السلام عليكم و رحمة الله
بنااات كيفكم ؟ انا مسافرة دبي بعد كم اسبوع ان شاء الله وانا المسؤلة عن جدول الرحلة وماني عارفة كييييف اسويه لاني اول مرة اسافر لدبي ابغى منكم ترشوحولي افضل الاماكن اللي تستحق الزيارة والاسواق بس تكون اسعارها معقولة وفيها اشياء حلوة علما ان مدة الرحلة 8 ايام مع يوم الوصول والعودة وعدد المسافرين انا وزجي و ولدي عمره سنتين انا معتمدة على الله ثم عليكم يا بنات ويا ام عزاااااان تكفون سولي جدول حلو
وشكرا وانا عارفة انكم ماراح تقصرون ان شاء الله
السلام عليكم و رحمة الله
بنااات كيفكم ؟ انا مسافرة دبي بعد كم اسبوع ان شاء الله...
ثم اذا حجزتي الطيران شوفي مواقع حجز فنادق مثل بوكينق والعرب لينك بتلقين حجوزات جدا رخيصه اليوم في فندق 3 او 4 نجوم غرفتين وصاله ب400 او 500 واذا بس غرفه وحمام ب300 و250
وابدي احجزي من الان ولا ما بتلقين حجوزات
وعلى فكره اسعار المطاعم في دبي ارخص من السعوديه وهي اساسا بتكون وجبتين باليوم وجبه غذا وفطور 2 في 1 تقريبا الساعه 1 الظهر والوجبه الثانيه 10 الليل والمغرب روحي كوفي شوب او محل ايسكريم
والاسواق ما يحتاج يالغلا اساسا نفس اسواقنا بس اذا تبين تروحين عندك الاوتلت او الاوت لت (يكتب بكذا شكل ) هذا مول على طريق العين الاسعار فيه مخفضه وكلها ماركه بس عليها تخفيض وعندك كمان التنين الصيني هذا سوق كبيييييييييييير وبتلقين فيه شنط تقليد ماركه مررررره حلوه والاشيااااااء كثييييييييييره الله يعينك على المشي
والميزاينه على حسب طبيعتكم وكيف تصرفون في ناس مبذره وفي ناس مقتصده وناس نص ونص يعني على حسب
اهم شيء الاساسيات
الفندق + التذاكر + المطاعم = تقديري من عندي 12700
حسبت التذاكر على 5000 والمطاعم 3300 والفندق على 4400
المطاعم كل يوم 300 ريال والفندق كل يوم 400 ريال وضربتها في 11
بالنسبه لوسيله التنقل افضل وسيله المترو ثم السياره بشرط يكون معك جهاز تحديد المواقع ثم التاكسي ثم الباصات
المترو يوصلك الى معظم الاماكن السياحيه او يقربك منها بحيث تركبين تاكسي ياخذ عليك فقط 5 او 10 دراهم افضل من ركوب التاكسي من الفندق وياخذ عليك حوالي 40 درهم
والمترو والله سريع ومريح وافضل شيء بالنسبه لي رحت لدبي وكان سفرنا عن طريق البر وما احتجنا المترو ولا التاكسي بس قلنا نبي نجرب ركوبه وركبنا المترو رجعنا بالتاكسي بصراحه فرق شااااااااااسع المترو ب4 دراهم والتاكسي ب35 درهم
عموما يالغلا اذا تبين مساعده في الحجز على فندق او اي خدمه راسليني على الخاص وانا بالخدمه ان شاء الله