" السـلام عليكم ورحمة الله وبركاته "
" بدخل على الموضوع بدون مدآآخل ولا مخآآرج بكل شفافيه وبساطه
.. اسمحو لي بنثر
مافي قلبي وعقلي بدون ترتيب افكار او ترتيب اسطر "
.. جدتي وجدتي
وكل مرأه ورجل كبيـر بالسن
يتعبون باليوم الف مره يتألمون من تعب الدنيا وتعب الجسد وتعب الولد وتعب انه احد يرعاهم ويعتني فيهم
ويحسون انهم بيثقلون على غيرهم .. !!
..
مايقهرني اكثر الأهمال .. بعض العجايز اذا كبرت قل قدرها .. وبعضهم إذا كبرت اهملوها وطنشوها ولا كأن موجوده "
واحيان تجلس في المجلس ليه محد يعبرها ..؟؟ لانها " ع ج و ز " يعني .. او لأن وقتها راح
او انها ماتفهم سوالف هالزمن .. يعني راحت سوالفهم القديمه واندثرت .. تطالع للوقت والزمن بعيون دامعه
اصحابي وناسي الي زمان كنا مع بعضنااا .. والحين صح عندي عيالي وعيالهم .. بس اشتقت ارجع لشبابي ولزوجي الله يرحمه
وصحباتي وبنات خالتي ياليت يرجع الزمن ورا .. وترجع لي امي وتهاوشني مثل اول ااهـ يازين هواشك يمه !!!
ابيه يرجع لو يوم ونرجع لبيتنا القديم وترجع مزرعتنا
.. ويرجع صياح ابوي .. يانوره عاونيني ونادي سعود معاك انا بروح ( الغريس )
وانادي سعود ونتسابق مين ياصل السدره اول .. واطيح .. ويرجع سعود بعيون خايفه .. نواره طحتي تعورتي ؟؟
ايه يدي تعورني مرره سعود اجلس شوف وش فيها .. يجلس سعود : نوراه يااانوارتي فيني ولافيك .. واقوم من عنده بسررعه البرق واضحك عليه ههههههههه سعوود بسبقك
اف يالنصااابه تسبقين سعود اوريك .. وسبقني سعود وقرب يوصل للسدره وانا عيوني تدمع ودي اوصلها قبله .. وسعود يسوي نفسه تعبان عشان اسبقه
وانا اسبقه وأوصل للسدره قبله واضحك بصووووت عااالي كنت مبسوطه سبقتككك ياسعووود وارفع صوتي عشان ابوي يسمع ويعرف اني بطله
وسعود يبتسم !!
اه ياخوي ياسعود الله يرحمك صدق دنيا مو شي .. ليتنا ماكبرنا ؟؟!!
جدتي امسكي فنجالك تقهوي ... جددددددتي ؟؟ وين ابحرتي ؟ .. اهـ يابنيتي الكبر شين ...
لا يجدتي الشين انه محد يكون جنبك ويرعاك
/
.. يابنتي كل يوم يمر كأنه خنجر في قلبي ، تقتلني الذكريات ( الذكرى ) لوحدها عذاااب ، جيلي راح ، أحن له ، اشتاق ههه اشتاق ؟ ياااه
ودي لو يرجع يوم لنفس عمرك يابنيتي بين أمي وابوي واهلي وزوجي و و و .. ......... جدتي : وش الي ذكركك هذا مااضي وهذي الدنيا ..
.. عارفه يابنتي هذي الدنيا وانا راضيه الحمدلله ومااعترض شي ربنا كتبه ، بس يابنتي العبره تخقنقني احيـان ، تحسبوني مافهم عليكم
تقولون هذي عجوز ؟ صح مابقا كم خطوه لقبري بس عقلي فيني توني مااخرفت ، تبوني اخرف وتحطوني في دار المسنين آآآهـ يانوره ماحسبتي حساب للزمن
عيالك تركوك ومابقى الا انتي وحيده في هالبيت صح عندي خدامه مشكورين ياعيالي ماقصروا ؟؟ لو عرفت ماتعبت ولا جبت عيال كان يكفيني ولد واحد !!!!!!
لكن ياكثرهم وياقل بركتهم .. يابنيتي ودي اشوف عيالي لو مره بالاسبوع ودي يطلون علي
وحيده في هالبيت مااقدر اروح ولا اجي مااغير هالخدامه تشيلني من
مكان لمكان ....................... دموع حاااره على خدها المتجعد
بشفاه مرتجفه تمتمت بكلمات غير مفهومه .. ^
/
نوااره احلآ البنات جمال واخلاق ماشاءالله عليها ، ياام سعود ابيها لنايف وش قلتي ... كنت
اسمع ام نايف جايه بتخطبني لولدهاا << حطيت يدي على شفاتي
رقص قلبي من الفرحه ناااااااايف ياحبي له .. كان يجينا دايم وشافني مره من بعيد ..
وكنا صغار كان يجي يلعب معنا انا واخواني
نوااره مكشوووف كفشتك عليك الدور .. ناايف يالكذاب انت ماسكرت عيونك كنت تشوفني وانا اتخبااا .. ماعلي منك روحي عليك الدور هههه
واسكر عيوني وابدأ بالعد 1 طش / 2 طش / 3 طش .... 10 / طش .. وينكم .. ورحت عند البركه قلت اكيد متخبين من الناحيه الثانيه وطلعت على البركه كان لها حواف ..
وانا اطيح في البركه
يعني طيحت نفسي لأني تعبت وانا ادور عليهم ابيهم يطلعون بدون مايقلون لي يافاشله هههه .. وقمت اصرخ ااه بغرق ( وانا اشطر سباحه هههه )
ويجي حمود ولد جيراننا ونايف يركضون ويطلع سعود ويطلعون الباقيين وانا اصرخ ويطب نايف في
البركه وراه سعود .. وحمود الزلابه واقف يطالع ههههه
وانفض المويه عن وجهي واطالع لهم واضحك ههههههههههههههههه كلكم مكشوف يااغبياءءءء
/
تزوجت نايف وكااانت احلا الاياام
..
بعدها بفتره توفى ابوي
..
وبعده امي
..
ومرت السنوات وجبت اطفال
وماااااااااااااااااااااااااااااات نايف
الله يرحمهم
وبقيت وحيده !!!!
وتبيني يابينتي مااتذكر ايامي الحلوه
قمت أهوجس بكل شي .. اني اتعب زياده ، اخرف ، او اموت وحيده
جدتي انا جنبك .. اهـ يابنيتي انتي ماتقصرين
غيري من العجايز كثير ظلموهم عيالهم ولا برو فيهم يعني هذي جزآت أمك ؟؟
/
دمــــــــــــــــــــوعهااا حااارره
صحيح الجو بارد .. لكن حسيت بحر مو طبيعي .. دمي يغلي على كل اعمامي حراااااااام الي تسوووونه حراااااااام
..
هذي امكم ليش ترمونهاا وتتركونها وحيده حبيسة ذكرياتهااا .. زمااان وهي وحيده من بعد جدي الله يرحمه !!!!
،
وقد يطول الحديث ...
والاسطر كثيـــــــره .. سأكتفي بهذا القدر منها لعلي أكون وصلت رساله
وشكرا لقرائتكم
،
منقول للأخوآت/
^^ كتابه / منــــــااديل .. تصاميم / لافنـــدر ^^