اذا من ناحية اقرب للبحر : النورس وهو على الكورنيش
الملاهي:
تشكي تشيز , فن تايم كمان على الكورنيش
وفيه مدينة العاب كبيره جديدة لسه فاتحة اسمها الشلال
وفيه آيس لاند على شارع الامير سلطان
والمطعم اللي تحت البحر هو السقالة على شرم أبحر

واذا تذكرت اماكن ثانية ابكتبها

لأن حنا بالعادة نروح لجده كل صيفية الا هالسنه

وكمان فيه سوق اسمه صيرفي مول(ميغا مول) بس ما شفته<<<وجه يصيح

تذكرت سكاي دايفنق سنتر على طريق المدينة

ومطاعم الاسماك على طول طريق المدينه بس انصحك بالعنبريه او الساحل الشرقي

شوفي انا مو من جدة بس عندي معلومات عن جدة لأني اروح لها كثير انشالله افيدك
بالنسبه للمطاعم
نجي لأول مطعم
وهو زي ماقالت الاخت كنز ابحر هذا مطعم لبناني وبحري كبير على البحر ورايق واكلهم حلو واسعارهم بعد وفيه ملاهي للاطفال وهو في ابحر الجنوبيه
وبرضو عند مطعم السقاله وهذا مطعم عبارة عن سفينه سقاله في وسط البحر واكلهم بعد لبناني وبحري وحلو مرة خاصة وقت الغداء وانتي تشوفين البحر واسعارهم زينه وبرضو في ابحر الجنوبيه
وعندك مطعم كافي روما(نكهه القهوة) المطعم رهيب وفي شارع الحمراء عند نافورة جدة واكلهم لذيذ مررررررة بس دايم مزحزم يبيلك تروحين من بدري واكلهم لبناني بحري واسعارهم معقوله بعد
وفيه مطعم الوستن في فندق الوستن يسوي بوفيه كل جمعه وفي اعلى دور يطل على البحر والفندق على الكورنيش حلو الطله على البحر من فوق راح تعجبك الجلسه
وعندك مطعم ملح وفلفل مطعم هندي حلو اكلهم وسعرهم احلى على شارع السبعين
وبرضو مطعم شيزان وله فرع بالرياض ولذيذ اكلهم واسعارهم على شارع الحمراء وهو هندي
وفيه مطعم الشراع حلو ورايق يطل على البحر وفيه ملاهي للاطفال وهو مطعم كبير على الكورنيش واكلهم حلو
وفيه مطعم ياباني بس المطعم صغير مرة على شارع صاري برضو لذيذ اكله
وفيه ابو نواس اغلب الناس تحبه بس انا مايعجبني مرة وهو لبناني واسعارة رخيصة مرة على شارع قريش او صقير قريس
وطبعا عندك الوجبات السريعه مثل البيك موجود في كثير من نواحي جدة
وفيه بعد مطعم بانعمة مو للعوائل اذا بغيتي تشترين عشا وتروحين الشقة عندهم مطبق وفول لذيذ مرة على شارع قريش قريب من ابو نواس
برضو فيه مطعم مختص بالفول والتميس والشكشوكة في شاارع التحليه بس ماذكر اسمه
وبالنسبه للاسواق عدي واغلطي
عندك سلطان مول في شارع سلطان ومقابله سوق ايس لاند هذا فيه محل تصوير للاطفال ورخيص وبرضو فيه مطاعم وفيه صاله تزلج وملاهي للاطفال ومحلات تسوق راح تبسطي فيه وبرضو على شارع الامير سلطان
وعندك حراء افنيو وسوق حرا في حرا اسألي عنهم وعلى طول يدلونك
وشارع التحليه مليان محلات ماركات واسواق زي طريق الامير عبدالله عندنا
وبرضو فيه جدة مول على شارع التحليه
وعندك الصواري مول سوبر ماركت كبير وسوق في نفس الوقت زي هايبر بنده وسوق الشاطي جمبه سوق شعبي بس يونس رخيص وتحصلين فيه وبرضو فيه ملاهي واذا بغيتي تروحين لهم قولي سوق الشاطي حي الزهراء
والاسواق الشعبيه عندك سوق الحجاز وسوق البوادي وسوق محمود سعيد كلهم في حي البوداي اسألي عن البوادي اذا بغيتي تروحين لها زي اشيقر والمعيقليه عندنا
وفيه الهرم الهرم عندهم احلى من الرياض بكثير وياله تخلصينه
وفيه سيتي بلازا حلو مرة لايفوتك انتي اذا ماعرفتوا الوصف اسألوا اي احد في جدةوراح يدلونكم
اما الملاهي ماعندي خبرة كثير فيها بس عندك جنقل لأند رحت له ولا عجبني صغير ومكتوم
وفيه ملاهي على الكورنيش اسمها الشلال

اتمنى اني افدتك لو بالقليل وتمنياتي لك برحله سعيدددددددددددددددددددددددددددددة

كرا يا اغلى خوات رتونه شكرا بس ما قلتي لي كيف النورس يعني مستواها فندقي والا كيف؟ الاثاث وكذا الله يعافيك

اخت طواري ماااااااااااااااااااااااقصرتي يعطيك الف الف الف عافيه تسلمين يا الغاليه

الغاليه طواري
ياليت تقولين لي عن المطاعم اللي ذكرتيها ساتره ولا مكشوفه
لانا مانحب ولانرتاح في المطاعم المكشوفه
وسامحيني اذا بتعبك