عمرك شفت أب و لا أم (دقة قديمة) و خلوا عيالهم يطلعوا معقدين زيهم ؟؟
و لا عمرك شفت أب و لا أم مش عارفين يتفاهموا مع و لادهم؟
و لا عارفين هم بيفكروا إزاي ؟ و يرجعوا يقولوا هو الواد طالع كده لمين ؟؟عمرك شفت أم ماشية في الشارع و (ساحبة) و راها عيالها عمالة تشتم فيهم و في اليوم اللي جابتهم فيه ؟؟
طيب عمرك شفت أب (طفش)
من البيت لأنه مش عارف يوفر مصاريف (لكوم العيال) اللي جابهم دول ؟؟بصوا .. مش هطول في ذكر الأمثلة لأن الأمثلة كتيييييييرة جدااااااااااا ...
و الإجابة باختصار .. لو مش قد الخلفة ما تخلفش ..
مش عارف إزاي تربي ما تخلفش
مش معاك فلوس تصرف زي الناس ما تخلفش ..
مش عارف تجاري العصر و تفكر زي أولادك ما تخلفش ..
مش عارف تلبي احتياجات أولادك العاطفية ما تخلفش ..
حد كان ضربك على إيدك و قال لك خلف ؟؟
بصوا بقى و من غير مقدمات طويلة ولا تحضير ..
أنا شايف إن الأب و الأم دول أكثر أشخاص أنانيين في حياة الفرد !!!
أيوة و ما تستغربوش .. أقول لكم ليه ....
يعني أنت مثلا ..
- اختاروا لك اسمك .. اللي هو أقرب حاجة ليك , و ما قدرتش تختاره بنفسك .
- اختاروا لك أبوك و أمك –هم يعني- و انت ما اختارتهمش بنفسك .
- اختاروا لك بلدك و بيتك و سكنك اللي هتقضي فيه أغلب عمرك –إن لم يكن كله- و انت ما اخترتش حاجة .
- اختاروا لك اخواتك و أقاربك و معارفك و جيرانك ..... إلخ .
- اختاروا لك المستوى المعيشي و الثقافي و الاجتماعي اللي انت فيه .
و حاجات كتيرة اختاروها لك .. بينما أنت -كطفل- قد فُرض عليك كل شيء ..
سواء كان حسنا أو سيئا ..
كل شيء فرضوه عليك ...
و لما تيجي تسأل أي أب أو أم و تقول لهم السؤال الطبيعي اللي مفروض تكون إجابته بديهية لديهم و تقول :
هو انتم خلفتونا ليه ؟؟
تسمع مواهب :
- ما الناس كلها بتخلف .
- دي سنة الحياة .
- يعني الناس لو ما خلفتش الدنيا هتخلص – خايفين على انقراض الجنس البشري !! - .
- علشان تعمروا الأرض !! –طيب ما ممكن يطلعوا فاسدين و يخربوها ؟ كلا الاحتمالين قائم - .
- زي ما خلفونا زمان خلفناكم – بتردوا لنا القلم يعني ؟؟ - .
- بس ياد بلاش أسئلة خايبة زيك .
أو لو واحد صريح شوية , أو على نياته (يقع بلسانه) و يقول الحقيقة :
- علشان عاطفة الأمومة و (الأبوبة) اللي جوانا .
- علشان تراعونا لما نكبر زي ما رعيناكم و انتم صغيرين .
- علشان تشيلوا اسمنا .
- علشان نحقق فيكم اللي ما حققناهوش فينا – طب و احنا مالنا- .
و لما تيجي تبص على الفوائد اللي تعود على الطفل من إنجابه و وجوده في هذه الحياة تجدها :
.
.
.
.
.
.
.
.
لا شيء !!!!!!!!!!
هات لي فايدة واحدة تعود على الطفل من وجودة في حياة مليئة بالشر و الحقد و الكذب و الخداع و .... و المشقة و التعب و العناء و .... و في الآخر بعد التعب و المعاناة دي كلها ..
إما إلى جنة و إما إلى نار !!!
يعني برضه مش مضمون ..
طيب مش كان الأسلم و الأأمن أن يدعوا ذلك الطفل المسكين في عالم اللاشيء .. أن يدعوه في العدم فلا شقاء و لا عناء و لا حساب و لا عذاب .. ؟؟
أم أنها الأنانية و عدم التفكير في الغير ؟؟
و ما حدش يفكر إني مثلا ساخط على كوني خُلقت .. لأ أنا جيت خلاص و بتعامل مع الأمر الواقع .. لكني سأحقق ما أتمنى – و هو أن لو لم أكن وُجدت- في أولادي إن شاء الله بعدم إنجابهم ..
و أنا عاوز بقى حد( شجاع) أو بيفهم و بيفكر من الناس اللي نفسهم يخلفوا في المستقبل , أو من الناس اللي مخلفين دلوقتي يقول لي :
1- هو خلّف أو عاوز يخلّف ليه ؟؟
2- يقول لي أي فايدة تعود على الطفل من إنجابه ؟؟
و جتها نيلة اللي عاوزة خلف ...
ملحوظة مهمة جدا قوي خالص :
غير مسؤول عن أي حد يقتنع بما يقول
لأنني أنا نفسي غير مقتنع بما أقول
لكنني فتحت النقاش آملا أن يقنعني أحد بعكس ما أقول
أو حد يقدر يطلع الأفكار دي من دماغي .
فماحدش يقتنع بالكلام ده و يطلع غلط في الآخر و آخد أنا ذنبه .. العملية مش ناقصة الله يكرمكم ..
و لما نصل لنتيجة بإذن الله -لو وصلنا يعني- نبقى نقتنع بيها ..
و كما تقول أم إسماعيل : عقلك في راسك تعرف خلاصك
تحياتى:hahaha:
استغرب دايم اشوف الفقراء يجيبون بزران كثييييييييييييير وهم مو قد المسؤليه