والله يااختي حنا زماننا احسن من زمان الاولين فيه تطور وفيه وسائل راحة اكثر لكن نفوس الناس تعقدت وصار بينهم حسد وتنافس والبسيط منهم محقور...يعني هم كان العيش صعب لكن النفوس زينه وبسيطة لا حسد ولا حقد..

واللي يقول حريم اول قولوا لهم رجال اول ازين من هالحين..

ياحبيل جدتك والله تجنن وصاقة مية بالمية









بسسس تراني بعلمها انك نشرتي الكلام :30: وياويلك منها لان حقوق الطبع محفوظة لها طبعا

ياحليل جدتك الله يخليها لك ويطول بعمرها مع كذا احس انها مجاملتك عشان لك مكانه في قلبها

انا معك ان كل زمان له وضعه واكيد حياتنا الحين اكثر تعقيد بس الاولات اكثر تعب وقسوه

جدتي الله يمد بعمرها تحكيلي كيف تقضي يومها تقول نقوم قبل طلوع النور نحلب ونخض ونحطب
وندبر البيت ونرعى الحلال اذا الرجال غازي وندبغ الجلد ونخلص السمن ونروي الماء ونقطب البيت ونسدا الغطيان ونخيط الثياب ونطبخ ونربي ونطوي البيت وقت الشديد ونبنيه وهالشي ينطبق على الحامل والوالد وحالتهم حاله هذا كله وسي السيد مريح لاشغله ولامشغله والمهر
زوليه وحجول فضه واللي الله مغنيه قعود بمثابة سياره هههههههههه

مدري عن الفلاليح كيف حياتهم يمكن اسهل شوي من البدو لانهم على الاقل مستقرين

عشان كذا حبيبتي انا مسلمه امري لله ومااجادل واقول معكم حق والله لايغير علينا

انا دايم اقول هالكلام لرجلي ..من يفتح الموضووووع وانا ناطه بحلقه
بيوتهم غرفه ساكنين فيها العائله كلها ..ولا غسيل ولا كوي ولا عزايم ولا دلع رجال ياليتني لحقت عليهم كانوا مرتاحين .. :angry:

تسلمين وتسلم جدتك