انا رحت دكتور عطاني فيتامين اسمه هابي ديف
ولا شفت منه نتيجة

بالنسبه لي ما استخدمته لولدي ,,,,,,, كان ودي بس مدري وش ردني بالنفاس

وقابلت وحده شمريه وتكلمنا عن العنزروت للاطفال قالت انا بنيتي ذي جبته ونفست عند امي وكل يومين تعطيه ملي البرواز عنزروت بس مخفف مره يعني يادوب فتات بين اصابعك ويذوب بفنجال ماء
وتقول كنت اصايح على امي واقوله يا امي يتموت بنيتي منه قات امه ما ضرك انتي واخوانك قبله هذاكم حريم ورجال وعيالكم ملي بيوتكم

وتقول وانا الحين مستمره عليه مره كل اسبوع او اسبوعين

والبنوته ما شاء الله كانت مربربه بس مو طريه يعني وانتي تشيلينها تحسين جسمها قاسي

والحين لها تقريبا سنتين وزياده ما شاء الله عليها سمنتها حلوه موسمينه ولا نحيفه يعني لبسها حلو عليها

وتقول كل عيالي مسويه فيهم زيها (امها طبعا)

وبالنسبه لامي قلتلها قالت امي استخدمته لخالي الكبير وهو صغير تقول غدا خيوط بيدي وجاه اسهال وانتو بكرامه بغت تقطع مصارينه

وانتو شوفوا وش قراركم بعد هالقصتين؟؟

مدري والله وش الحل مع هالبنت عساها الصلاح المشكلة انه مو واضح انها 9 كيلو
كانها ام 4 او 5 شهور

بنتك وزنها حلو
شوفي ولدي ثرث سنوات وزنه عشر كيلووو بس

توني منقعته ومعطيه بناتي لانه بنتي الكبيره معها غثيان والصغيره لها كم يوم ماسوت شي
يوم سمعت كلامك عطيت باقي عيالي
ام زوجي تنصح فيه بس فيه ناس قالوا انه خطير على الامعاء
بس انت لاتكثرين مره بالشهر ينظف بطنها وبس