تبين الصراحه هو لو يبيك اخذك من زمان غصب عن اهله فكري زين هو لو شايفك كويسه له اخذك بس انتي يمكن ارخصتي نفسك له وضيعتي عمرك وانتي تستنينه وش استفدتي اللحين غير ان الاغلب بيسميك خرابه بيوت لانك دخيله عليها مو هي اللي دخلت عليك مفروض من سمعتي انه ملك قطعتي علاقتك فيه وشفتي نفسك مثل ماهو شايف نفسه حبيبتي العمر يمشي شوفي نفسك وتزوجي غيره وجيبيلك ولد يملي حياتك وقبل كل شي خلي ربك بين عينك ماتدرين عن الدنيا ودعوه المظلوم لان زوجته بينكم مظلومه وصابره عليكم بس ربي يمهل ولايهمل يمكن تجيك حوبتها

والله ياختي محد يتهجم عليك انتي طلبتي النصيحه والحلول ولازم تتقبلي الانتقاد ماتدري يمكن يكون سبب هدايتك بعد الله والله والله يااختي لويبغاك كان وقف قدام العالم وقال اناابغاها زوجه ليا وماراح اتخلى عنها ابد مهم صار الحين الخوف من الله ترى زوجته مظلومه واذا قامت اليل ودعت عليك وصابك شي من دعواتها ايش بتستفيدي من حياتك ولا شي عمرك ضاع مع واحد خلاكي عشيقه له لو يحبك على قولتك كان اخذك بحلال ولاتقولين انااحق منها فيه ابعدي عنك الشيطان فتحي عينك زين والله كلها ايام وتسمعي عنه انه تركك وغير ارقامه وخرجك من حياته وانتي تصفكين بكفوف والله اعتبرك زي يااختي ولازم لازم الله يعافيك انك ترجعي لصوابك لاتغرك الدنيا ومن ترك شي لله عوضه الله خير منه اتركيه قبل مايتركك وتنصدمين بحال ماكنتي تتوقعيه يصير ومن كل قلبي اتمني لك السعاده وراحه البال والهدايه للطريق الصحيح لان الشيطان مغمض عينك عن اشياء كثير لو مااتزوج كان قلت لك اصبري الين ماربي يكتب نصيبك معاه لكن لكم سنين ولا مره فكر فيك كزوجه وام لعياله فكري زين بكلامي والله يوضح لك كل مخفي قبل مايكسرقلبك

عارفة ليش موقفها أقوى من موقفك ؟!
مو لأنه امه معها أو لأنها ام عياله
أو لأنها طبية معه وما طلبت الطلاق ..
أو كل الكلام اللي في رأسك ..

هي موقفها أقوى لأن الله معها .
إنسانة شريفة كانت بدايتها مع هالإنسان بما يرضي الله .
ماتعدت حدود الله معه وبدأت معه بالحلال لذلك هي قوية بالله .

خافي الله .. وإنتبهي من دعوتها عليك
إنتبهي من دعوتها .. انتبهي من دعوتها ..

ﺧﺎﻓﻲ ﺍﻟﻠﻪ ﻓي ﻧﻔﺴك ﻭﺷرفك

موضوعك مستفز جدا جدا
بأحاول أمسك أعصابي
وأنسى إني متزوجه وإنه يستفزني أي وحده من نوعيتك
تاخذ الرجال من بيته وعياله بدون وجه حق
انت مستوعبه إنك تسوين شيء محرم وصدقيني ما راح تتوفقين أبدا
دامها هي الصح وهي اللي اخذته بالحلال مصيره لها
انت لعبه ! نزوه ! يفرغ طاقاته فيها ويسلي روحه
وهي الغاليه الحبيبه اللي بيبعك ويبيع اللي وراه واللي قدامه ولا يفرط فيها
انت مستوعبه انه هو ما فكر فيك ابد ولا فكر يتزوجك
مستوعبه انه لا صار قادر ع الزواج والمسؤوليه ما فكر فيك ولا حتى حاول
على ايش جالسه تبيعين عمرك ؟ على ايش جالسه تخونين رب العباد
علاقه محرمه ومبنيه على باطل وتجين تقولين أنا احق !
انت الظلام! انت البقعه السوداء بحياته أنت ولا شيء !
وهي اللي قدام الناس زوجته وأم ولده وكل شيء
هي بالحلال وانت بالحرام
هي جاها معززه مكرمه واختارها وانت مخليك ع الرف
متى ما فضالك عطاك كلمتين
هي كل شيء وانت صفر ع الشمال
انت جالسه تهدمين حياتك وتضيعين كل شيء من يدك
عشانه وهو ما فكر فيك
توبي لربك بس انت تضمنين عمرك ؟ تضمنين لو رفعت يدها تالي الليل
ودعت عليك وش بينفعك وقتها !
كانك ما تزوجتي لا تطلعين من الدنيا وانت على معصيه عظيمه وخراب بيوت
لان صدقيني دعوة المظلوم ما تطول
ويؤسفني اني راح ادعي معاها عليك وعلى كل وحده خانت ربها وأمانتها وخربت بيوت مطمئنه ومستقره
الله يهديك ولا يفكها منك ومن تنكيدك لحياتها
فوقي لنفسك اقطعي علاقتك فيه عشان ترضين ربك
وعشان تفتكين من ذنب هالمسكينه حرام عليك وش هالحقد اللي بقلبك
واذا احسنت النيه وصفيتي قلبك وتبت لربك راح يعوضك الله بأحسن منه
لاني اشوفه نذل زيه زي غيره يلعب بمشاعرك وعواطفك ويتزوج غيرك لانه باختصار وراح اقولها
ما يأمنك على بيته ! ولا يثق فيك كزوجه
اجل تطلعين له بحووش بيتكم ! أي قدر تشوفينه لنفسك وانت تذلينها لهالدرجه
خلك من هالحب والخرابيط ما ضيع البنات الا هالكلام كلكم تقولون هذا غير
كلكم نفس الموال ما يقدر يتزوج لانه مسؤول عن خواته ولأنه بيزوجهم
كلهم نفس القصه ونفس الأكذوبه كلكم عندهم لعبة تسليه ليش ما تصدقون ؟
ليش الحقيقه توجعكم ؟ ليش كل وحده تتعرف ع شاب تقول هذا غير وهذا ما يخون !
فوقوا كفايه قصص و بلاوي ومصايب ملينا منها الحلال بين والحرام بين شيء حرام ما راح يوصل لزواج ولو وصل راح تملاه الشكوك وعدم الراحه الا ما ندر
والحلال مصيره للاستقرار والراحه والاطفال ما راح يفضلك ولا راح يفكر فيك انت نكره بحياته يتمنى يتخلص منها ومن مشاكلها مجرد ما يتزوج
والله مليت وانا انصح هالبنات الله يهديهن بس والله الرجل لعبته البنت ولازلتوا تصدقونهم
صوني نفسك وعزيها عشان تلقين من يصونك ويعزك وان ذليتي نفسك محد مكرمك
استري على عمرك ترى الفضيحه مو سهله فكري بسمعة اهلك وعمتك المسكينه اللي شايلتك وشذنبها توطين راسها بالارض !
وقفي قبل ما تخسرين الاشياء الجميله اللي بحياتك وظيفتك , وسمعتك , وعمتك وقبل كل شيء نفسك ولو مقيدك حبه لهالدرجه روحي لأي عياده طبيه راح يساعدونك كثير وبتشوفين شقد كنت عايشه حلم