احساس مبدعة @ahsas_mbdaa

محررة

جده يوم الخميس (( تقرير خاص مع صورة )) حبيت اطمنكم على الوضع

بسم الله الرحمن الرحيم

السلام عليكم ورحمة الله وبركاته

أول شيء الحمدلله على سلامة أهل جدة (( على إنه صار فيه شهداء ومصابين وكمان مفقودين ))

لكن الحمدلله إن الوضع تحسن

أول شيء أنا ساكنه في جده من ثلاث سنوات

فلا تلوموني إذا وصفي مو دقيق في الأحياء
............
العام وقت السيول كنا في الرياض
يعني ما دريت عن شيء

إلا لما رجعنا
........

والأسبوع اللي راح واللي قبله مع الأمطار الخفيفة كنا نطلع

وأكيد نمر من شوارع مره مليانة موية خصوصا المجاورة للجامعة

وقمنا الأربعاء الصباح على صوت مطرخفيف

وأنا فرحانه ودي أطلع أتمشى والحمدلله زوجي من السبت وهو معطل (( طالب في الجامعة ))

يعني بنطلع خصوصا إنه هو اللي أصر نطلع نتمشى الأسبوع اللي قبله في المطر

فلما طلع الشارع

رجع يقول لي لا والله هبلة المطر مرة كثير

وشوي إلا تجي رسايل تحذير من الدفاع المدني والاتصالات

وطفت الكهرباء الظهر

إلين العصر وسبحان الله كل العمارة لازلت طافيه إلا احنا

وبعدين جلسنا وأنا خايفة على النت شفت بلاوي والله

قلت أدق على بنت عمي جت سكنت في جده من فترة

دقيت صارت في الرياض قبل المطر بكم يوم سافرت ورجع زوجها لوحده

وهذي والله من رحمات ربي لها ولزوجها

لأنه زوجها من ظمن المحتجزين في أعمالهم في التحلية وهي لسا صغيره وعندها بنت عمرها أربع شهور

وساكنة في دور أرضي نص بدروم وكمان ما تعرف ناس في جده ما غير أنا وكم وحده

رحت دقيت على خالة زوجي ساكنين في القريات صار أبوهم مع بنتهم طلعو مشوار في شارع فلسطين

واحتجزهم المطر قالو بيريحو في فندق الظهر إلى ما يخف المطر حيمشو طلعت السالفة أكبر من كذا

طبعا خالتي فقدت الاتصال معهم من المغرب يمكن فكانت مرة قلقانة فباتو في الفندق

بس الحمدلله رجعو بيتهم يوم الخميس الساعة وحدة الظهر

فكلما دقينا على أحد خوفنا زيادة
............

الوضع كان مرة متلخبط فما قدرت أنام لكن الحمدلله إحنا أحسن من غيرنا بكثيرررررررررر

والحمدلله ساكنة بحي آمن وعلى أن شقتنا دور أرضي لكن الحمدلله عمارتنا مرتفعة

والصراحة خفت أجلس في جده وأهالينا في الرياض يدقو وخايفين خصوصا إن الاتصالات تقطع

و كنت استخير نرجع الرياض خصوصا إنه خلاص ما عندنا دوامات في جده

( كنا ناوين ما نسافر عشان البرد بنتنا صغيرة دايم تمرض في الصيف فما بالكم بالبرد )

لكن في ذاك الوقت خلاص ودي أطلع من جده متى ما هدا الجو
..................
وفي يوم الخميس قررنا نطلع العصر نشوف أحوال جده

والله الحمدللله الأوضاع مرررررررررررررره هدأت

إحنا ساكنين في كيلو 3

طلعنا ورحنا صلينا المغرب في المطار القديم في مسجد الشيخ الزهراني اسم المسجد (( بن يماني ))

وجلسنا في المخطط اللي جنب المسجد والناس الحمدلله حياة
طالعة تتمشى وتشوي ومعينة من الله خير

طبعا فرحت لما شفت الناس كذا
طبعا مو عايلة عايلتين لا والله ماشاء الله مملين المخطط

بعدها صلينا العشاء في نفس المسجد

وزوجي وده يطلع يتمشى الحمدلله الشوارع صارت آمنة على إنه الخط كامل في سيارات معطلة من يوم الأربعاء وقررنا نطلع يا مكة أو بيت خالت زوجي

فكان بيت خالته ورحنا الحمدلله حيهم كمان آمن

ودقيت على ناس كثير في الفيحاء في الهنداوية في الصفا في السامر كلهم الحمدلله بخير
وماتضررو

فبعد ماطلعنا من عند خالته قلنا بنروح نشوف الاحوال كيف

طلعنا من الكبري اللي يوديك ميناء جدة الإسلامي والكورنيش طبعا الكهرباء في أغلب الأحياء هناك طافيه
والسيارات عطلانة في الشوارع والأرصفة متكسرة
إلا إنه الخط ماشيء في ناس كثير طالعة والدفاع المدني والشرطة موجودة وجالسة تنظم وجالسين يسحبو السيارات

والحمدلله في الشوارع الرئيسية مسحوبة الموية

ومن هناك درنا من حي لحي خططنا أغلب جده رحنا لعند أكثر من دوار

دوار السفن فيه زحمه وفي أضرار بشكل كبير والدفاع المدني مقفلة بعض الشوارع طبعا للسلامة

ومرينا كمان من عند دوار الدراجة

والصيرفي مول

وكمان مرينا من عند السفارات السفارة أمريكية بعدين تعدينا بشوي السفارة الإيرانية
الموية هناك لازالت موجودة ومغطية الكفر

بعدها الهندية

طبعا كلما صورت شيء مايوضح لأنه ليل

طبعا هالكلام في حدود الساعة 12 في الليل

ومرينا بعدها لأكثر من حي الروضة __ الأندلس مره متعبي مويه ( يمكن خططنا جده لكن ما اعرف أسماء الأحياء)و مرينا شارع حراء أخذنا عشاء

ومرينا عالانفاق المقفلة كل أنفاق جده مقفلة ماعد نفق واحد هو الي ماشاء الله فيه تصريف مياه

ماله إلا شهرين فاتح اعتقد اسمه نفق الملك فهد

وهذه الصورة الوحيدة اللي بنزلها لكم طبعا بالياالله تصورت

الصورة لكبري الملك عبدالله مع الستين( سألت زوجي الحين عن المكان وهو نايم فإن شاء الله يكون المكان صح)

20110127008

الصورة للكبري وتوضح فتحة التصريف للمويه أسفل الكبري طبعا فيه فتحات كثيرر

لكن هل يعقل أن يكون التصريف بها الشكل أعتقد إنه بينسد بكم حصايه بس
عاد لو تعبى مويه وطين أيش حيكون بالتصريف

الأسطح في البيوت فتحات الصريف أكبر من كذا

ويا من بنى الكباري والأنفاق هل فتحات الصريف بهذا الشكل

فصورفتحات التصريف لابد أن نطلعها لولاة الأمر حتى يرو بأنفسهم ويعاقبوا كل من له يد في هذه المشاكل

................................

طبعا في أحياء لا زل المويه يغمر كفر السيارة والكهرباء مقطوع عندها والهدوء يخيم على شوارعها

لكن الحمدلله الوضع آآآآآآآآآآمن

(( الحي اللي انهار فيه السد مارحناه ويمكن سبب رئيسي للكارثة الحاصلة هو انهيار السد ))

والحمدلله رجعنا البيت على الساعة 2 ونص الليل

.....................................

لكن اللي قاهرني أهل جده (( طبعا مو كلهم ))

من يجاهر بعصية الله

والله والله كثير من رأيت من الحريم يوم الخميس سااااااااااااااااااااافرات

وعبايات فاضحة وبناطيل وكشف ولا كأن شيء صار

والسيارات طول ما احنا نمشي واحنا نسمع الأغاني في كل الشوارع والله ما هو مبالغة

طبعا الأحياء فيه بعضها ظلمة

وأنوار السيارات هي الي منورة المكان

واحنا مقفلين الشبابيك من كثر السيارات اللي مشغلة أغاني

لا وكمان السماعات اللي هازه المكان هز

احنا ما نبغى نقول ان اللي صار لجده عذاب لهم

لكن اتقو الله امس غرقانين واليوم طالعين وفي أوضاع سيئة وتجاهروا رب العزة بمعاصيكم

والله هذا اللي قاهرني وخلاني أنزل الموضوع

اتقوا الله قد تكونو ممن قال عنهم الله عز وجل

فإذا ركبوا في الفلك دعوا الله مخلصين له الدين فلما نجاهم إلى البر إذا هم يشركون ليكفروا بما آتيناهم وليتمتعوا فسوف يعلمون]
..........

.............
فَلَمَّا أَنجَاهُمْ إِذَا هُمْ يَبْغُونَ فِي الأَرْضِ بِغَيْرِ الْحَقِّ يَا أَيُّهَا النَّاسُ إِنَّمَا بَغْيُكُمْ عَلَى أَنفُسِكُم مَّتَاعَ الْحَيَاةِ الدُّنْيَا ثُمَّ إِلَينَا مَرْجِعُكُمْ فَنُنَبِّئُكُم بِمَا كُنتُمْ تَعْمَلُونَ]

والآيات كثيرة

الى متى مانعرف ربي الابوقت المصآاب

وبعدها إذا انفرجت مصبتنا نرجع لمعاصينا

اللهم لا تحرمنا خير ما عندك بسوء ما عندنا

اللهم إنا نشكو إليك ضعف قوتنا وقلة حيلتنا وهواننا على الناس أنت رب المستضعفين وأنت ربنا، إلى من تكلنا إلى عدو يتجهمنا أم إلى قريب ملكته أمرنا إن لم يكن بك غضب علينا فلا نبالي نعوذ بنور وجهك الذي أشرقت له الظلمات وصلح عليه أمر الدنيا والآخرة، أن ينزل بنا غضبك أو يحل بنا سخطك لك العتبى حتى ترضى، ولا حول ولا قوة إلا بك، اللهم اجعل لنا ولجميع المسلمين من كل هم فرجا ومن كل ضيق مخرجا، ومن كل بلاء عافية، اللهم إنا نسألك إيمانا يباشر قلوبنا، اللهم إنا نسألك إيمانا يباشر قلوبنا، اللهم إنا نسألك إيمانا يباشر قلوبنا، ونسألك يقينا صادقا حتى نعلم أنه لن يصيبنا إلا ما كتبت لنا، وأن ما أصابنا لم يكن ليخطئنا وما أخطأنا لم يكن ليصيبنا

سبحانك يارب يامن سبقت رحمتك غضبك

...................................
طبعا ما أنسى أشكر الدفاع المدني والشرطة والمتطوعين اللي في جميع أحياء جده وتكاتفهم مع بعض

والله والله إن الدفاع الدني ما قصر.......

ولا كيف كارثة بهاالشكل واليوم الثاني الناس مداومة وطالعة والوضع أحسن بكثير..

أكيد إنه فيه جهود مبذولة وشغل متواصل

أتمنى في نهاية موضوعي إن الكل يدعي لهم بدل من إن يتمسخر فيهم ولا يتحسب عليه ........

والموضوع أنا من كتبه بنفسي يعني واقع ما هو كلام وتبريرات للدفاع الدني وغيره..

وتقبلو خالص شكري .. احساس مبدعة

34

3K

يلزم عليك تسجيل الدخول أولًا لكتابة تعليق.

تسجيل دخول

1 2 3 4 5 6 7

مــــزون • 14 سنة

لآتعليييييييييييق

بس هالمره لآزم أهل جدة يسوون شيء ويتحركون

sunlight-878 • 14 سنة

الله يعطيكي العافيه ماقصرتي والحمدلله على سلامتك

gjق MisS • 14 سنة

والله تبغون الحق

لازم يطلعون الشباب والشيبان كلهم يسوووون مظاهرات عاااامة لازم الناس كلها تخرج عسى يفيد فيهم

رهمو • 14 سنة

الحمد الله ع سلامتكم

الله يطمن عليكم ياااارب

انا سلفه خالتي طلعت اتمشت في جده واحنا من المدينه وعندها 4 اطفال اكبرهم 2 ابتداائي

وطفل عمره 4 اشهر المهم الطفل اللي عمره 4 اشهر خلته عند امها ما خدته معاها جده

المهم ضهر الربوع خرجت هي وزوجهاا بس وخلت بنتهاا وولدها في الفندق ويريد الله تنزل الامطااار

واحتجزو في مكان الدفاع المدني ماانع احد من التحرك وهيا وزوجهاا بيجنو ع صغاااارهم مساااكين

هما في مكان وبزورتها في مكااان وفي المغرب طفا عليهم الجوال خلاص مسكينه قطعت نفسها من البكااء

وصرااحه اهل جده كرماااء ماقصرو ونشكرهم ع وقفتهم ومسااعدتهم لبعض اتصلو ع الفندق وطمنوهم الصغار بخير

والحمد الله كان لهم قراايب قريبين من الفندق واخدو الصغار وهيا وزوجهاا جلسو عند نااس وفي اخر الليل

راحو لبعض ونزلو المدينه الخميس الضهر والله قطعت قلبي الله لايحرم احد من احبابه

تقبلي مروري

حنايا الروووح • 14 سنة

اي امنه الله يهديك والله الشوارع معدومه عدم وانا بالقوه طلعت من الجامعه محشوره من 10 الين 8 العشا وجوع وبرد وبلل والمويه وصلت لنص اجسامنا والله وانتبهو ياختي لاتغامرين وتتطلعون في ذي الاوقات انتبهو يكون حفر ولا التماس الله يعيطك العافيه..

الصفحة الأخيرة