الله يطمن قلبك عليها

شوفي عيادة ميدي كير او اي عياده قريبه لاتتركها كذا

واقري عليها

اذا مشيتو بالنهار الجو حاااااااااار حتى السياره تتاثر
واذا بالليل مخاطر ويخوف !!!!!!!!!!!
الله يسهل عليكم وتروحون وترجعون بالسلامه

السفر حلاته بميزانيه قويه هذا رائيي ......

انا لسه جيه من دبي وزرتها قبل كذا مراات عديده يمكن 8او 9 مرات ماشاء الله

لكن هي ظروف الاهل

بالنسبه لدبي فيها اماكن كثيره وانصحك زيارتها بالشاء او قبل الشتاء او بالربيع يعني الصيف مره ماتصلح حر ورطوبه بس حلوه بالصيف تكون مجمعات فقط

بالنسبه لي هالمره زرتها لظروف عمل لمدة 10 ايام

لكن استعمتعت فيها لولا اني تعبت شوي وما كملت معاي لكن الحمدلله

دبي مجمعات ومولات اكثر شيء مميز مثل:

اولا : طبعا دبي مول ونافوة دبي الراقصه واللي حواليها داون تاون برج خليفه ومايتبعه من سوق البحار وفندق العنوان و(فندق ذا بالاس اولد تاون القصرالمدينة القديمه )

ثانيا : امارتس مول ويشمل فنادق مثل فندق كمبنسكي مول +فندق بولمان مول الامارات +فندق ايبس مول الامارات وغير كذا يتبع مول الامارات نفسه المدينة الثلجيه سكي دبي ...وميزة امارتس مول انه محطة مترو خاصه فيه وهي محطة مول الامارات..


ثالثا: ابن بطوطه مول وهو في اول شرع الشيخ زايد اذا دخلتي بي من ابوظبي وهو مول كبير ويتبعه فنادق كثير منها موفنبيك ..

رابعا : مردف سيتي سنتر وهو مول كبير وجديد آخر شيء افتتح من المولات الجديده في دبي وراائع زرته واستمتعت فيه فيه مطاعم وسينما وغيرو كثير وهو قرب مطار دبي الدولي ..

خامسا : ميركاتو مول رااااائع بمعني الكلمه اسلوب ايطالي بحت ,, ليس كبير جدا يعني موسط لكنه ملموم على بعضه وله بوابه واحده وهذا اللي يميزه وفيه عروض بالصيف ايطاليه وروسيه وغيره ويضم مطاعم حلوه ومحلات ماركات عالميه وفيه قسم بالدور الارضي رااائع وهاديء عند البيبي كير فيه مقهى كوستا ولامندو ,,,الخ

سادسا : ديره سيتي سنتر وهو اشهر من النار على لم اول زياره لي فيه من 12 سنه اول مره زرت فيها دبي يعني من اقدم المولات لكن ماشاء الله كأنه اجددها لأن الماركات اللي فيه تقريبا كلها ومتجد ويتم تغيير ديكوراته بشكل دائم والعروض فيه مقامه يمكن يجي بالمرتبه الثانيه بعد دبي مول الحديث وهو يقع في قلب حي ديره دبي القديمه وحي كلها صاخب وشهير ومحطة المترو تمر فيه خاصه به وهي محطة ديره سيتي سنتر باتجاه الراشديه اذا كنتي قادمه من المارينا او من جبل علي او اي مكان قبل ديره من الجنوب

سابعا : مدينة الغرير مول كبير وكل الماركات فيه والمطاعم لكن يعتبر من المولات القديمه افتتح عام 1995 وهو شهير جدا في دبي واقدم مول يمكن قبل او بعد سيتي سنتر

ثامنا: وافي سيتي وهو مول متوسط الحداثه ولكنه رااائع وغريب وهو ياخذ الطبع الفرعوني والهرمي يتبعه فندق رافلز المميز ذو الخمسة نجوم يقع قرب زعبيل وعود ميثاء وهو نقطة وصل بين شارع الشيخ زايد والشيخ راشد

تاسعا : مركز بن سوقات ايضا متوسط الحداثه وتجدين فيه كل ماتحتاجه المرأه الخليجيه

عاشرا : تايمز سكوير من افضل المولات الحديثه افتح عام 2005 وهو مميز ويحوي المقهى الثلجي اللي تسخنت من عقبه ههههه...

الحادي عشر : الآوت ليت وهو مركز خاص باماركات المخفضه وهي البضائع التي تخزنها محلات الماركات ثم تعرض فيها يعني تجدين فيها بضائع العام الماضي وهو بعدي عن وسط دبي بل بعيد حتى عن ترابط دبي الداخلي يقع على طريق الميدان تقريبا ..


الثاني عشر : السوق الصيني دراغون مول او سةوق التنين وهو سوق كبيررررر جدا ليس فيه ديكورات او اساليب مبتكره لكن محلاته كبيره وحديثه ومكيفه و كلها بضائع صينيه وتجدين الماركات المقلده بسعر متوسط او زهيد (بصراحه ما اعجبني ولادخل مزاجي لأن البضائع الصينيه في كل مكان نجدها يعني ماتحتاج عنوه ) المشلكه انها خارج دبي ب45 كيلو على طريق عمان


الثالث عشر : المولات الصغيره (الريف مول اعجبني صغير وعلى بعضو ويقع في ديره دبي _ الاتحاد مول مول عادي _ حمر عين مول افتتح عام 1999 وكانت لي اول زياره فيه عام 2001كانت ذكريات رائعه مميز في وقته والآن ليس فيه زوار كثير ويعتبر من القديمات لكن فيه محلات ماركات ومحلات الجلابيات والعبايات احلى شيء فيه ) وقريب من لريف مول وسيتي سنتر وزرته هالمره عشان العبايات_ مركز المنال قرب سوق نايف وهو مول قديم جدا يعني مغلق ومكيف وفيه عروض وابتكارات لكنه قديم ومجاور للسوق الشعبي وينفع للهدايا _

_مارينا مول وهو في حي مرسى دبي او دبي مارينا ويقع بين ابراج المارينا تابع له فندق ذا ادرس العنوان الفرع الاول كما انه يقع على شارع الشيخ زايد وشارع المارينا وقريب من الجي بي ار اوالجميرا بيتش ريزدنس وجوار فندق راديسون بلو ومارينا فيو

_مركز مزايا محل شامل لكن يعجبني رائع وفيه كل شيء وحديث يقع في شارع الشيخ زايد مقابل التايمز سكوير تقريبا وهو من ناحية الجميرا او حي السطوه

الرابع عشر : الاسواق القديمه مثل نايف مركز مغلق كن مفتوح واحترق وسووه مغلق ومكيف وهو سوق قديم للبضائع التي تشتهر بها دبي مثل العطور والزعفران والعود وبعض محلات الهدايا والعبايات والجلابيات العاديه والبسة السبورت ...+ سوق عكاظ وهو تابع لنايف من شارع نايف يمتد_ سوق مرشد ايضا تابع لهم وهو سوق قديم

سوق ابو الهيل ايضا في شارع ابو الهيل وهو قديم قرب طريق الشارقه _ سوق الذهب في شارع الكورنيش او شارع الخليج ومشهوور جدا بالذهب والعود والزعفران ...

الخامس عشر : الالعاب المائية >> مثل الوايلد وادي في الجميرا بيتش الدخول واللعب ب250 في بعض المواسم واحيانا تكون التذكره ب180 على حسب وينفع للكبار اللي يحبون اللعب للناسء يوم الخميس فقط ....

السادس عشر : الالعاب المائية ايضا او الاكوافنشر في جزيرة النخله تبع فندق اتلانتس العاب رائعه ...وايضا فندق اتلانتس رائع فيه مطاعم حلوه وهاديه ومنظر رايق...وكمان اكواريوم اتلانتس وهو الحديقه المائيه الكبيره وفيه حديقه مائيه اخرى في دبي مول

السابع عشر : عالم فيراري في ابو ظبي يبعد عن دبي ساعه ونصف الى ساعتين مناسب للشباب اكثر..

الثامن عشر : اماكن للتمشيه على البحر مثل الجميرا بيتش ريزدنس او اختصارا له الجي بي ار (عباره عن : شارع طويل يمتد من شارع الجميرا يقع عليه معظم الفنادق الشهيره والابراج والجهه المقابله للابراج يكون البيتش او شاطئ الجميرا وعلى البيتش يكون فندق هيلتون وجواره مطاعم ومقاهي كثيره وايضا ابراج رمال وصدف وامواج وشمس ووبحر وهذي ابراج فيها محلات ومكاتب ومعاهد ومدارس انكليزيه ايضا ومقاهي نطلع فوق ونطل على شارع الجي بي ار وكله شباب و اوروبيين وينفع بلنهار في البراد+ مرسى دبي او دبي مارينا هذا المكان رااايق نتمشى بالجي بي ار ونطلع من حد الابراج اما صدف او رمال او امواج او بحر او شمس على المارينا ونمشي على رجلينا حتى نصل الفندق في المارينا وقبل كذا نمر سوبر ماركت المايا في المارينا لكن انتبهي من المشي هناك يخليك تقطرين حر خاصه بالصيف

التاسع عشر : سوق مدينة الجميرا يقع على شاطئ الجميرا منجهه وشارع الجميار من الجهه الاخرى وهو جوار برج العرب ومقابل فندق روتانا جميرا بيتش اللي فيها العاب الويلدوادي
سوق مدينة الجميرا و منتجع ميناء السلام وفندق القصر ودار المصيف كلهم فيدائرة واحده وعلى بحيرة واحده تتنقلين من السوق الى الفندقين والمنتجع بواسطة القارب بقيمة 50درهم للشخص ,, والسوق عباره عن تذكارات وتحف قديمه وحديثه وكم محل ذهب وكله هدايا لكن لاسعار مرتفعه نوعا ما عن نفس اخذت تذكارين فقط وديه واحده , واحلى شيءالمقاهي والمطاعم التي تطل من سوق مدينة الجميرا على الفنادق والبحر وتشاهدين القوارب من خلالها بالشتاء في النهار احلى للتصوير وللتمشي بالقارب في الليل ماتسوفين كويس واغلب السوق اجانب ...

العشرين : المطاعم :
طبعا المطاعم في المولات والفنادق وفي كل مكان لكن فيه مطاعم على الشارع تكون مميزه نوعا ما مثل : مطعم ريم البوادي له فرعين بشارع الشيخ زايد والثاني في الجميرا

المطعم عربي شامي ومصري ولبناني وهيك لكن مشكلته الاراجيل الشيشه يعني مزعجه جدا اللي فيه ربو بيغمى عليه وبيتوكل على الله

رحنا هناك وجلسنا وكان فيه مطرب يغني وشيش اعوذ بالله حتى البزران يشيشون هناك وكل العالم تشيش وطلبنا طاوله ثانيه والحمد لله صارت قرب الركن السعودي ومافيها شيش وكان الاكل عادي مو مرررره زين بس الاجواء حلوه بالمطعم وناس عجئه ...

كمان مطعم الحكواتي في كل مكان بدبي مول , امارتس مول , ومردف سيتي سنتر والفرع الي زرته الحكواتي هو فرع مارينا والك بمجمع المطاعم اللي بجنب صب واي و بينس ...

مطعم صدف حلو لكن كرهته لأنه ايراني وراعيه ايراني متعصب وبكل مكان تصلينه اشهر فرع في ابراج الموسى

مطعم حاتم الايراني تناولت فيه غداء في اماراتس مول جدا رائع والطعم لايقاوم والخدمه جيده كلهم فلبينيات ماعدا فلبيني واحد

فيه مطعم نسيت اسمه على اني اردده كثير وتعشينا فيه على الشاطئ موقعه في الجي بي ار الدور الاعلى كله شيشه والارضي مطعم ومقهى عادي وفيه جلسات خارجيه اتذكر لونه احمر الديكور وكل شيء

الواحد والعشرين : مدينة مدهش وكلها حقة بزارين يعني بيستانسون لكن انا ما احبها ولا اطيقها زرتها من 12سنه اول ما افتتح المهرجان واحسها قديمه وعروضها مكرره

الثاني والعشرين ك القريه العالميه لكن في الصيف مغلقه وزيارته تكون بالشتاء فيها كل الاجنحه من كل الدول اول كانوا يفتحونها بالصيف والحين خصصوها بالشتاء عشانلحر ولأنها مفتوحه

واحلى شيء فيها عرضو الدلافين

الثالث والعشرين : الحدائق والمنتزهات عندك اشهر حديقه (حديقة الخور او كريك بارك ) فيها عروض دلافين وحديقة حيوانات مغلقه والعاب اطفال يعني بيفرحون فيها الاطفال + حديقة زعبيل اجمل واحلى حديقه بالشرق الاوسط فيها اشياء حلوه لكن للأسف في الصيف حرر وماتصلح ابد + حديقة الصفا ايضا ماعليها كلام وحلوه)

الرابع والعشرين : المطعم العائمه في الماء مثل مطعم سفينة قرية البوم السياحية بوفيه ورحله في القارب بالماء لكن لازم تجون بدري او تحجزون بالتلفون سعر الشخص 180 وجوله ساعتين+ سفينة باتو احلى وافخم من البوم وسعر الشخص 280 بوفيه وجوله ساعتين )وفيه مطاعم اخرى عائمه

هذا اللي قدرت افيدك فيه بدبي والشارقه اشهر شيء فيها الكورنيش نظيف والناس كلهم محترمين بالشارقه ماشاء الله وماتشوفين مناظر مقززه ماشاء الله وكمان قناة القصباء حلو زيارتها بالشتاء

ابو ظبي حلو وخاصه انها الآن في مافسه بالصيف والعروض في المولات وعالم فيراري والمدن الترفيهيه

وابغى دعواااتك يالغلا

نسيت اقولك الشنط من الكرامه او سوق الكرامه قديم ومحلات مفتوحه على بعض

ارخص واشكال كثيره مشهور الكرامه بالشنط