جدتي تكره امي وتكرهنا وتحرش ابوي وش الحل !

السلام عليكم ورحمة الله وبركاته
بنات ما ادري من فين ابدأ بمعاناتنا مع ام ابوي
امي تزوجت ابوي في سن صغير وقعدت 25 سنه تكرف وتخدم
ابوي وامه وابوه !
24 ساعه طبخ وعزايم قايمه بالبيت قوم لوحدها !
ولا قد رفعت صوتها عليهم ولا تقولهم الا سمعاً وطاعه
لكن جدتي تكرها كره البلا دائماً تحرش ابوي عليها لدرجة فكر يتزوج
دائماً تجحدها وتظلمها !
تحاول قد ماتقدر تخلي حياة امي جحيم !
تخيلو مانعتها حتى من الحج !
الحج يا جماعه !
واول ما كانت تخلي امي تروح عند امها !
كانت امي تروح تقول لأبوي انها تبي تزور امها وابوي يرفض
فتروح تشكي عند جدتي " ام ابوي "
طلعت جدتي هي اللي تحرش ابوي وتخليه يمنع امي من زيارة امها !
ربي معطينا خير لكن والله اللي يشوف وضع امي ما يشوف اي علامه من علامات هالخير عليها
راحت حياتها كرف وشقى وياليت عند ناس يشكرون !
ابوي يسمعها اسوء الالفاظ ويظلمها ظلم مو طبيعي !
يجحد كل شي تسويه !
بس عشان يرضي امه !
وامه ادهى وامر
والحين جدتي تبي تخرب بينا وبين ابوي
والله يا بنات كل ما قلت هدت الامور وصرنا عائله سعيده ومتقاربه تروح جدتي تحرش ابوي
ويرجع يصرخ علينا ويسمعنا كلام ما ينقال ..

مع ان ابوي طيب ويحبنا مره وينبسط معانا
لكن حسبي الله ونعم الوكيل
جدتي حارمتنا من ذا كلو

جدتي انسانه ما تخلي مكان ماتروحه موجوده بكل زواج وكل عزيمه
صحتها عال العال !
زوجها خاتم في اصبعها وربي يا بنات جدي بنفسه يقولنا كنت اروح البحرين بالقارب
اشتري لها اطقم الماس !
عندها اطقم بالهبل وخيير كثير ! غير الملابس والشنط
وربي لو تطلب لبن العصفور جدي يجيبه لها
واستغفرالله هي بالمره مو حلوه عكس جدي ايه بالجمال
جدي الحين رجال كبير وتعبان وساعات مايقدر يتكلم ولا يقدر يمشي
اول بعز شبابه كان مستتها ومدلعها اخر دللللع
والحين لما كبر
تخيلو تتمصخر عليه ! تقوله انت مجنون انت ماتعرف تتكلم
وتسكته !
والله يقعد في البيت لحاله طول الوقت وهي دايره على حل شعرها من زواج لعزيمه لاستراحه
تخيلو تحضر زواجين في نفس اليوم !
واذا رجعت البيت عالساعه 1 او 2 الليل تروح تقول لأبوي
شوف زوجتك 24 ساعه هايته ماتنتبه للبيت ماتنتبه لأولادها
24 ساعه تكلم جوال

وربي امي قايمه في البيت كله وما تقصر مع ابوي ومع امه وابوه
لكن ابوي يجحدها ويظلمها

بنات وش الحل حياتنا جحيم بسببها هي عايشه ومبسوطه واحنا كل حياتنا صراخ ونكد وتعب !
وربي ماقد ضريناها بشي
على كثر ماتسوي فينا
ماتبغانا نطلع تبغانا في البي 24 ساعه ماتبغانا نشتيري شي ماتبغانا نسوي شي
انا ماهمني الفلوس بحريقه تحرق الفلوس
يارب انها تاخذ الفلوس اللي عند جدي وابوي كلها
بس ابغاها تتركنا في حالنا !


تتخيلون يا بنات لما وحده تعيش 25 سنه مع زوج وام زوج يجحدونها ويظلمونها !


مع اني دائماً يا بنات احلم اني انا وامي واخواتي في مطر وفي دنيا خضرا
دائماً احلم احلام مبشره
مطررر وخضار وحدايق وشي عجيب !

لكن الواقع مختلف ..

وش تنصحوني اسوي وربي تعبت اخر مره كانت اليوم جلس ابوي يصرخ علي بدون سبب
بعدين كملها على امي سب وصراخ !