليا
فانا قلت لزوجي بعها بربح ونشتري غسالة صحون

وقال لي زوجي بكيفك بس ترى بتندمين

وانا متردده استخرت ودعيت ربي ومره اقول خليها عشان اتفرغ لعبادتي والطبخ وعيالي وزوجي

ومره اقول انا الحمدلله قادره على الاستغناء عنها استغني عنها احسن اكسب اجر عملي في بيتي ولااظلم احد معي لاني انا عصبيه شوي وخايفه اعصب عليها

وشرايكم انتم