جدتي تقول القهوة تحارب السمنة

اقنعوني يابنات جدتي ماشاء الله تبارك الله عجوز كنت اتكلم قدامها عن كريشتي الكبيره ... الا تقول الله يرحم ايامنا ماعندنا رياضه الا شغل البيت والطبخ والنفخ وناكل براحتنا ولاعندنا مثلكم الحين قلت لها ليه مالك كرش لاانتي ولاباقي كبار العايله قالت يابنتي احنا طول يومنا نشرب قهوة كيف نسمن قلت طيب وانا اشرب قهوة كثير قالت يابنتي من زمان واحنا نشرب القهوة البنيه الغامقه قهوة البدو مو مثلكم قهوة بيضا مالها فايده قالت يابنتي قهوتنا تروي الصدر يعني تشده وتمليه وتنحف الجسم منها نطينا لموضوع ثاني ليه بشرتهم صافيه وما لهم شعر كثيربجسمهم قالت لي البشرة لانكم تاكلون لحم وتبهرونه والبهار مع اللحم يجيب السودة قلت لها وش السودة قالت يعني يشيل مويه وجهكم ويصير كل مكان له لون اما الشعر تقول ماكنا ناكل دجاج كثير يالله بالشهر مره تقول ذي الاشياء كانت متوارثه عندهم من وهم صغار يعرفونها معقوله كلامها صحيح ؟؟؟؟؟؟؟؟