صباح الخير
الموضوع وما فيه جت لزوجي رسالة من البنك مفادها :
الرجاء سرعة سداد المديونية المستحقة عليكم وشكراً ..
طيب من وين وزوجي مفصول من عمله ظلماً وعدواناً من سنتين ولا عنده وظيفة ولا دخل ثابت إلى الآن ؟؟؟ ....
وأمس قرأت بتشات المجد إن في مكرمة ملكية وعنونتها المرسلة بـ ( جدولة المواطنين المديونين للبنوك السعودية ) وش معنى هالكلام ؟؟؟؟
وهل أحد عنده خبر عن هالخبر ؟؟؟؟؟؟؟
مع إني دورت الخبر بالنت طول أمس واليوم بكل الصحف اليومية الورقية والالكترونية وما لقيت شي عن هالخبر .... مدري هي من وين جايبه هالخبر .......
مدري هي بداية الفرج وإلا النهــــــــــــــــــاية
والله أكتب لكم وقلبي يعتصر ألماً من الظلم والحقد اللي يملى قلوب البشر... كل واحد يبي ياكل الثاني ولا يخلي له أي فرصة للعيش الكريم .... أكتب لكم وبعيني ألف ألف دمعة ألم وقهر وأنا أتذكر خبر قرأته ليس ببعيد عن سجن ولديّ متوفي مديون لبنك الراجحي لم يسدد مديونيته قبل وفاته <<< ليش يموت وهو ما سدد حنا نعاقبه بقبره وناخذ عياله فلذات كبده بداله ونحرق قلب زوجته عليه وعلى عيالها وعلى الفقرررررررررر!!!
ما أقدر أكمل ...................
بس الله يعافيها اللي عندها أدنى فكرة عن الخبر تقول لي هل هو صحيح وين القى الخبر ( المصدر ) ....
حسبي الله ونعم الوكيل ... حسبي الله ونعم الوكيل ... حسبي الله ونعم الوكيل