السلام عليكم ورحمه الله وبركــــاته
وكل عام وانتم بألف خير ،
بمناسبه قرب حلول شهر الرحمه والغفران
أكيد كل وحده مننـــــا مخططه في رمضــــان ،
لأنه ضيف عظيم وعزيز علينا ولازم نستعد له زين ،
ونقدم له أفضل ما نملك ، ونكرمه خير إكرام
عشــــان لما يروح ، يكون راضي عننــــــا ،
ويكون سعيد بإكرامنا له ،
وعشـــــان يرجع لنا أعوام عديده
أنا مشروعي بسيط لكن أنه عظيم بإذن الله
كتبت جدول لإخواني الصغــــار
وأسمه
وخليت كل واحد منهم يكتب مشــــاريعه ،
والحمد لله لقيت تجاوب معهم وحماسه
وهذا نموذج مفرغ للجدول
وهـــذا بعد نموذج لإختي الصغيره
بس لا تدققون كثير تراها صغيره
لما خلصت ووقعت على التعهد بأنهــــا سوف
تلتزم بهذه النقاط
علقتهـــــا فوق سريرهــــا ، عشـــان لما تقوم أو تنام تشوفهـــا
وبكذا ما تنساها وتتذكرها دايم :
وبعد عشــــان أعزز لهم مشروعهم
أعطيت كل واحد منهم مصحف وأذكـــار
إن شـــأء الله تكون الفكره أعجبتكم ، وأتمنى أنكم تنفذونهـــا
على اخوانكم أو أولادكم
والله يطرح فيهم البركه وبكذا تنمون فيهم الحس الديني وواجبهم إتجاه الضيف اللي هو رمضـــان !
يتبع ، بليز لحد يرد
//
أما انــــا - وأنتم بإذن الله -
راح يكون مشروعي :
ماراح أقرى القرآن
وبس ، لا راح أقراه مع التفسير ،
كل سنه أختم القرآن أكثر من مرتين وثلاث
لكن للإسف تمر علي أيــــات كثيره ما أعرف معناها :44:
ولا سبب نزولها ؟؟
ولا في من نزلت ؟؟
السنه هذي رمضــــان غير بإذن الله ، :35:
لأني أشتريت كتاب
لتفسير القرآن الكريم ،
للشيخ محمد الصابوني
شــــامل لـ
أولا : بين يدي السوره ، وهو بيان إجمالي للسور الكريمه وتوضيح مقاصدهــا
ثانيا: المناسبه بين الأيات السابقه والآحقه
ثالثـــا : اللغه مع بيان الإشتقاق اللغوي والشواهد العربيه
رابعـــا: سبب النزول للسور ولأيات
خامســا :التفسير
ســادســا: البلاغه
ســـابعــا: الفوائد واللطائف
طبعــــا فيه كتب تفسير كثيره مره
أتمنى أنكم ما تترددون أبد في شراء كتاب تفسير
مثل ما تكرمون العيد وتشترون أفضل واحلى الملابس
بعد رمضــــان لازم تكرمونه وتكرمون أنفسكم وتشترون كتاب تفسير
أو حتى لو مواقع موثوق فيهــــا تفسر لك الأيـــــات ،
اكيد كل وحده تبي الأجر وكيف تتدبر في معاني القرآن
والله يابنات في امور كثيره بالقرآن نجهلهـــــا
تخيلوا يا بنات راح للبصره ثم الشام بس عشـــان يفسر آيه وحده بس ،
وحنــا للأسف تمر علينا آيـــات ولا ندري وش تفسيرهــا ، رغم إستطاعتنـــا
يلا يــــابنات لنبدأ مشروعنــــا الجماعي بإذن الله
ملاحظه : اللي تبي تنشر الموضوع أو المشروع هذا تنشره ، فجزاها الله ألف خير
وبعد يابنات انا بسويه إيميل وبرسله لصديقاتي ، وانتوا بعد خلينا نتعاون على الخير
متعوب عليه وربي !