جتني على الخاص ادخلوا

زميله من قراء عالم حوا تخاف تكتب بمعرفها الأصلي وتعرف شخصيتها
هي تعبانه من تصرفات زوجها. ظالم معها بكل المقاييس هي ممرضه سوت بيت معه بالشراكة وتزوج وحط فيه الحرمه الثانيه واللي تكيد لها وما خلت شي ماسوته من الكيد لدرجه انها منعت زوجها من النوم معها والصرف على اولادها او حتى السفر بهم
الدلع ووقته كله ل الثانيه وأولادها
وهي تقول انها زي المسحورة تصرف عليه بدون حد وتحس انها مكبلة امام طلباته كأنه ساحرها بكلامه وهي الان بنت بيت ووقف عظمه ولا قدرت تشطبه لانها مديونه للبنك بنص الراتب اللي أخذت به قروض لزوجها
على فكره هو تزوج عليها بالسر وبعد سنوات أعلن زواجه وضرب بمشاعرها عرض الحائط الاخت تعبت وجاتها أمراض نفسيه
وهي من شهر على سوره البقره والصدقات فقط تبغى الطمأنينة وانشراح الصدر وأنها تنسى عذاب زوجها لها وشعرت بقليل من التحسن وتبغى الطلاق منه ورافض يطلق لانها بنك متى مابغاه يلقاه
الان تبغى نصيحتكن ياغوالي من ناحيه ايش تسوي من عبادات تنسيها همها وتخلي زوجها يبعد عن مالها وعن التنكيد عليها
واللي تدخل وتتفلسف وتشمت وتسب انها أعطت زوجها تحتفظ بكلامها لان الاخت الضعيفه يتيمه الأب ولا لها عزوه ولا اخوان وتعطي بلا شعور غصب عنها بدليل لما يستلم الفلوس ويطلع تندم انها عطته وتقول انا ليه أعطيه كيف ووشلون عطيته وهو عمره مااعطاني غير الفقر والغدر والجحود
نصيحتكم بكلام يخفف الالم تراها تتابعكم الان
جعل من يبرد على قلبها
بكلامه يدخل الجنه هو ووالديه من أوسع ابوابها ويرزقه فرحه لايسعها الكون تجعلها تخر لله سأجده وشاكره من عظمه عطاه