بكيت فقالوا ألا تبتســـــم
بسمت فقالوا يرائي بهــا
عبست فقالوا بدا ما كتــم
صمت فقالوا كليل اللسان
نطقت فقالوا كثير الكــــلم
حلمت فقالوا صنيع الجبان
ولو كان مقتدرا لانتقــــــم
بسلت فقالوا لطيش بـــــه
وما كان مجترئا لو حــكم
يقولون شذ وان قلــت لا
وإمعة حين وافقتهــــــــم
فأيقنت أني مهمـــــــا أرد
رضا الناس لابد من أن أذم
استغرب من يعيرون الناس وكلامهم انتباها شديدا فمنهم من يربط تصرفاته وشتي شئون حياته وفقا لاهواء الناس فربما يخشي ان يتصرف اي تصرف بدون ان يحسب رد فعل الناس وهل سينتقدونه علي هذا الكلام او التصرف ام لا وربما يظل البعض في مكانهم خوفا من رد فعل الناس ياااااااااااااااااااا الله الناس مهما حدث ومهما حاولت ان تكسب ودهم ورضاهم ستجد من يعترض ومن يلوم ومن ومن ومن فهم لن يعدمون ان يجدوا بما تفعله عيب او نقيصة فهي موهبه يمتلكها العديد الا من رحم ربي
ياتي الناس لفتاة ويسألونها الم تتم خطبتك بعد؟
الفتاة : لا
الناس ولماذا؟
الفتاة : كل شئ نصيب
الناس: ا
مممممم طيب ربنا يكرمك يا حبيبتيبعد فترة وبعد ان تتزوج الفتاة
الناس : ها ايه الاخبار ؟
الفتاة : الحمد لله
الناس : ها ايه مفيش نونو في السكة؟
الفتاة : لا والله لسه
الناس : ليه خير طب رحتي اطمنتي؟
الفتاة: اه الحمد لله مفيش سبب بس لسه ربنا ماردش
الناس: ا
ممم طيب يا حبيبتي ربنا يرزقك يا رببعد فترة وبعد ان تحمل الفتاة وتضع بنتا
الناس: ها جيبتي ايه ؟
الفتاه: الحمد لله بنوتة زي القمر ما شاء الله ربنا يكرمني فيها يا رب
الناس: اممممممم بنت
طيب يا حبيبتي ربنا يكرمك وتجيبيلها اخالفتاة : ربنا يسهل ان شاء الله
تحمل الفتاة مرة اخري وتأتي بالولد
الناس: ايه ده ولد بس هو ماله وحش كده ليه ؟
طيب يا حبيبتي عموما الف مبروك عقبال ما تفرحي بيه يا ربالفتاة : ربنا يكرمكم يا رب
بعد ان يكبر الولد والبنت ويدخلوا التعليم وفي المرحلة الثانوية
الناس : ايه ده ده انتي دحيحة بتذاكري كل ده
طيب يا حبيبتي ربنا يوفقك يا ربالناس : ايه يا ابني انت مش بتذاكر ليه
انت مش طالع شاطر زي اختك ليه ربنا يهديك يا ابنيبعد ان يتم الولد والفتاة تعليمهما الثانوي ويأتي دورهم للالتحاق بالجامعة
الناس : طب ايه يا بنتي في الآخر البنت ملهاش غير بيت جوزها يا بنتي اي معهد وخلاص انتي هتوجعي قلبك ليه وبعدين الفلوس اللي هتتصرف عليكي ماماتك تبقي تجهزك بيها ال طب ال
الناس: شايف يا ابني اختك ازاي جابت مجموع عالي مش زيك يا خايب معهد ايه اللي انت هتدخله وده هتطلع تشتغل ايه
وبعد فترة تتكرر مآساة الام مع البنت وتتكرر الأسئلة ها؟
لا افهم لماذا لا يقتنع الناس ان الآخرين سوف يتحدثون مهما حاولوا ارضائهم وإلا فبما سيشغلون اوقاتهم غير بالحديث عن خيبة املهم في فلان واخبار فلانة
تحضرني قصة جحا وابنه والحمار سار هو وابنه وبجانبهما الحمار عاب عليهم الناس بانهم لا يركبونه
ركب هو وابنه الحمار عاب عليهم الناس قسوتهما
نزل جحا من علي الحمار وظل ابنه عاب الناس عليه عقوقه لوالده
نزل الابن وركب جحا عاب الناس علي جحا قسوته
وبعد كل هذه المحاولات المضنية تأكد جحا من انه لن يستطيع ارضاء كل الناس مهما حرص وانه لا يهم رضا الناس طالما ان الشخص يتحري رضا الله
يا رب ارحمنا ممن يتتبع عورات الناس ويقوم بمحاسبتهم دون اي وجه حق
اعذروني علي اسلوبي ولكنها مجرد شخبطة في مدونتي
سلمت يمينك