ممكن تجيبون جلسه شعبيه

وتجيبون وحده تنقش حناء

وتخلون البنات يلبسون ملابس شعبيه :32:

وتجيبون اكلات شعبيه .. وقهوه وحنيني وحركات

** لقيت كلمات الانشوده ..

بين الماضي وبين الحاضر يالله نسمع يالله ناظر
وقت ماضي وقت عابر نستانس نرضي الخاطر
نتكلم عن الاعياد وشي عادات الأجداد
نبغا الفرحه والاسعاد نبغاها لكل الاجواد

الجدة : عجايب والله عجايب طبع شين وطبع خايب
هبت علينا هبايب وين الحياء اصبح غايب

البنت: وش فينا قولي وش فينا ياعجوز عيرتينا
طبعنا روعه وش زينه قديمه ماتفهمينه

الجدة : انا وان كنت القديمه انا اللي علي القيمة
انثبري ياذا الغشيمه يالخبله ماعندس شيمة

البنت: حنا بنات الجمال كلنا حسن ودلال
البدر صرخ وقال جمالك وصل الكمال

الجدة : وين الديرم وين الحنا والكحلة يالله الجنه
طبع فيكن خربتنه زين فيكن لطختنه

البنت: لبسي زين ولي قصّات في القصر بالمنصات
وانتم ماغير منتصات في مصباح مرتصات

الجدة : اول كلن جايب عيده يتفاخر لابس جديدية
عيد عسى الله يعيده افراحه عنكم بعيده

البنت: انتم في جوع وحرمان حنا اشكال والوان
محشيه مع كوروسان اكلات طعمها جنان

الجدة : بنات ماتستحون ثوب ضيق تلبسون
شامواه او بنطلون بنات ماتستحون

البنت: مادري من حسني منبهره او من جمالي منقهره
او من لبسي ولا من عطري انا البدر ضوا بدره

الجدة : انت ياوجه ابن فهره ماعاد الا انت يالكسرة
طبعي زين وبه مشتهره واظن انت اللي منقهره

البنت: اخطيت وذي حبة راس انت الاولى والاساس << تجي البنت وتحب راس الجده :27:
اسمعوا ياكل الناس هن البركه بين الناس

جزاكِ الله خير gurl على تقديم المساعدة وحيااكِ الله معانا في عالم حواء .:26: :26:

كل الشكر والامتنان

انشودة بين الماضي وبين الحاضر دائماً تجي مع مواهب وافكاااااااااااااار

واكيد البنات (الطالبات)حافظينها مع اللحن تبعها.....

ـــــــــــــــــــــــــــــــــــــــــــــــــــــــــــــــــــــــــــــــــــ
شفتي قطع القماش القديمه والله ماأدري وش اسمها

ترا الحين يلبسونها الناس (قميص روز)

المهم قصصيها مربعات تقريبا 10في 10

جيبي حقاق(القريض)والحلاو الملون اللي كنه بيضه القديم

وحلاوة بقروسويها زي الصره واربطيها بسريحة قاش من اللي معك

جيبي زبيل كبير شوي ...وحطيها داخله ...ووزعيها وقت الأنشوده...

ـــــــــــــــــــــــــــــــــــــــــــــــــــــــــــــ

والله عندي افكار كثيره بس شوي حبيبتي وارجع....

اللا هم ابتدائي؟؟؟؟؟؟؟؟؟؟؟؟؟؟؟

وااااااو رجعت ثانيه ولا رديتي ؟؟؟؟؟


!!!!!!!!


عالعموم ممكن تلبسين البنات لبس القديمين

البخنق وووووووووووووووو

ويرددون الغناوي الشعبيه القديمه

اتذكر فيه موضوع للأخت غلايه عن الأغاني الشعبيه القديمه

أنتي سوي بحث في جميع المنتديات وإن شاء الله تلقينه

وتستفيدين,,,,

ــــــــــــــــــــــــــــــــــــــــــــــــــــــــــــــ

ممكن تسوين عرض للألعاب الشعبيه مثل المصاقيل وغيرها

ــــــــــــــــــــــــــــــــــــــــــــــــــــــــــــــ

سوي ركن للمطبخ القديم وحطي فيه السفره والنجر ووووووو

ــــــــــــــــــــــــــــــــــــــــــــــــــــــــــ

سوي ركن للأزياء القديمه وياكثرها وبرخص التراب....

تلقينها عند الحريم اللي في سوق حجاب اذا كنتِ في الرياض....



هذا اللي عندي حالياً,,,,,

اتمنى اني افدتــــــــــــــــــــــــــــــك






ودمتِ ساااااااااااااااااااااااااااالمه